تعبانة ،
 

السلام عليكم و رحمة الله و بركاتة

من زمان ما دخلت و كتبت موضوع جديد
انشغلت مع الجامعة
بس بما انه اليوم اجازة حبيت افضفض لكم

صح انشغل ويا الجامعة بس ما زلت تعبانة و ما احس بالفرح

وسواس الموت قاعد يرويني أمور تخوف

الاحلام؟ يا عن الأموات يا عن أمور مخيفة يا أمور مش مفهومة

الاعراض؟ خوف ضيق فجاءة احس بشيء في حلقي و الم في الكتف بعض الأحيان

عقلي؟ ما يفكر الا بمواقف قديمة جداً و كل يوم يأتي موقف قديم غير عن الموقف اللي قبله
والله مادري ليش افكر جي
احس انا الوحيدة اللي تأتيها هالمواقف

و قبل لا أنام احس المواقف تزيد لدرجة اني ابغي اصارخ

خايفة والله ،

و مرة امي كانت تسولف و قالت انه جدتي اللي توفت كانت تحلم بالاموات

قعدت أوسوس ..
عندي شعور ثاني بعد
انه مثلا اذا ما سويت او سويت شيء معين راح اموت ..

بس والله اللي مخوفني اكثر موضوع المواقف القديمة اللي تأتيني تتوقعون من شو السبب ؟

أتمنى ردود و شكرًا ..

الله يشفيك انا بعد اعاني ودي اكتب مشكلتي

لا تخافي يا اختي السويدي انا ايضا احلم احلام مزعجة و غير مفهومة
لا تخافي انا ايضا اتذكر مواقف قديمة و احن اليها احيانا لا تخافي و توكلي على الله
يا ربي اسالك ان يشفيك و يشفيني و جميع مرضى المسلمين يا رب

من قال انچ الوحيده

لو تتخيلين كل ما احاول اطنش

العالم كله يكلمني عن الموت حتى اليهال

من ايام اختي قالت لي يوم بنموت شو بنسوي

ومن يومين كنت احس بجسمي حار فقلت حق امي احس بحراره

قالت لا عادي مب حار ، هذا الميت اللي يكون جسمه عادي

وامس بنت اختي تقول عن ممثله توفت في المسلسل وترد تعيد الموقف

واليوم خدامتنا القبليه كانت عندنا فقالت لي تدرين انه في خدامه ماتت وجثتها تامه من ثلاث اسابيع

واليوم المساء سرت اسلم على يدتي فكانوا يتكلمون عن الموت

وهيه تذكرت امس مرة خالي تقولي تراه هو الواحد عقب يوم يموت ...... وتشرح

انا شو حالتي يابنت السويدي

افتح التلفزيون حتى البرامج الاسلاميه عن الموت والآخره

ماعرف شو اسوي !

الموت حق لكن عرقل حياتنا بسبب التفكير المخيف مش تفكير العظه

عزيزتي انا متذكرة موضيعك السابقة .. انتي لا تسلتمين .. شوفي انا الحمدالله تشفيت بس انتقلت الى مرض اخر :-d
بس عائشة الحمدالله .. شوفي انتي وش علاجك اللي تخذينة وطبقي العلاج السلوكي بنفسك .. وتذكري انها فكرة وبتروح لو
انك بتموتين كان توفاك الله من زمان .. طنشي وطنشي وطنشي وتذكري هي فكرة وبتروح وحولي تشغلين نفسك تذاكري لا تجلسين لوحدك
امسكي كتب واقرائي امسكي ورقة وقلم واكتبي الاشياء اللي تحبينه وتحبي تسوية وطبقي .. او امسكي ورقة وقلم وسوي جدول لنفسك في اليوم الواحد وش بتسوين
ربي يشفيك ويشفي الجميع

مشكورين ، والله القول سهل بس الفعل صعب
ماقدر ما افكر خصوصا قبل النوم
كل المواقف القديمة تأتي على بالي فجاءة بدون استئذان.
تعب

السويدي مانقدر نتهرب من الموت

بس يمكن تكون اعراض عين فأرقي نفسچ عشان ماتعانين

وبما انه نخاف لازم نسوي خير في حياتنا