نفساني - يا بحر ...

http://farm6.staticflickr.com/5025/5...c93a1e9d_z.jpg

كذب من قال موج البحر خاين
والبحر غدار
وأنا في عيني أمواجه قبر أدفن بها
أسراري
لك الله يابحر من وين جبت الصبر
ياصبار
وأنا صبري عجز لايكتم اللي شفت
بأقداري
أنا يابحر همي ساحلك والمركب
الدوار
يسوق الموج للميناء وتصدم في
صخر ظاري
أنا مدك وجزرك والهوى والليل
والأنوار
طلبتك يابحر نزل شراعك وأسمع
أخباري
أنا شلت الحزن اللي سنين العمر به
تحتار
وتهت وضعت بين المستحيل وبين
إصراري
سريت الليل وأثر الليل يفضح
الأسرار
وأثاري كل ليل مرني من فرحتي
عاري
سريت الليل أنا يابحر كن النجم لي
سمار
ووصلت لشطك الظالم ولاأدري
ووين مشواري
أنا ما أذكر الرحله!!
سوى دمع هما مدرار
ومجداف رميته في ظلامك جيت به
ساري
أناا غصن ظلمه الوقت
ماعدت عليه أمطار
رداة الحظ خلتني أعيش أطارد آثاري
أنا أدري مابيدينك فرح تعطيني عليه
إقرار
وأنا أدري أن السكوت أرحم من
الشكوى لجزاري
أنا جيتك أبي أخمد على شاطيك
بعض النار
وأثر حالك مثل حاي تعاني الجرح
وتداري
بحر بالله توعدني وعد لاتفضح
الأسرار
يهون الموت بأمواجك ولاتشتت
اسراري