اشكالنا بعد المرض
 

انا احس نفسي صرت اشبه مصاصين الدماء اللي في افلام الرعب وجه شاحب و عيون غائره و سودا انتوا شلون؟ هل قل اهتمامكم بمظهركم؟ اخر مره تمكيجت و سويت شعري قبل ست شهور بالغصب لانه كان كتب كتاب واحد من قرايبي

ههههه اختي عشتار ،،طيب حاولي تهتمي في نفسك اضغطي على حالك انا كدا والله مالي خلق اسوي شي في نفسي بس اضغط على حالي واهتم في نفسي وفي بيتي وعيالي وزوجي هما مالهم ذنب ،،وبالعكس احس لو اهتميت في نفسي واترتبت احس نفسيتي تكون احسن ..

والله يا ام جميل احاول بس ما اقدر ما احب اشوف نفسي بالمرايه كرهت نفسي يا ربي ارحمنا برحمتك

معليه اختي حاولي اضغطي على نفسك في البدايه حتحسي انو صعب بعدين تتعودي على انك تهتمي في نفسك ،،والرجال مالو ذنب اكيد يرجع يبغى يلاقي زوجتو مهتمه في نفسها وبيتهاوعيالها انتي اعتبري نفسك طالعه عنداحداكيد راح تهتمي في نفسك وشكلك صح زوجك اولى من اي احد ،،حاولي حبيبتي صدقيني راح تتعودي على كدا لاتخلي الشيطان يفرح اقهريه وعانديه وغيري في شكلك وشوفي كيف النفسيه تتغيروتتحسن.

احاول اختي الله يصبرني

هههههههه جتني فترة كنت متلك بس صرت اضغط على نفسي واقول وش ذنب شعري وجسمي لو ان عقلي مريض وان شاء الله شدة وتزوول

انا نفس الشي احاول بس احيانا اقدر و احيانا افقد الامل
بحاول اليوم اهتم بشعري او اغير ف اللوك ... و الله كريم

عن اشكالنا حدث ولا حرج مع الهلع، انا كنت كما وصفتي نفسك بالضبط ياعشتار في بداية المرض ونزل وزني واصفرار وشحوب والسواد تحت العيون من قلة النوم والبكاء حتى اهملت نفسي بعد ان كنت معروفة بالاناقة والشياكة كله ذهب مع الريح اصبحت اول مرضي لا اخرج الا بلباس واحد ولكن شيئا فشيئا جاهدت نفسي واصبحت اهتم اكثر بصحتي ولباسي ومع العلاج استعدت وزني مع اني اصلا اميل للنحافة ولكن النقطة الوحيدة التي فادتني ان الجميع اعجب بوزني هههههه وهم لو يعلمون سبب الزيادة وماوراءها،يجب ان نضغط على انفسنا حتى نستعيد مادمره الهلع ههههه

انا كل ما احاول ارجع لنقطة الصفر الله يرحمنا

صارلي كم يوم افكر اصبغ شعري بس وجهي شاحب تخيلي اصبغ لون فاتح و الوجه شاحب كيف يطلع المنظر؟

انا وزني نزل عشره كيلو كل ما ازيد نصهم ارجع انزل ههههه ضحكتيني انا صرت ما اطلع الا بلبس واحد من سنه حتى ما فكرت انزل السوق اشتريلي شي

عشتار انتي مره يائسه ليه كدا من سنه ما اشتريتي شي حرام عليك ليه كدا،،،اطلعي السوق اجبري نفسك اشتري ملابس جديده ،،وتاني شي اصبغي شعرك عادي يمكن نفسيتك تتغير وبعدهااهتمي بوجهك اسهل قناع للوجه مويه الورد مع النشا ماياخد وقتك حطيه عشردقايق وبعدها اشطفي وجهك ،،،مافي شي صعب نحنا الي نصعب كل شي،،والله لو حاولتي حتقدري بس انتي شدي حيلك ..الله يقويك واسمع عنك اخبار حلوة