الله يستر.
 

السلام عليكم و رحمة الله و بركاتة

شخباركم ؟

مم أنا عقب 7 أيام أن شاء الله راح أسافر للسعودية عشان اعتمر

أولاً أنا خائفة من السفر ،

العام .. أهلي قرروا يروحون العمرة و تخيلوا أنا ما رحت
لأني كنت خائفة أروح و أموت .. اقنعوني مليون مرة بس خفت .. و قلت ما بروح و بالفعل ما رحت

هالسنة .. في خاطري أروح ف قلت موافقه بروح
بس في خوف شاغل بالي ..

خائفة من السفر وأيد ..
أقول يمكن هالمره غير ،،

و حتى أحس أني صدقه مودعه الناس
عقب أقول دوم جي أحس .. لكن فجاه أقول هالمرة غير

أنا حاطه في بالي أني ارمسكم في هالموضوع قبل السفر ب يوم هيك

بس أمس فجاه قلت إذا ما حصلت وقت أو الإنترنت فصل و انقطع
كيف برمسهم
عقب ياني إحساس أني يمكن ما بقدر أكتب لكم لأن هالمرة أنا بموت

حتى أحس أن هالموضوع النهائي و انتوا بتقولون عقب
ماعرف ماعرف حتى ما أبا أكتب لكم أن هالموضوع الأخير
عشان ما يكون صدق

فأهمين عليه ؟


مرات استأنس لأني رائحه بيت الله
و مره أحس حماسي لأني بموت
و أرد أخاف ..


لأن العام كنت خائفة من السفر للهند تذكرون ؟
و لما رحت .. وصلني خبر وفاة بنت أختي الله يرحمها :(

خائفة وأيد ..

مابيصير الا الي الله كاتبه سواء سافرتي او ماسافرتي
توكلي على الله واحسني ظنك بالله
الله يشفيك

هذا يسمى بخوف من الفراق وفي بعض الاحيان يفسر المريض بأن هذا الفراق ربما يكون آخر مطاف بحياته

لا تقلقي اختي الكريمة الكل هنا يعاني بنفس هذا التفكير

ماعرف كيف أتصرف خايفة وايد
العام ما رحت لاني خايفة
و كنت حالمة عاد مادري إذا ها حلم أو
اني ميتة و مبتسمة مادري شو ماعرف

الحين فجاه تذكرت الحلم

حتى اقول انا قلت لهم الحلم لان هالمرة حقيقة :(

مريض الوسواس في بعض الأحيان عندما يبتسم يقول داخل لنفسه لماذا انا ابتسمت يعني راح اموت ويرجع يفكر بهذا الشيء المجهول

وغيرها من الأشياء التي تضيق على مريض الوسواس

مريض الوسواس اختي السويدي بحاجة إلى إنسان يكافح بأفكار مضادة لهذا الأفكار السلبية

الله يستر بس
و مشكورين على المرور.