اوقفو معي ارجوكم !!!
 

السلام عليكم ورحمة الله وبركاته

اتمنى انكم بصحه وخير ،

سبق وشرحت حالتي في عدة مواضيع ، بدايت حالتي نوبه هلع واصبحت قلق وخايف من الموت بالحد فوق الطبيعي ..

انا راجعت اطباء كثير وبصراحه كلهم قالو لي انت لازم تخضع لعلاج كورس ادويه نفسيه،
وحتى تشخيص الاخصائيين المعالجين السلوكيين ، قالو مايحتسجيب معك العلاج السلوكي في حالتك .

وانا في حيره من امري يا اخوان كل يوم انهار اكثر واتعب اكثر والخوف عندي والقلق غير طبيعي
وللمعلوميه : تشخيص الاطباء لي واصرارهم عالادويه ، بسبب علمهم اني قمت باستخدام ماده قبل اصابتي بالحاله النفسيه
وانه هي من اول الاسباب الي خلتني كذا واني لازم اتعالج .
ماحبيت اقول عن اني كنت استخدم شي للإسف ، لكن مضطر افضفض لكم واشرح لكم حالتي زين ..

محتاج وقفتكم برضو ! ابي احد يعطيني امل ويخفف عني ويشجعني عالعلاج.

شاكرلكم في اي حال.

وش المادة اللي استخدمتها قبل مايجيك الوسواس؟
عادي قول كابتجون مثلا

ميروانا للأسف ..

ماهي الميروانا؟

مادة الحشيش

شوف اخوي اسمع من اخوك اعرف واحد كان ياخذ كابتاجون وجاله وسواس
فهو اخذ السيبرالكس نوع من الادوية وتحسن بعد 6 شهور
مافيه حل غير الادوية

اخي هل بإمكاني التواصل معك؟؟

ابن خالد من خلال دراستي اخذت محاضرات كاملة عن بعض انواع المخدرات والأعشاب الي تسبب هلاوس وساوس تخيلات واكثر وكثير مثلك لااخاف بس لانها اول مرة تجيك فتحس انك غير عن العالم ولكن موضوعك جداً منتشر بين الشباب الي ياخذو هاذي الاشياء
فالخوف ماله داعي وتذكر اخي ان بإذن الله الموضوع موقت والعلاج جداً بسيط اهم شي تبدأ من الحين بالكثير ست شهور وكلة يروح كل الأعراض الانسحابية بإذن الله تروح خصوصا مافي سبب قوي للي انت فيه
الله يفرج همك يارب

اسمع الكلام وخذ الادوية وباذن الله يزول الوسواس عنك وابعد عن اي شي يضر العقل سواء حشيش مخدرات كحول

شاكرلك كثير ، الله يسهل ومحتار وين ابدا علاجي مع اي دكتور و ايش نوع العلاج

انت وش حالتك بالضبط؟
و ايش الادويه الي تستعملها ؟ وكيف فعاليتها معك؟

اي دكتور نفسي بإذن الله سيفهم حالتك ليس لأنة شاطر بل لان موضوعك سهل ومنتشر ولاتندم علا أخبارهم باستعمالك لهذا النوع بالعكس معرفة السبب نصف العلاج لاتفكر كثير باختيارك للدكتور المناسب والدوا وتشغل حياتك بالتفكير وقراءة الدوا ومضاعفاتة
فقط اعلم انها حالة منتشرة وعلاجها ان شاء الله سهل فقط اسرع بالبدء ولاتهمل نفسك وحاول تفكر بإيجابية وتنسا كيف كنت بالماضي وتقارن فقط تقبل وظعك وفكر بإيجابية وآمل لانها مشكلة جداً بسيطة

أنا اخذ فافرين وسركويل والتحسن بعد 9 شهور اقل مدة

اخي ابن خالد .... عفا الله عما سلف... ابدأ بداية جديدة و راجع اطبائك بانتظام .. ما أنت فيه سوف يزول انشاء الله

دعني احدثك عن شخص كان يفعل من الذنوب ما لم تفعله انت.... كان يقوم بأكبر الذنوب و اغلظها ..... الشرك بالله.............. ثم اصبح من المبشرين بالجنة..... عمر رضي الله عنه ... لا تبق في حالة الذنب.. عد الى الله و لا تدع غلطة في الماضي تضيعك.. قف على قدميك مرة أخرى و ابدأ من جديد