السلام عليكم ورحمة الله وبركاتة
عندي استشارة
انا من اكتر من 8 سنين جاتني اللتهاب في المعدة
بسبب دواء عظام ولان مكنت اعرف اعرض المعدة
بدات تجيني حالة خوف من الموت والامراض الخطيرة
ومع الوقت جاني القاولون العصبي
وبعدها بسنة اتطور الموضوع معيا وبقت احس بفزع وهلع لمجرد خروجي للشارع
لدرجة اني قعدت اكتر من سنة منزلش الشارع حتي لو مع عائلتي
المهم من سنة ونص بس عرفت ان اللي عندي دة عبارة عن
حالة اسمها نوبات هلع وعرفت دة من خلال النت لن مرحتش لدكتور
انا كنت بروح لدكتور باطنه وكل ما اقولة بتحصلي حاجة غريبة وبخاف لما انزل الشارع واحس جسمي مرتبك يقولي دة من القاولون العصبي
المهم لما عرف انها حالة هلع دخلت علي النت وكتبلي احد الاطباء في احد المواقع علي دواء اسمه لوسترال 50 اخد حبة وقالي خدها لمدة شهرين لو حسيت بتحسن كمل 6 شهور
وفعلا حسيت بتحسن ملحوظ بعد الشهرين تحسن بنسبة كبيرة
كملت عليه لمدة سنة ونص وكنت بخاف اسيبة لترجعلي الحالة تاني
المهم من حدود اسبوعين الحالة ابتدت تجيني بشكل اقل من الاول طبعا وبتتحسن بسرع انما ابتدت ترجعلي بعد ماكنت خلاص نسيتها
المهم دكتور صيدالي قالي سيب لوسترال 50 وخد seroplex 10mg
ابدا بنص حبة 3 او 4 ايام وبعد كدة خد حبة كاملة
وانا دلوقتي خدت يومين نص حبة وبعد كدة بدات اخد حبة كاملة
وليا دلوقتي 9 ايام كامل باخدة بس مش حاسس بتحسن
السؤال هل دة عشان الدواء لسة جديد والجسم هياخد فترة عشان يبدا يتعالج من الحالة ولا هو كدة مينفعش واشوف نوع تاني ولو نوع تاني يكون ايه ارجع للوسترال ولا ايخد نوع تاني
وصحيح انا كان الضغط عندي مظبوط دلوقتي انا بقيسة كل شوية في البيت عندي بالجهاز مرة اللاقي 140 علي 90 ومرة الاقية مظبوط 125 علي 80 او 85
وهل دة ليه دخل بالحالة مع العلم اني مش باخد ادوية ضغط
وباخد دواء للقاولون دواء كولونا ولبراكس وموتليم
بانتظار ردكم الكريم وجزاكم الله كل الخير

المشاركة الأصلية كتبت بواسطة امل الروح (المشاركة 853137) السلام عليكم أخي الكريم أسأل الله لك الشفاء و العافية،، في إنتظار رد الأعضاء المجربين لنفس الدواء،، أطلب منك فضلاً أخي أن لا تكرر المواضيع،، يكفي موضوع واحد حتى يتسنى لك المتابعة و للأعضاء أيضاً شكرا لحسن تفهمك،،

الاول اعتذر عن تكرار الموضوع
لكن والله التكرار بغرض الرد من اكتر من جانب
وبسرعة وانا حطيت الموضوع في النتديات المختلفة
ومرة تانية اعتذر عن دة لكن انا افتكر ان عادي
وياريت يا اختي امل لو تعرفي اخصائي هنا في المنتدي توصلي له الموضوع بتاعي
ويكونلك جزيل الشكر
واسف علي تكرار الموضوع

المشاركة الأصلية كتبت بواسطة امل الروح (المشاركة 855487) اهلا بك اخي .. اشكرك على حسن تفهمك بامكانك فتح موضوع في العيادات على هذا الرابط و ان شاء الله سارسل رابطه للاخصائي حتى يرد عليك ان شاء الله... http://www.nafsany.cc/vb/forumdisplay.php?f=20 بامكانك نسخ مشاركتك هذه و فتح موضوع بها في العيادة و لا باس من ترك هذه هنا حتى يشاركك الاعضاء دمت بخير اخي و عافاك الله