مدري شنو حالتي با أستجن
 

مساء الخير جميعا

حالتي غريبه مدري هي اكتئاب وسوسه قلق توتر مدرري

من انا صغير عمري تقريبا تسع سنوات بدت معي عاده اني اسكر الباب ورجع اتأكد انه مسكر اكثر من ثلاثين مره (طبعا الاهل ماقصروا فينا تخريع لا تطلع الحوش عشان الحرامي مايخطفك ) يعني يروح علي الليل مانمت

هذي ابشركم ماصارت تجيني .

بس الي الى الآن مستمره معي الغاااز يعني افتح الغاز اطبخ شي ارجع اتأكد اني سكرته مرات ومرات يعني يبرد الأكل ماكلته ):

هذا كله كوووووم والجاي كووووم

من عشر سنوات ونا اعاني من تفكير بكل شي اسويه وليه انا سويت كذا وليه هم يسوون لي كذا وليه أمي ضربتني ذاك اليوم طبعا امور قديمه لها اكثر من عشرين سنه طبعا وصل الحال
اني مااكلم امي لي ثلاث سنوات :( احس اني ارتحت شوي لأن اذا كلمتها تزيد حالتي عموما هي شوي قاسيه علي يوم كنت صغير
قاطعت الناس انعزلت عن الناس يعني بيت دوام دوام بيت ما اطلع الا نادر
طبعا مع التفكير اقوم امشي بالغرفه يمكن ساعه اكلم نفسي ولا ارفس الطاوله اكسر كاس :( مجنون الا ربع
طبعاً الحاله تجيي نوبات مره خفيفه مره قويه

الشي الثاني مع التفكير في زي النار حراره في صدري ووخز في انجاء جسمي مع خدر في راسي
النوم على حسب مره في الثلاثين ساعه ما نام الا ساعتين ومره لا انام ست سبع ساعات متواصله
وذا مانمت عدل تزيد حالتي سوء

سويت فحوصات عن سكر ضغط مافي شي

طبعا انا الآن عمري 31 سنه

ابي مساعده وياليت تدلوني على طبيب نفسي بالشرقيه لأني ابي اعيش مثل باقي البشر

اخوي عندك وسواس قهري او قلق وسواسي راجع الطبيب النفسي
قبل ما تزيد الحالة وبإذن الله راح تستفيد فائدة كبيرة من الادوية

يعطيك العافيه عبدالله

أبي دكتور في الشرقيه الدمام أو الخبر

ساعدوني ياجماعه

هلا يا بو ناصر ما تشوف شر

عندك الدكتور نواف العتيبي في مستوصف إبن رشد للعلاج النفسي تواصل معه و هو دكتور ينحط ع الجرح و يبرى

مرحبا اخوي

بس وينه المستوصف ! بشرقيه ؟!

نعم بالدمام حي الطبيشي على الشارع الأول جنوب مختبر البرج و مستشفى الروضه بقليل جدا

هو داخل حي لكنه قريب من الشارع الأول العام

هذي الموصفه لما تكون ماشي بإتجاه شمال جنوب . بمعنى طالع من الكورنيش على الشارع الأول

لما تكون ماشي بإتجاه جنوب شمال على الشارع الأول : بمعنى عند تقاطع شارع الملك فهد ( إبن خلدون ) بالشارع الأول

فالخدمة المدنيه و المكتبه العامه لما تجعلها على يمينك

تجيك الإشارة لما تتعداها

يجيك شارع ضيق أكبر من الداعوس بشوي على يمينك خذه ثم خذ يسار و بيكون المستوصف على يمينك مباشرة ،,

الله يعيطك العافيه بزوره ان شاء الله

أحرّص عليك بالدكتور نواف العتيبي هو جيد و طيب و أخلاق و موفق خير

اخي الكريم انت بحاجة لمراجعة طبيب نفسي كي تستعيد حياتك و عليك بالانتظام على العلاجات التي سوف يعطيك اياها .