افضل مستشفى للطب النفسي بالشرق الاوسط
 

السلام عليكم ورحمة الله وبركاته

يا اخوان اتمنى أي شخص يعرف مستشفى متمكن للطب النفسي بالشرق الاوسط يفيدني

لاني بصراحه محتاج اتنوم في احد المستشفيات فالسعوديه لا يوجد بها مستشفى أهلي

اتمنى من اللي عنده معلومه ما يبخل علي

اخوي ليش تتنوم

الحرية افضل شي تتطلع وتجي عل كيف وتاكل الي تبيي

اخوي سافر يمكن تغير جو روح للنمسا او التشيك او شرق اسيا

اما تنويم اتوقع اخوي كل الدول العربية لا يوجد فيه شي يستحق ان تجد فيه الراحة والعناية والعلاج السلوكي والخضرة والمعاملة الطيبة

يمكن تتوجد في دول اروبية او شرق اسيا

اما الدول العربية ما انصحك بيشفطون فلوسك

والله يا شفيق تعبنا من هالادويه ومن هالاطباء المزاجيين

بس فكرتك حلوه وخصوصا ان لغتي الانجليزيه تساعدني ان شاء الله

اذا تعرف مستشفى نفسي بماليزيا او الدول الغير مكلفه دلني عليه ولك الاجر ان شاء الله

بارك الله فيك

مساء الخير ..
اهلا بك اخي الكريم ...
اتمنى لك الشفاء باذن الله ...
في الاردن لدينا اكثر من مستشفى متخصص في الطب النفسي
واطباء اكفاء ومن اشهرهم الدكتور وليد سرحان ..

هلا اخوي والله ما اعرف بس اخوي في منتدي اسمه منتدي المسافرون ادخل عليه وشوف الدول الحلوة المناسبة واسمع كثير عن المصحات في التشيك وفي النمسا يقولون شي خيال

خضرة وجو روعة واطباء صح وترفيه وناس تتعب عشان تكسب

اما الدول العربية والله خياس في خياس ما يعرفون الا العلاج الدوائي وما انصحك فيها

كثير اسمع عن الناس الي راحو سياحية بدون تحديد دولة عشان ما يزعل احد لكن يقولون والله خياس النفسية خياس والتعامل زفت وطماعين وفي الاخير ما تسفيد الا التعب والحسرة

نصحية اخوي عندك المستشفى الامريكي في تايلاند وعندك التشيك وماليزيا انت اكتب في قوقل افضل مصحة نفسية في شرق اسيا وبتحصل اجابات

وبصراحة ما دام معك لغة وفلوس لا تشيل هم بتحصل كل شي رايق بس لا تستعجل

انا مثلك ناوي اسافر لمدة شهر كامل في اندونيسا في منطقة اسمها الجبل يقولون زملائي الي راحو انها ممتع وخيص

يعني تاخذ بيت مع الخدامة ب 200 ريال في اليوم وسواق مع سيارة جيب ب 120 في اليوم

التيس مع الطبخ السعودي ب 150 ريال

عندهم حديقة حيوان تحفة وعندهم الشلالات وعندهم حديقة الورود شفتها بصراحة شي جميل واجواء روعة

وتفتك من العرب نصحية اخوي لا تروح للدول العربية ما غير نفسيات ويبون فلوس بدون اي احترام ولا تقديم خدمات ولا نظافة ولا مكان يفتح النفس

الناس الحين اما شرق اسيا او النمسا والتشيك

صح في التشييك مصحات كثيره

بس ان شاء الله تشفى بمجرد السفر وماتحتاج تتنوم

على فكرة اخوي ان اتكلم عن المصحات اذا ناوي ترتاح من الضغوط تبحث عن ترفيه وعلاج

اما الاطباء صراحة اسمع كثير عن اطباء لندن وامريكا وكندا بس غاالية ولكن اذا بتروح تراجع وترجع على طول ما راح تكلفك كثير

وفيه احد الاعضاء في منتدي ثاني كان مدمن على الهيرون

وعالج عندنا وتنوم في مستشفى الامل اكثر من مرة ولا استفاد شي

في الاخير سافر للندن وتعالج عند احد الدكاترة وتشافى من الادمان في شهر واحد

لانه يوم تنوم في مستشفى الامل عطوه علاجات عادية مثل سيركويل وسيبرالكس ما جابت معه فايدة

لكن في لندن عطوه علاجات حق ادمان وتحسن وتشافى

هلا اخوي
بالنسبه للشيك فيه مصحات لكن للعلاج الطبيعي هذا اللي اعرفه
عندك الهند مدينه ولايه اسمها كيرلا طبيعه وجو وامانه وصدق ورخيصه ، ممكن تتخلص من السموم من العلاجات اللي اخذتها
من علاج طبيعي مساج بالبخار والزيت وغيرها ، وفيه مستشفيات كبيره ودكاتره عباقره ، لكن مصحات نفسيه مادري

وبالتوفيق

اخوي شفيق هل هناك علاجات لا تتوافر في الوطن العربي وتتوافر في بريطانيا وامريكا

هلا اخوي عبدالله ون

لا اتوقع كل الادوية متوفرة عندنا او اغلبها

افضل مستشفى للطب النفسي في الشرق الاوسط هو مستشفى الرشيد في الاردن يعالج الامراض النفسية و الادمان و رفاهية غير عادية لكن لا اعرف عن الاسعار .

فكره جدا ممتاز وانا بعد ادور معك
واذا تبي انتخاوى كم واحد من المنتدى
وانروح كاقروب
افضل بكثير على وعسى تكون لنا رحله شفاء
لنا والاردن ممتازه طبعا معروفه كامستوى اطباء
بس مشكلتها با الغلاء لكن نروح سواء افضل بكثر

سلامتك اخي مما تعاني ؟؟

وهذا اللي انا ادور عنه بالضبط .. اطباء + ادوية تعالجك وليس تزيد المرض عليك

لان بصراحه الادويه اللي ناخذها من السعوديه زادت علينا هالامراض وربي ما عندهم غير سيبرالكس وسيركويل

حتى الادويه الجيده غيرمتوفره بالصيدليات واذكر اني بحثت عن كثير من الادويه الجيده ولم احصل عليها

عشان كذا قررت اذهب لمستشفى تتوفر لديه كل الامكانات من ناحية الادويه ومن ناحية الرفاهيه

اخي قسوره اسمحلي اخالفك مستشفى الرشيد انا اعرف واحد كان فيه ويتكلم عنهم بسوء بسبب سوء المعامله

يقول تشعر وانك سجين وانت عندهم والرفاهيه جدا سيئه لا يوجد أي نوع من انواع الرفاهيه سوا بعض الاشياء العاديه

وبنفس الوقت كان يسب التمريض اللي فيه يقول احيانا احتاج مساعده ولا اجدهم بجانبي مع انه دافع دم قلبه على هالمستشفى

بالاضافه الى ان اغلب الموجودين فيه مدمنين وخالطينهم مع اصحاب الامراض النفسيه

وايضا الناحيه العلاجيه والدوائيه متوسطين فيها وخبرتهم تعتبر محدودة جداً لضعف الكادر الطبي لديهم

مستشفى الرشيد من ضمن خياراتي الان لانه على ماقيل افضل الموجود لكن ساحاول ان ابحث عن مستشفيات افضل منه