هل هذا رهاب؟طمنوني
 

السلام عليكم رجاءآ طمنوني هل مايحدث لي سببه الرهاب ؟أنا بتوقع وانا جالسه راح يصير زلازل وتنشق الأرض أو راح يصير أنفجار أو راح تسقط قذيفه أو هاون في البيت ولما بشوف أطفال بجنبي بحس نفسي راح أخنق أحدهم وكذلك لما بشوف امي وابوي بحس شي بداخلي يحدثني أنهم سوف يموتون في تلك اللحظه وش هذا؟والله تعبت من التفكير

إذا معاك طول الوقت وتدرين إن الفكرة غلط بس تتكرر عليك قد يكون وسواس قهري أختي ..
الرهاب هو الخوف من شيء معين مثلا الخجل والربكة عند مواجهة الناس ..
عموما لاتوسوسين لو شيء بسيط وعابر كل الناس تمر عليهم فترات كذا خاصة لما يكونون مضغوطين شوي نفسيا.

جزاك الله خير أختي أنا تم تشخيص حالتي بأني مصابه ب رهاب وسواسي وأكتئاب شديد وباخذ أدوية لكن بحس حالتي تزداد مثلا أنا اليوم صحيت على نفسي بدور في البيت دون أن أشعر بنفسي ثم صحيت على نفسي مره ثانية وانا بصلي بس أنا خايفه لاأصحى على نفسي وانا بسوي غير شي لاقدر الله

صححيني لو كنت غلطانة بس ماأعتقد فيه شيء اسمه رهاب وسواسي؟ الي عندك وسواس قهري تقصدين ؟
بعدين الوسواس القهري مشكلتنا ندري إن هالفكرة غلط ماسويناها أو استحالة نسويها مع ذلك تلح وتلح وتلح علينا عشان كذا ضروري العلاج عشان نفهم كيف نقاوم الفكرة ..
ايش الأدوية الي تاخذينها؟ وكم لك عليها؟
+ يوم تقولين صحيت هل قصدك إنك تمشين وأنت نايمة؟ ولا اختلال أنية؟ ولا كيف؟
الله يكتب لك الشفاء غاليتي

تسلميلي أخيتي _والله أختي أنا هذا الي سمعته من طبيبي أني فيني رهاب وسواسي أو العكس_نعم أختي صحيت يعني كنت نايمه وصحيت على نفسي_الأدوية ألي باستخدمها‏(فلوكستين‏(البرزواك‏)‏،الانافرانيل،أولان زين‏)‏

حالة المشي وأنت نايمة معاك من قبل المرض؟ بعد المرض(بدون العلاج) ؟ أم بعد العلاج؟
لو كانت قبل المرض وقبل العلاج أصلا فهي حالة تتكرر كثير وأنا أحد أقاربي كذا مع انه طبيعي مايشكو من مرض نفسي ..
بعد العلاج ممكن يكون عرض جانبي للدواء اقري الروشته حقت العلاج ..

والشيء المهم تأكدي هل أنت أصلا تكونين نايمة بإرادتك ومعرفتك وفجأة تصحين وأنت بمكان ثاني , أم إنك عندك (نوم الفجأة) الي هو مرض ويحتاج علاج لوحده ..
بسيطة إن شاء الله وفي موعدك القادم وافي طبيبك بها المستجدات ..

* بخصوص البروزاك الي هو (فلوكستين) تحسين حسن الوسواس معك؟ أنا انصرف لي سيروكسات الي هو (باروكسيتين) ومترددة آخذه ..
أنا معاي قلق ووسواس قهري وتوهم مرض ونوبات هلع وبداية اكتئاب .. لكن خايفة من آثار السيروكسات ويقولون البروزاك أقل أعراض جانبية؟
تجربتك معاه كيف الله يرضى عليك

حالة قبل وبعد العلاج زادت_ربي يشافيكي أختي من ناحية تجربتي مع البروزاك كانت بالبداية تحدث معي رعشة في الجسم والكلام وأيضآ نعاش وجفاف فم لكن مع الأستمرار بالعلاج تقريبآ بعد أسبوعين خفت الأعراض_صدقيني يااختي من ردك الأول حبيتك وأنشرح قلبي شافاك الله وعافاك

يعني من قبل مايجيك الوسواس والأشياء هذي كلها كنتي تمشين وأنت نايمة ؟
طيب أختي الأسبوعين هذي هل هي مستحملة يعني عادي كأنه أي مضاد حيوي أو دواء له أعراض جانبية وممكن مايحس فيها الواحد ..
أم توصل لدرجة الواحد يكون طريح فراش منها وماعاد يقدر يشتغل ولا شيء ؟
سألتك لأن البروزاك والسيروكسات كلهم نفس العائلة الي هي SSRI وأنا متخوفة من السيروكسات شريته لكن خايفه أبدأ فيه ومصروف لي معاه اندرال عشان يقلل القلق والرعشة ..
وأنا برضه ارتحت لك وأسأل الله أن يشفيك ويعافيك , المهم لاتنسين تخبرين طبيبك عن الي صاير ولو حتى بمكالمة حتى يطمنك أو يعدل شيء بجرعاتك أو يضيف لك دواء مساعد ..

بعد الوسواس_بلنسبة لي الأعراض في الأسبوعين تكون مستحملة توكلي على الله وابدئي وعسى ماتشوفي شر_ربي يرزقك بالصحة والعافية

الله يجزاك بالخير , اللهم آمين وإياك

وأياك أختي

‏________‏