الخوف من الكميرات .. هل احد مثلي؟
 

السلام عليكم
انا عندي مشكله وسواس الخوف من الكميرات .. يعني اخاف احد يصورني ومرات اخرج متلثم من البيت و ايضا اتلثم في المناطق العامه و المزدحمه
اخاف واشك ان فيه احد صورني مع اني كنت قبل ايام الطفوله احب التصوير
ما ذا افعل هل سوف اتخلص من المشكله هذي مع اني انتاول ادويه ( ليبونكس 600 وايضا ولبرتين 150 )
شكرا للجميع

طيب خلهم يصورونك وش المشكلة هههههههههههه تتكلم جد انت ؟!!!!

لا يا اخي انا اخاف ان احد يشوفني بوقت مابي احد يشوفني
وايضا اخاف من استغلال الصور

ههههههه هذا لو انك بنت يمكن تخاف بس رجال مايعيبه شي هذا وسواس الله يعينك
نصيحة اجمح للدكتور قبل مايتطور الوسواس الملعون انا هذي بداياتي قمت افكر في اشياء سخيفة زيك وخرابيط اهتم بها ويالله تطور الملعون لكن حاليا جالس اكافحه بالفافرين اقوى دواء للوسواس
وسع صدرك يارجال وانصحك تاخذ دواء فافرين بس يجيب نتيجة من 6 شهور إلى سنة انا ماعرفت اني مصاب بالوسواس الا بعد ثلاث سنوات وكافحته بالسبرام وراح

راح اطلب من طبيبي فافرين في المره الجايه

دعني أقل لك شيئا.. لو قرانا في الصحف أن شاحنة ضخمة محملة ب 60 طن من الفولاذ فقد سائقها المتهور السيطرة فما كان منه الا ان انقض على استراحة طحن فيها 20 شخصا كانوا جالسين على كراسيهم يدخنون الجراك و يشربون الشاي او القهوة.. لو قرأنا هذه القصة و هي واردة و حصلت .. هل هذا يعني أن كل استراحة معرضة لنفس الموقف بنفس السناريو و بنفس التفاصيل؟

هنالك في الدنيا من يشترون انبوبة غاز و بعد استعمالها ليومين يتبين ان فيها تسربا و تنفجر... هذه حقائق لكن هذا لا يعني ان هذا سوف يحصل معك ... اخرج و لا تتلثم و اعلم ان ما تخاف منه قد يحصل بنسبة لا شئ في المليار

هذه نسبة كافية لتشجيعك و تخفيف مخاوفك اخي الكريم?

اختي روح الشتاء
انا مشكلتي ان كان عندي اخت انجنت بسبب اوهام ان فيه بنت اخذ تصورها وتبي تهددها
ولكن يوم بحثنا عن صورها لقيناهم موجوه في الدولاب
وكانت فكره التهديد والخوف من الكميرات بوقتهم لم تدخل براسي
لكن حصلت لي موقف مع اهلي صدمه نفسيه !
وبعدها كنت اردد عبارة ان الناس راح يهددوني او ان فيه احد يهددني و بوقتها انصدمت بكلامي وصار منقوش في راسي

مشكلتك وايد بسيطة يا اخوي
منو بيصورك يعني؟

خل عنك هالافكار السخيفة و اطلع و انت طبيعي ..

والله اني اضحك على افكاره يازينها ياليتها معي ولا وسواسي المجرم ههههههههههههههههههههههههههههههههههههههه

انتبه تقول لأحد افكارك من اخوياك والله يفطسون من الضحك عليك بيقولون هذا مهوب صاحي

ليش انت تضحك وش يضحكك

وبعدين

انت وش وسواسك ؟

و الله اخي ضحكتني كان ما عندي نفس وهلا اموت من الضحك ربنا يشافيك استسمح

ماله داعي الضحك .. الرجال انصدم بموقف وشي طبيعي يفكر كذا
المهم أنا قبل فتره قصيره صرت اوسوس بالجن وانهم عندي وبيطلعون لي بكل مكان لأني شفت وهم وكأنه حقيقي مع أني مو متأكده للحين
بس زادت أفكاري وما صرت ارتاح أبد لمن أجلس لوحدي
فكرت بشكل معقول ؟ قلت أنا قبل كنت دائما أجلس ولا يجيني شيء ومرتاحه لأني ما كنت أفكر كذا
يعني الخطأ من التفكير ولا راح يصير لك شيء إلا ما هو مكتوب لك
أنصحك تتجاهل الأفكار اللي مالها أي معنى و أي عقلانيه و تشغل تفكيرك بشي يفيدك مثل ذكر الله :)

صراحة كلامك معقول اخت احتضار احنا لندخل اللفكار براسنا و نسكر عليها لحين تغلبنا لطفك يا رب

مغربيه قولي خيرا او اسكتي
انا عارف ان فكرة الكميرات مو منطقيه لكن افكار متسلطه