|
مساء /صباح الخير ......
السلام عليكم ورحمة الله
عندي مشكله وارجو من الله ثم منكم المساعده عمري 24 سنه يتيمه فقدة ابوي وعمري 6 سنوات حقيقه انا ما اذكره ولا توجد عندي اي مشاعر تجاهه لاني فقدة وعمري صغير كل مشاعري صارت لامي تعلقت فيها بشكل كبيييييييير اخاف عليها اكثر من نفسي لكن الان لي فتره ظهرت عندي مشكله اقلقتني وصرت ما اناااام الليل ونفسيتي معدومه ب النهار صرت اكره الليل يجي كله بسبت ها المشكله اللي هي اني اتخيل كيف بتكون حياتي اذا فقدت امي وكيف ابعيش من بعدها واتخيل شكلها وهي ب القبر واتخيل البيت من دونها تعبت تعبت تعبت ... والله العظيم اني اوقف عند باب غرفتها ب الليل وهي نايمه وابكي مثل الاطفال المشكله اني كل ما حاولت اسلي نفسي واشغل تفكيري باي شي... اقول بنفسي اني قاعده اللعب على عمري وان اللي افكر فيه فعلا بيصير ... وهذا حال الدنيا الناس كلها بتموت وامي بتموت ... يعني ها الافكار صحيحه وواقع لامفر منه والله اني تعبت لدرجه اني كنت رافضه الزواج واحد اهم اسباب رفضي كان عشان امي لاني ما ابي اخليها لحالها .... ولانها بعد هي كان يضيق صدرها اذا احد تقدملي رغم انها تتركلي حريت الاختيار الا انه كان يبين عليها الضيقه ... واذا رفضت الشخص اللي متقدملي تفرح وتمبسط لكن الان بديت افكر بنفسي اكثر وصرت اتمنى اتزوج عشان يكون لي اهتمام غير امي ... ابي اكون لي اسره بحيث لاقدر الله فقدت امي يكون وقع المصيبه اهون علي ... انا تعبت ... والله العظيم تعبت ... وش الحل ... |
هل من مجيب يا افاااضل
|
من فرج لمسلم كربه من كرب الدنيا فرج الله عنه كربه من كرب يوم القيامه
|
وين المختصين عن موضوعي
يالله ياكريم تيسر امور من يساعدني بحل مشكلتي اقسم بـ الله لا ليلي ليل ولا نهاري نهار |
تحية طيبة وبعد اختي العزيزه عندك قلق انفصال: يصاب صاحبه بتوتر شديد وقلق مرتبط بفكرة الانفصال عن ذلك الشخص العزيز والذي يرتبط به وغالبًا ما يكون الأب أو الأم أو أحد أفراد العائلة التي تقدم له الرعاية والحب والحنان ويظهر ذلك القلق والذعر، واعتقد سبب هذا وفاة ابيك والصدمه التي مريتي بها سابقا.......معك مجموعه من الاشياء لفعلها
1- اكتبي اسوء شي يمكن ان يحدث اذا فقدتي امك لا سمح الله...........اغلب المخاوف لا اساس لها من الصحه......وتقبلي الوضع 2- تمارين الاسترخاء العضلي قبل النوم " 3- حاولي الاهتمام بشي اخر تحبينه ابحثي عن هواياتك.......... الزواج وتكوين اسرة له دور كبير في ذلك 4- لا تنسى قراءة الاذكار والقران عند النوم واذا رجعت اليك الافكار عن موت امك فاكبيها في ورقه وابدي في تفنيدها...... مثلا سوف تموت امي اليوم؟؟؟؟ اسئلس نفسك؟؟ كيف عرفتي ذلك!!!!!!!!!!! من اين لك هذا الكلام!!!!!!!!!!!! هل حدث ان حصل مكروه لامي في الايام الماضية؟؟؟؟؟؟؟؟؟؟؟ هل هذا الكلام له نسبة 50 % من الصحه؟؟؟؟؟ وهكذا حتي تقتتلي هذه الافكار.......... ودمتم بود |
مستشارنا الفاضل
بدايه اشكرك من اعماق قلبي على تجاوبك مع موضوعي بعد ما ذكرت ان ما اعاني منه هو قلق الانفصال .. ذهبت وقرأة عنه ووجدت كل مافيه او اغلبه ينطبق علي بنسبه لتوجيهك رقم واحد .. انا فعلاً كتب اغلب المخاوف اللي اشعر فيها ووجد ان قد بالغت في تصوري للبعض منها وانها قد لاتقع لكن وبـ المقابل هناك مخاوف صحيحه 100% اما توجيهك رقم 2 فـ انا اعدك اني راح اقرأ عن تمارين الاسترخاء وراح اطبقها ان شاء الله نجي للتوجيه رقم 3 والله العظيم يا اخي الفاضل اني اصبحت ما احس بجمال الاشياء اللي عندي من كثر ماها الافكار معششه براسي .. وحتى اكثر الاشياء اللي احبها ماعاد لها طعم وخف شغفي وحبي لها رغم اني من صغري وانا اعاني من ها المشكله لدرجة اني ما اذكر امي راحت لمشوار الا وانا معها خوفاً اني افقدها لكن رغم كل هذا الا اني مجرد ما اشغل نفسي بشيء انسى ها الافكار .. لكن الان الوضع تغير وهذا اللي مقلقني |
| الساعة الآن 10:41 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا