السلام عليكم ورحمة الله وبركاته

أسعد الله اوقاتكم اصحاب الهلع او الخوف اوالذعر او أي اسم قالوه لكم الناس او الاطباء النفسيين أو الاسم الي يناسبكم لأن القائمة تطول بالمسميات النفسيه.

تدرون وش معنى شر البلية مايضحك:

يعني انك تعيش حالة مريض القلب .. وانت مو مريض .. وتعيش ألم مريض السرطان وانت ولله الحمد سليم .. وتعاني من الآم المعده والامراض الي تندرج تحتها وانت مافيك شي عضوي متعلق فيها .. وتحس بالخمول وعدم الاتزان وانت سليم جسدياً وعصبياً.

وغير كل هذا تخاف من شي مجهول ومن شي ماله اي اساس بالوجود.


عرفتوا المضحك بالموضوع وشو .. ان مريض الهلع يعيش أجواء كل الامراض العضويه والنفسيه وهو بالاساس او بالأصل مابينه وبينها اي ارتباط غير سلك بفكره اسمه ( وسوسه ).

السلك هذا صغير بس مشبوك بالمكان الغلط ( يعني بالسالب مشبوك بدل الموجب ) والي شابكه هو أنــت بنفسك.

لأن لو حولته لمكانه الصحيح بتكون النتيجة عكسيه وبتكون كل الطاقات السلبية الي تعيشها نجـــــــاح باهر نفس النجاح الي متربعين الاشخاص المبدعين بالمجتمع.

يعني انت مو انسان عادي .. انت مميز بس المشكله ان عقلك يتحكم فيه الفكر والي انت صاحبه وبسبب ما إنت استخدمت الطريقه الخطأ .. ممكن تقول عين او حسد اقول معك حق بس برضوا انت للحين بوعيك وقت ماتروح عنك النوبه يعني تقدر تصلح الخطأ وبطريقتك الخاصه.


/


اخواني المذعورين:

الاطباء النفسيين والمعالجين السلوكيين لو اعطوكم العلاج باسرع وقت ممكن ومن دون ادويه .. كان جلسوا بالبيت والمستشفيات وشركات الادوية قفلت من زمان.

لكن لازم يوسعون الشي هذا ويكبرونه وياخذونكم بدائره مغلقه كل ماتحل شي يطلع لك اثر جانبي ثاني.


/


الموضوع الي بتكلم معكم فيه طويل واتمنى انكم تفهمونه واي سؤال بشي مو واضح لكم بوضحه لكم ان شاء الله.

عن اذنكم والموضوع له تكمله ان شاء الله.


ياهلوعيين

الشخص الي بيفكر بالمسميات ويطبقها على نفسه بيلقى ترابط بينه وبين اي شي سواءاً سلبي او ايجابي .. بس تركيزه الاكثر وين بيكون.

مايهم وش تعريفهم او الفرق بينهم .. الي يهم روح الانسان الي لازم تكون اقوى من اوهام وخيالات يفرضها عليك الشيطان العدو الاول للانسان وبرضوا عقلك الباطني الي صار عنده ايمان بهذا الشي.

طبعاً الرهاب بطلعه شوي عنهم لأنه | حيا زايد عن حده ) .. واسهل حاجه ممكن يتخلص منها الانسان هي الرهاب.