اقتراح
 

لاحظت على قسم الوساوس انه كلنا موسوسين والكل يشتكي فقط بدون ان نخرج بفائده لذا انا اقترح ان يدخل معنا هنا اشخاص تعافوا من الوسواس حتى يفيدون الجميع

ومشكله الأعضاء إنهم يبحثون عن أعراض ماشبهه لهم ولا يبحثون عن مواضيع يكون فيها حافز قوي للخروج من ازمتهم

هم فقط يبحثون عن تشابه الأعراض

للاسف يا اختي

مثلما قال اخي الشاكر ،، الاعضاء يبحثون عمن يواسيهم و يقول لهم نعم انا عندي هذا الوسواس و هذا ...

و لكن قليلون من لهم تفاعل ايجابي و رغبة قوية في الخروج من الحلقة المفرغة ..

هناك مواضيع مفيدة كثيرة لكن !!!

اسال الله الشفاء للجميع

انا كنت مصاب بالوسواس القهري قبل انا اصاب بثنائي القطب ... ولكنني تغلبت عليه من سنين ولله الحمد ..

يالله اذكر الايام الي كنت فيها مصاب بالوسواس كانت حياتي جحيييييييم بمعنى الكلمة ...

بس والله ماراح تصدقون كيف تغلبت عليه ... اول شي بداء معي الوسواس ايام المتوسطه وتغلبت عليه بعد تقريبا 7 شهور .. اكيد تقولون كيف ..

بالصلاة والاستغفار وعدم الالتفات الى اي شي اوسوس فيه مثلا انا تكلمت مع واحد وابي اقوله جب معك بيبسي من البقالة وبعد ماسكر منه اقول في نفسي انا قلتله جب بيبسي ولا جب حمضيات واقعد اوسوس الين يجيب بيبسي ..

وهذا حالتي اذا تهاوشت مع واحد وبعد الهوشة اقول انا دافعت عن نفسي ولا لا ... وانا اصلا دافعت عن نفسي .. واقعد اوسوس بأسابيع علشان هالشي ويمكن بعد ارجع وسبب مشكلة معه علشان اريح عمري واتاكد اني دافعت نفسي ...

الا ان جاء يوم قررت اروح دكتور نفسي وكانت والدتي معي الله يحفظها وقالت الدكتورة انت معك وسواس قهري وصرفت لنا الدواء بس امي رفضت استخدم الدواء بعد ماقرت الاعراض الجانبية وحتى انا قلت مابي اكل الدواء والحمدلله توكلت على

ربي ولا استخدمت الدواء ورحت لشيخ يقراء على الناس وقراء علي وشعرت براحه كبييييييييييييييييره وقالي اسمع ياولدي هذا الوسواس من الشيطان ولازم اذا جاك الشيطان يوسوسلك لا تستمع اليه واقعد استغفر دائما وصلي مع الجماعه ... وقراء سوره الحشر كل يوم وقراء سورة البقرة كل ثلاث ايام ... وقلت لازم اسوي كل الا قاله ...


والله ثم والله ثم والله اني تشافيت من مرض الوسواس واصبحت لا اوسوس ابدا ولله الحمد والمنه ولكن بعد فتره عصيت الله بعد ان شافاني من مرض الوسواس وحبيت شخص بالحرام وكنت اتمنى ان افعل معه علاقه جنسية فتخلى عني وهجرني ..

وابتعدت عن الذكر والقران والصلاة فعاقبني الله بمرض اخطر من مرض الوسواس وهو اظطراب الوجداني ثنائي القطب ... واللحين انا راجع الى الله واصلي واذكر الله واستغفر لعل الله يتجاوز عني ويرحمني ويشافيني من هذا المرض ... دعواتكم

ردودكم جميله جدا وادعوا الله العلي القدير ان يمن علينا بالشفاء العاجل انه على ذلك قدير