|
شو الأخبار؟
انا تعبانة و احس اني مضايقة وايد
|
الحمدلله على كل حال
اختي ليش ماتخلين مطوع يقرأ عليج ? قولي حق هلج حاسه بضيجه شوفوا لي مطوع ... ماعليج شر بس حاولي تقرين قرآن ، لو صفحة في اليوم .. |
رحت عند مطوع و قرا عليه ،
انا من الصبح مضايقه و حاسه ب خوف و الحين صدري يعورني و قاعده اتخيل اني بموت |
اقري الاذكار على عمرچ
وفي آيات السكينة والخوف في ملتقى الرقيه الشرعيه اقريها عند الخوف والله يشفيچ |
يزاج ربي خير اختي بنت الظبي.
|
حبيبتي السويدي الله يريح قلبج يارب، انا حاسه فيج صدقيني ... اعرف لو سويتي كل شي الضيجه ماتخوز، وهذا اللي يخليج كل مره تفتحين موضوع يديد ...
كل شي عند الله ... وهذا أمره مانقدر نعترض ... إن بعد العسر يسرا يارب فرج عن اختي السويدي ، يارب اسعد قلبها ، يارب ابعد همها ، يارب انت علام الغيوب ... |
السلام عليكم اختي
لما الخوف والله معنا... لما الخوف و حلاوة الايمان في قلوبنا... لما الخوف واعظم اسلحة العالم بين ايدينا... كتاب ربك اجعليه ملاذك وملجأك... ثقي بحب الله وقربه منك .. كلميه.. ناجيه.. اشكي له الحال.. فهو الوحيد القادر على شفائك.. اما نحن فعباد ضعفاء لا نملك لانفسنا نفعا ولا ضرا |
صح قاهرة الوساوس نحن لانملك شي، فالأفضل ( السويدي ) تمسكين المصحف وتقرين اللي تقدرين عليه، فنحن مانضغط عليج بشي ولا هو غصب، بس نصيحه عشان ربي يفرج عنج
|
مشكورين وايد ..
كله احس اني متسلفه اني ماخذه بيزات من حد كله احس اني لازم ارد لحد ماعرف كيف ابعد ها لإحساس مااااعررررف :( |
اشتري هدية لزميلتك واعطيها لها.. سترتاحين وتبعثين الفرحه في قلبها وقلبك ...
|
هذا وسواس اختي السويدي
بس لو حد دفع عنج ، قلت لج المره اليايه انتي دفعي حتى لو في فرق ، نحن طبعنا نعزم بعض ، مافيها شي وإذا انتي متسلفه تراج مابتخلين في ذمتج بتردين السلف، لكن ماظن انتي متسلفه، بس هذا فيج خوف تحسين بهذا الاحساس ... |
هذا موقع والله اعلم امارتي من لهجتكم ( والنعم فيج) <<<<< يمكن اقول
انا اخوكم سعودي حسبت ها الموقع سعودي لانه بفتح كثير اقرا فيه وسجلت معكم وانا اتشرف معاكم سعودين او اماراتيين او خليجين او عرب والنعم بالجميع عموما الحال افضل عندي الان مع علاج لوسترال ممتاز والافضل من العلاج هو طريقه علمهاني هي الدكتور قال لي لما تجيك الفكره الوسواسيه حقت العلاقات قول لنفسك هذي فكره مرض وسواسس ماله اي اساس من الصحه ولازم اطرحها من راسي الان وبعدها ارتحت كثير وكل ماتجيني وانا اكررها كذا حتى يطمئن القلب اللي تعبنا مع العقل والحمدلله واتمنى كلكم تعملون بها الفكره وراح ترتاحون بالتاكيد لكن بتصبروا عليها لازم طبعا لانه مو كل شي يتصلح ويتعدل بيوم او يومين |
السويدي ترحمي نفسك انا اول ماجاني وسواس الموت سجلت هنا
وتذكر كنتي تردين علي والحمد لله خرجت انا من وسواس الموت واليوم قلت بدخل بشوف ورد ع الناس وطمنهم وانصدمت لما شفتك للحين تعاني اختي انا حالتي كانت صعبه جدا جدا وعانيت مالله فيه عليم 3 شهور وانا من طوارئ لطوارئ وكله وهم ولعب من الشيطان يا اختي انسي اللي فيك ولاتفكرين الحمد لله انا سرت زي اول بس في الشهر ممكن تجيني نوبة هلع مره او ماتجي والمضحك انا تخصصي طب طوارئ وأشوف حالات صعبه ونشخص حالات الوفيات ومع ذالك رجعت كويس والمضحك أني اتوظفت قبل 15 يوم في مستشفى ورحت اقلب بسجل المرضى ولقيت اسمي هههههههههه يوم كنت أجي واتخيل نفسي بموت قبل مايشوفني الدكتور والحمد لله الحين شغال في نفس المستشفى ... لازم تغيرين من نفسك او تزورين الطبيب صح انا استخدمت علاج صرفوه لي من الطوارئ ممتاز جدا والحين خففت الجرعه لآخر شي وبتركه بعد كم يوم والعلاج خاص في القالون العصبي بس انا مدري العلاج هو السبب بعد الله ولا انا تحسنت من الله لن العلاج صرفوه لنو تشخيص الدكتور قولون عصبي وقالب هذا العلاج بيريحك من كل شي والحمد لله اذا حابه تستخدمين العلاج خبرني أقلك اسمه وكيف تستخدمينه ... وانتي من اي منطقه |
| الساعة الآن 06:39 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا