يا ناس
 

السلام عليكم ورحمة الله وبركاته

الحمدلله وصلت المدينة المنورة
باحر راح نروح مكه لاداء مناسك العمرة
لكن خايفة وايد
حاسة بخوف فضيع فضيع

هذا من الشيطان او ؟
لا و اللي خوفني اكثر اني كل ما امسك البي بي احس اني بودعهم
و اخوي اللي ابد ماله حس كتب في ادعيلنا و من هالكلام

تميت اقول ليش قاعد يكلمني
بي تطمنت لما شفته مطرش لاختي الثانية بعد

و قبل شوي كنت ارمس صديقتي و قالت لي
شحالج قلت لها تعبانة شوي
قالت لي انتبهي السعودية فيها مرض يموت
و عقب قالت لي احسج بعيد عني

خوفتني وايد وايد :(
خايفة يا ناس حتى لما اصلي ويا الامام اخاف

حتى و انا اكتب لكم الان حاسة بخوف و غرابة

شو اسوي ؟

قبل لت اكتب واجهت صعوبة في اتصال الانترنت قعدت اقول
يمكن ما بقدر اكتب لان راح يصير فيني شي
على اي شي اقول لان بموت

اختي السويدي
غيري افكارك انت الآن في مكان مقدس و الدعاء فيه مستجاب و لا تخافي ما راح يصير شيء هذه فقط وساوس شيطانية ليلهيك عن العبادة و الخشوع كلنا نعاني من هذا التفكير و الغرابة والله اتذكر ان احد اصدقائي سالني يوما هل تصلي قلت له اكيد هذي ما تحتاج سؤال و الله جاني وسواس انو حلم علي شيء ربما ساموت و كنت على وشك ان اتصل به لاعرف هل حلم علي شيء
هذه وساوس سخيفة يا اختي طنشيها و تذكري كلنا نعاني
و شيء آخر اطلبه منك انت في مكان مقدس يتمناه كل شخص اذن حاولي ان تستفيدي و لا تنسيني من صالح دعائك ان يمن علينا ربنا بالشفاء عاجلا ان شاء الله

الله يفرج علي وعليك

امين و يفرج عليكم، حتى الان اخوي بمزح معاي لاني استهبل معاه ف قال لي تشوفين الاحرام اللي لابسنه بخليه كفن.
خفت بعد ..

هذا من الشيطان او ؟
لا و اللي خوفني اكثر اني كل ما امسك البي بي احس اني بودعهم
و اخوي اللي ابد ماله حس كتب في ادعيلنا و من هالكلام

يالسويدي من جدك تخافين عشان هالسالفه يااختي هذا اكيد من الشيطان شفتي كيف يشغلك ويخوفك في امور صغيره


يااختي كلها اوهام ليش تخافين من مجرد افكار زرعتيها في عقلك وقمت بتصديقها
مره قلت لك اننا سافرنا واختي تسولف عن حلم وهي احلامها كلها تحقق ماتتخيلين حالتي وانا طول السفر في قلق واكتئاب
وخوف من المجهول بس ادعي الله انها ماتحلم ابد
خربت على نفسي لاوناسه ولا شئ كله تفكير وخوف ارسم افكار في مخي اواصدقها
ومرت ذيك الايام وانا قضيتها بخوف وقلق ولااستفد شئ
اختي صدقيني اللي تفكرين فيه مجرد تخيلات انتي اللي رمتيها في عقلك وبكذا جميع حواسك تصدق الفكره وتتفاعل معها

عشان كذا تحسين بخوف وقلق وتشاؤم
بس تطمني ان شاء الله تروحين وترجعين بالسلامه لاتخربين هذه السفره وخصوصا انك بتروحين لمكه يعني اكيد اكيد ان الشيطان ماراح يخليك تتهنين وراح ينكد عليك علشان تخافين ويحاصرك بالافكار لكن انتي اقهريه وروحي
هذي فرصه لك تروحين بيت الله الحرام وتدعين هناك بكل اللي خاطرك فيه وتشربين من زمزم بنيه الشفاء
يعني فرصه عظيمه عشان كذا الشيطان ينكد ويضيق عليك علشان ماتروحين
لذلك توكلي على الله وروحي وادعي واتركي عنك الخوف والخرابيط كم مره خفنا وتشائمنا وبالاخير لايحصل شئ
لانها مجرد اوهاااااااااااااااااام نحن نصدقها
انا اعرف ان غصب نشعر بالخوف والله حاسه فيك ومجربه شعورك لكن الى متى واحنا على هالحاله ادري انه شعور قوي وغصب مانقدر نتجاهله لكن لازم نحاول

نرروح ندعي الله والمفروض نتفاءل بعد الدعاء ونثق ان الله مايرد الداعي اذا دعاه
لكن احنا ندعي ونروح نحزن ونشائم وش الفايده اجل
انسي هذه الافكار السخيفه وتفائلي الرسول عليه افضل الصلاه والسلام قال تفائلو بالخير تجدوه
صح يعني نتفائل يالسويدي والرسول ماينطق عن الهوى ان هو الا وحي يوحى
تقائلي تفائلي
وبس يكفي تشاؤم ليش دايم نفكر بالاسوء ليش دايم ننكد على انفسنا خلاص الى متى
اضغطي على نفسك حاولي تجاوز هذا القلق كم لنا شهور واحنا على هالحاله
ربك يعين بس علينا بالتوكل والدعاء
ويلا لااشوفك تقولين انا خايفه انا حاسه انا متضايقه
اذكري ربك واستغفري مابك الا العافيه
يلا ننتظرك وننتظر اخبارك الزينه
تروحين وترجعين بالسلامه

بارك الله فيج أختي غريبة على الكلام الحلو هذا
و انا الحمدلله امس الفليل وصلت البلاد بعد ما اعتمرت و لله الحمد
اسأل الله ان يتقبل طاعتنا و صلاتنا ♡
و الحمدلله على كل حال .

الحمد لله على السلامه سويدي

الله يتقبل منك يا رب

الله يسلمج أختي حبيبي زوزي
و تقبل الله منا و منكم صالح الأعمال يارب ♡.

احنا يالمرضى القلق العام (عموما) نكبر موضوع كل شي جديد ندخل فيه سفر وظيفه زواج حضور مناسبات الدخول ع موظف بمكتب حتى لو كان مكتب عادي جداااااوووووووووووووو
كلنا كذا لاتقلقي يااختي استمري بالحياه وحاولي تستمتعي بحياتك لحظه بلحظه مع اني مصمم ع ذهابك للطبيب لكن الله يفرجها لك ولي وللجميع

عموما اذا جيتي عند حجر اسماعيل (الصحن) عند الكعبه تعالي من امام الصحن واستقبلي القبله طبعا وقولي ( الله الذي جعل الكعبة البيت الحرام قياما للناس) الايه وقولي اللهم كما جعلت الكعبه قياما للناس اللهم فاقمني من ما انا فيه من المرض النفسي وتضرعي وعيدي الدعاء لو مليون مره ولاتنسي تدعي لي انا طبعا ( محمد) يوسف بن تاشفين ان يقيمني من ماانا فيه من اظطراب القلق العام والوسواس والرهاب والخوف الغريب
هذا دعاء من الشيخ المغامسي حفظه الله ويقول والله اعلم انه مستجاب

اه يا اختي
الله يريح قلبي وقلبك