|
إلى متى :( ؟ ما عندي إجابة والله العظيم .. ؟
السلام عليكم و رحمة الله وبركاتة
مرحبا شخباركم إن شاء الله بخير ؟ حالتي مثل ماهي .. بس الحمدلله على كل حال أنا أدري أزعجتكم بمواضيعي و وساويسي اللي ما تخلص لكن شو أسوي ؟ أفضفض للي مثل حالتي ولا أفضفض لشخص غير عني تماماً و يفهم حالتي على أساس إني مجنونة . أممم أنا أعاني من شيء قاعد يقتلني يوماً بعد يوم كله أحس إني مب دافعة , ز إني متسلفة و إني و إني و طبعاً الحالة هاي وياي من 3 سنوات تقريباً مب من الحين لكن هالسنة ب زياااااادة حتى قبل من كثر ما إني أوسوس أرمس ربيعتي المقربة لدي كل شوي أقوللها أنا دفعت ولا حتى كذا مرة سرت وياها للمقصف و دفعت يمكن دبل بس عشان تكون هي وياي شاهدة كنت أرمسها بضيق أقوللها منى تعبت كله جي أحس و كانت حليلها تهديني لكن دون فايدة .. الشيء قاعد يزيد هالسنة هي مب وياي في الجامعة ف أحس الأمر بدأ يصعب عليَّ وحدي ارو اشتري احس مب دافعة مع اني دافعة داااااااااااااااااااااااااااااافعةةةة حتى ساعات ما اكل بروحي اتم بجوعي بس لاني اخاف اشتري و احس اني مب دافعة لازم آكل ويا صديقاتي عشان أحس إنهم شافوني و أنا أدفع حتى ساعات أحس إني مب دافعة مع إنهن كانن ويااااااي من فترة قريبة خدامتنا سافرت و كان ييني إحساس إني متسلفة منها مع إن عندي إحساس إني لااا بس دوم أحس اني خطأ و الإحساس صح و عشان أريح فؤادي خذت من بيزاتي و خليت أمي تعطيها على أساس هدية قبل لا تروح و حالياً نفس المعاناة ويا خدامتناا الجديدة كله أحس إني قلت لها عطيني بيزات مع اني لااااااااااااااااااااااااااااااااااااااااااااااااا ااااااااااا بس كله جي أحس مب بس ويااا الخدااامة ويا الكل الككككككككككككككككككككل أخخخ يا رااااسي ودي بسسس انام و انش و مخي مافيه شي تعبت من التفكير و قسم بالله إني تعبااااانة من التفكيررررر اليوم رحت ويا صديقتي نشتري عصير اللي أعرفه إن أنا دفعت و ردت لي الحرمة البيزات الباقية ياني احساس ان هاي بيزاتها مب بيزاتي مع اني انا دافعة بس ماعرف احس لا مب انا و انا قاعدة احاول اقنع نفسي اني انا مااااعرف حتى سألتها وقالت بيزاتج لكن احس هي تقول عشان عيب تقولي لا مااااااااعررررررررررررررررررررررررررررررف والله ماااااااعرررررررررررررررررررررررررررررف :"( يالله صبررررككك بسسس وسواس الموت :( ؟ أمس و أنا قاااعدة ويا أهلي أسمع أختي تقول ل مرت أخي بفسر الحلم الحين عاد أنا أم الوسواس قلت لها ليش شو الحلم قالت لا ماشي بس هي حالمة انا سكت لان ما حبيت اعرف الحلم و اوسوس كافي اللي فيني لكن سمعت الحلم بس مب كله اللي في الحلم فياضانات و لص .. و اختي حبت تسال و تفسر ف طلع لها بلاء مادري موت مادري شو ما سمعت . تعالوا و فهموني ان مجرد حلم انا قلت لااا في شي ثاني هذا و انا مب سامعة الحلم زين و جي اوسوس عيل لو سامعتنه شو بيصير فيني :( فهموني بس شو بيصير فيني ؟ أنا آسفة طولت عليكم .. بتقولون مثل كل مرة لين متى يالسويدي ؟ ترى والله ماعرف لين متى .. أكتب و أنا خجلانة منكم لاني أزعجتكم ب مواضيغي بس وقسم بالله الشيء قاعد يرفض نفسه بالغصب عليه و أنا مو قادررررة أسسسسسسسسسسسوي شيء و ربييي مب قاادرةة الله المستعان ...............[/COLOR] |
وعليكِ السلام ورحمة الله وبركاته،،،
أختي الكريمة هذه وساوس قهرية صريحة تحتاج علاج ،، أنا سبق سألتك ليه ما تتعالجي عند طبيب نفسي؟؟ |
بخصوص قولك : إلى متى؟؟ هذا سؤال منطقي ومشروع إن نظرتي لوجهه الايجابي الذي بحفزك للتغيير والانتفاض على واقعك ،، وبهذا الخصوص لي موضوع بعنوان ( أسئلة مشروعة من أنفس موجوعة) إن أحببتِ الاطلاع عليه فهو يشرح الموضوع أكثر،،،
|
هلا أخوي ،
أنا ما أقدر أن أتعالج عن دكتور نفسي .... صعبة و ما أحس أهلي راح يوافقون على هذه الفكرة :'( |
اختي احنا مش زعلانين منك لأنك تشتكين ولكن زعلانين انك تضربين بحلولنا عرض الحائط ولا تأخذين فيها .. ولو اخذتي بالحلول كنتي من زمان ارتحتي .. وعشان جذي انا دائما اتابع مواضيعك ولكن ما ارد ! |
فعلا انا عطيتك زمان حلوووول بس ما تسوينها فصرت اقرا واطلع لانك ما تبين تبدين بالي نقوله لك .
|
اقتباس:
|
على فكرة انا عانيت قبل وبقت اثار معاناة الوسواس القهري معي في اطفاء افياش الكهربا وصنابير الماء ودائماً كنت اشيك عليهم قبل النوم والخروج من المنزل لمره ومرتين وثلاث وبالاخير طلع معي عين ومس ترا دايم شدة الوسواس عين او مس او كلهن ويمكن يكون من سؤ تصرف وعقدة
لاني مره زمان طلعنا من البيت وفيش المكوا مشبوك نص نهار مشبوك واحمد الله الي ما صار حريق ومره طلعت ونسيت مويه الزرع مفتوحه ورجعت لها وانا خايفه وسكرتها ونشئت عقده انتي راجعي نفسك اختي وشوفي وترا المداومه على قراءة القران كل ليله مع الحفاظ على قراءة الورد والاذكار صباح مساء تراها الحـــــصن الحصين واتمنى هالمره تراعين ردي ولا تتجاهلينه رجاء . |
احس ب حرقة في جسمي من الداخل و حرارة داخلية
و راسي يعورني و ما احس بالدنيا و دوخة و ضيق و تعب و يأس ...ً انا خايفة يا جماعة :'( |
اسأل الله الشافي المعافي الرحمن الرحيم
انه يرحمك ويشفيك مما فيك وجميع المسلميييين |
اختي لا بد ان تبحثي عن علاج وحل لحالتك،فعلا انت تعانين من فترة كبيرة كل هذا يشكل ضغط نفسي كبير عليك،حاولي شرح وضعك لاهلك او احد من اخوتك المقربين لهم لاقناعهم بذهابك لطبيب نفسي او على الاقل علاج سلوكي،اسأل الله لك الشفاء والعافية
|
لو ماقلتي لاهلك عن حالتك النفسيه وانك لازم تراجعين طبيب نفسي راح تزيد الوساوي عليكي اكثر وانتي المتضرره مو اهلك وراح تفقدي اعصابك اكثر
لاااااااااااااااااااااازم من علاج عند طبيب روحي عند طبيب مشهور وامييييييييييين بمدينتك واشرحي له الوضع وراح يعطيكي علاج للوساوي وان شاء الله انك بتطيبين لكن بدون علاج انسي تطيبي شوفي عندك انا ماارتحت الا لمارحت لدكتور اعطاني اللوسترال + الفافرين الان معاه كمكل علاجي + علاج سلوكي عنده بالاسترخاء والتخيل بالعياده + تمارين استرخاء للعضلات وللاعصاب بالبيت والان احس براحه افضل من اول واسال الله لكي الشفاء |
اذا ما عندك العزيمة والاصرار على مواجهة الوسواس فلا تعالج ...
لانه الأمر الأساسي في الشفاء من الوسواس القهري بعد الله عزوجل هو العزيمة والاصرار والتخلي عن الأفكار واتباع الوسواس اجعلي نفسك انت تتحكمين في الوساوس وليست الوساوس هي التي تتحكم فيك اعلم ان الأمر ليس بسهل لكن اهم شيء انك لا تستسلمي للوساوس اخوكم |
مشكورين ما قصرتوا
|
حبيبتي السويدي جوفي انا راي ما بيختلف عن اراء الاعضاء الي قبلي
انتي لازم تراجعين طبيب نفسي لانج بروحج انتي مب قادره تتغلبين على الوسواس فالطبيب راح يساعدج كيف تتغلبين عليه على سبيل المثال بقولج انا كنت اتعالج عن وحده بس بدون ادويه كنت نفسج ما اقدر اتغلب على هالافكار بس هي علمتني طريقه كل ما بدت الافكار تدور في راسي اكون محطية لستك ( مطاط ) في يدي كل ما بدت الوسواس اشد المطاط واضرب فيه ايدي عسب اتعور بس طبعا مب بالقوو في هاللحظه حبل الافكار ينقطع اول ما ينقطع حبل افكاري انش من مكاني و اشغل نفسي في اي شي والحمدالله بهالطريقه تغلبت على الافكار انتي بعد حاولي تقنعين اهلج بهالموضوع حرام انتي يالسه تضيعين اوقات حلوه من حياتج في وساوس وافكار وانتي توج صغيره عيشي حياتج استانسي لا تخلين هالمرض يطول معاج وقفيه وكوني اقوى منه و دوم ادعي في صلاتج انه الله يشفيج ويعافيج ولا تنسينا من دعواتج =) |
| الساعة الآن 06:28 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا