| عسى عمرها طويل |
15-09-2013 12:46 AM |
الى الأخت ساره.سس وكل من يعاني من وسواس الموت تفضلوا هنا قصتي
حبيبتي وأختي في الله ساره قبل انا أبدا أتكلم وبالعامية حتى ترتاحي انا سأكتب لك ولغيرك ولجميع الاعضاء في منتدى نفساني هذا الكلام راجيه فيه وجه الله عزوجل وأن الله يطيل في عمري وأهلي على طاعته ياحي ياقيوم بسم الله أبدا:
انا أختك من السعودية بدا معي وسواس الموت من تاريخ 25 شعبان هذه السنه يعني قبل شهرين ونصف تقريبا كيف بدا ؟!! في البدايه رحت السوق مع أختي وقبل خروجنا من السوق دخلت بقاله واشتريت مكسرات وأنا من صغري احب المكسرات رجعت البيت وبديت اكل فيها غصيت فيها واوجعتني في حلقي بغيت أموت يوم غصيت وأصيح وأشرب ماء ومافيه فايده وقعدت كذا لين 29 شعبان وأنا احس بوخز في حلقي بعدها عرفت قيمة العافية انه تعب بسيط غييييييير مزاجي في 29 رحت للمستشفى للإسعاف بعد لان خلاص ماعاد اقدر أتحمل الوخز اقول المكسرات ناشبه لسى ومن الإسعاف حولوني ع العيادات الخارجيه وسوو لي أشعه ومنظار بعد قال الدكتور مافيه مكسرات الحمدلله بس اللي تحسين فيه هو اثرها ونزلت في المعده من زمان خلاص وأعطاني مسكنات وأخذت المسكنات والحمدلله تشافيت بس وش اللي بقى وسووووااااااااس المووووووت ااااااااه وش دخله سبحان الله وربي ياساره ويا كل من يقرأ كلامي ماكنت كذا انا كثير مهمته بنفسي وبدراستي وطالعه ذحين مستوى رابع وتخصصي صعب وربي ماهو مدح بنفسي الكل كان يُعجب بشكلي بالرغم من بساطتي ذحين لاحول لي ولاقوه كان وزني 67 وذحين والله 57 أو 56 شوفوا كيف 10 كيلو راحت من هذا الوسواس البنات هذا الأسبوع ماعرفوني بالجامعه الكل يسألني عن الدايت اللي مسويته صرت صامته كل يوم اقول أكيد ملك الموت فوق راسي فكرت اعتذر من الجامعه وتعوذت من الشيطان ماعاد أروح لاحد اخاف أموت عندهم حتى بمحاضراتي هالاسبوع اااااه يامصعبه كل شوي اقول بنفسي بتموتين بالقاعه وبصير سالفه للكل اذا حسيت بدوخه اقول نفس الشي يجيني أحيان وخز بقلبي أكثر شي أتعبني وقت الصلاه اااااه يجيني الوسواس وتنمل رجلي وأقول إيه أكيد روحي بتطلع لما صمت قضائي حق رمضان كل شوفي اقول بفطر ريقي نشف بموت امي تقول لاتفطرين الشيطان يلعب بك احس بحزززززن ماعاد صرت افرح اقول ليش ادرس ليش أتزوج بعدين ليش اعتني بنفسي وجسمي ليش وليش وليش واخرتي بموت طيب لين متى والحل !!؟ لو ربي كتب لي عمر طويل 80 سنه مثلا معقولة ببقى كذا ع هالحزن بديت افكر وانتبه واعرف ان اللي خلقني رحمن رحيم ارحم بي من امي واتخذت الآتي :
ياهلا بوسواس الموت اللي غير حياتي للأفضل نعم للأفضل تركت المنكرات مو وحده ثنتين كلللللها تركتها لبس عبايه شبه ضيقه وغيره والله صرت أصلي وإذا جاني الوسواس بالصلاة مع خوفي منه اقول ياهلا بالموت في أحلى خاتمه وأنا أصلي صرت أصلي الضحى وأصلي اخر الليل قررت صيام ثلاث ايام من كل شهر والتصدق كل شهر من المكافآه طول عمري باذن الله صرت ابر في والديّ الأحلى والأفضل والأجمل بديت احفظ القران باركوا لي وادعوا لي احفظه واعمل به مو بس حفظ لساني كمان خلاص مافيه غيبه مافيه اي كلام فُحش أقوله الحمدلله والله يا إخوان فرحانه في البدايه احس بضيق مهما سويت من أمور دينيه بعدين قلت أعوذ بالله من الشيطان هذا إبليس دخلت في قروب بنات يحفظون القران الله يجزاهم خير اليووووووم يازين اليوم احس براحه الحمدلله ماشاء الله ااااااه كم لي فاقدتها جلست وتقهويت وضحكت كمان تويتر هذا اللي كرهته من كثر الناس اللي فيه الموت الموت فلان مات قبل ساعات كان يغرد وبعض المشايخ الله يهديهم مررررره يخوف والله عزوجل قال لنبيه صلى الله عليه وسلم ولو كنت فظاً غليظ القلب لانفضوا من حولك ليش كذا المشايخ بعضهم الله يهديه يحسسك انه عاش حياة البرزخ وأنك رايح لشديد العقاب فقط ونسي الغفور الرحيم المهم تويتر تركته بس اغرد بأشياء دينيه واطلع وما شوف الا مثلا عايض القرني ومحمد العريفي بس كذا اللي مايخوفون الله يجزاها خير هذه نصيحة صديقتي قالت لي اعملي الطاعات ولا تناظري تويتر يتعبك أكثر كمان ادعي اللي يطول بعمري وأمي وأهلي ع طاااااعته مو ع معصيه
الى هنا ان شاء الله أتوقف تعبت من كثر الكتابه لكن ان شاء الله راح أكمل لكم غداً ان شاء الله
|
