80 ملجم بروزاك
 

السلام عليكم .. كيف حالكم (: ؟؟؟


من اسبوعين رفعت جرعة البروزاك مثل ما قال دكتوري من ثلاث حبات الى 4 حبات وهي الجرعة القصوى .. وللاسف حالتي سيئة جدا .

مريت بايام صعبة سواء بالدوام ولا بالبيت ... الاسبوع اللي طاف رحت الدوام وكاني سكران لاني ماخذ 4 حبات 1.5 مج لكسوتانيل بس لاني مب قادر استحمل الوضع اللي انا فيه .. انفضحت بين الناس بس شقول غير الحمد لله على كل حال .

صحيح اني مداوم على الصلاة والاذكار واقرا قران كل ما اقدر لكن بسبب حالي هذا صارت تجيني شكوك عن ايماني بالله واني ليش حزين لما اصلي واتضايق وما احس بالطمانينة وليش حالي بهالصورة مع اني ما سويت شي وانسان في حالي ومب راعي مشاكل ولا هم يحزنون .

بعد ما جربت سيبرالكس وبروزاك مستحيل يكون عندي نقص في السيروتونين .. هذي احدث الادوية ووصلت لاعلى جرعاتها وما جربتها اسبوع ولا اسبوعين بل شهور وللاسف مكانك سر .

تستمر الحياة سيلفر

الله يكون بعونك اخوي أنا باخذ حبتين بروزاك يوميا ومرات يزيد عندي النوم
وبالليل يجيني ارق والله المستعان وغير كذا أموري طيبه
بس يا اخي كيف الحال إسأل دكتورك على البروزاك 90 وهو بمثابة مثبت للبروزاك 20

شكرا ويعينج يارب .

تقصدين بروزاك 90 ملجم ؟ ولا اسم دوا ثاني ؟ بساله عندي موعد بعد اسبوعين .

زاد وزني كثير على بروزاك ,, ينقال اني مهتم هي خاربة خاربة .

ادعم العلاج الدوائي بالسلوكي

مثل ممارسة الرياضة والافضل الرياضة الجماعية

حاول تزيد العلاقات الاجتماعية فهي مهمة جدآ مع العلاج الدوائي

اهلا اخي كيف الحال
لا تيأس اخي بما انك لم تستجب لمضادات الاكتئاب
العلم في تطور بإذن الله
لكن هناك مرض اهمل كثيرا وحقيقة هذا المرض اعراضه تتشابه كثيرا مع الاكتئاب
المرض هو مرض القلق العام
وهذا المرض لا أدري ان حان سوف يفيد مضادات الاكتئاب ام لا
المهم اعراض هذا المرض بحسق تجربتي مع هذا المرض تقتصر على ثلاث اشياء
كثرة التفكير وضعف التركيز والتعب عند مزاولة الرياضة وايضا المشاكل الهضمية القولون العصبي
وهذا المرض بامكانك التأقلم معاه لدرجة كبيرة
فقط حبيت ان اشرح لك مرضي
هناك نسبة من الذين يعانون من الاكتئاب لا يستجيبون لمضادات
انا انصحك حقا ان تجرب دواء ايفكسر
الله يشفينا واياك وجميع مرضى المسلمين

اخي نصحة نصحني بها طبيبي وهي ان الدواء اذا لم يلائمك اطلب من الطبيب ان يغيره لك..انت المريض وانت من يحس بنجاعة الدواء..الطبيب انما يقيم حالتك فقط بناءا على ما تحس به انت..انا طبقت النصيحة وارتحت..لا اخذ الا الدواء الذي ارتاح عليه

والله اني احاول وانا اخوك , اقسم بالله احاول لكن مافي فايدة ,, دايم مكتئب وحزييييييييين وقلق وما عندي ثقة بنفسي ابد وعشان جذا انا فاشل في كل شي اسويه لاني مب قادر اركز .

شكرا اخوي عبد لله , يعافيك الرب جل في سماه .

انا غيرت كذا دكتور وارتحت لهذا الدكتور وانتظر موعدي بعد اسبوعين بشوف شيقول , هذا الدكتور عمره فوق السبعين واحسه مثل ابوي وفهم اللي اعاني منه لكن لا يوجد حل للاسف ,, أكد لي انه الوساوس اللي اعاني منها والقلق النفسي علاجها البروزاك وهو احسن علاج يعالج الوسواس حسب كلامه ,, فانا حاليا متحطم لانه ما شفت نتيجة ناهيك عن الاضرارا الثانية اللي سببتها لي الادوية نفسية واللي ما احب اذكرها في مكان عام .


الحمد لله على كل حال .

اخوي ولافي جزاك الله خير على النصيحة ,, لكن انا من النوع اللي لازم يعطي الدوا النفسي وقته الكافي وجرعته القصوى حتى احكم عليه عشان ما يراودني الشك وهذا اللي حصل معاي لما كنت اخذ سيبرالكس والحين بروزاك .

بسال الدكتور بعد اسبوعين يغير الدواء ولو اني احس خلاص ما عاد ينفع مع الادوية وودي اتركها بس في نفس الوقت ودي اتحسن واشعر بطعم الحياة اللي فقدتها

اخوي كيف الحال


الله يشفيك والله حاس فيك بس وش نسوى

حاول انك تطلع للبحر او المشى

اما الدوام اخوي ما عليك منهم ولا تفكر لحظة فيهم الناس قل فيهم الخير لذلك عادي لو ضايقك احد طنش

لا هو متبث وإسمه البروزاك 90
وفعلا البروزاك يفتح الشهيه ولكن حاول تمشي بنفس النظام الغذائي لي كنت ماشي عليه قبل الدوا
أنا زاد وزني مؤخرا شيئ بسيط وربما لو أخذ قبل الاكل مايسبب سمنه ولكن يسبب إمساك وانا مجربت ولكن الدكتور قالي كذا

اليوم جتني انتكاسة قوية ما يعلم بها الا الله ,, ربي لا تحملني ما لا طاقة لي به .