ظلم ظلم وحرام ظلم ووحرام
 

ظلم ظلم ظلم انك تشوف الناس عايشه حياتها وتادي حياتها باكمل وجهه من ناحيه عمل ودراسه وعلاقات اجتماعيه ووووالخ وانت وكانك مكبل لاتقدر انتكون مثلهم

والله العظيم ظلم واقسم بالله ظلم حرام حرام حرام حرام ليش كذا ليه هذا الظلم انا انسان لي حق اعيش مثلي مثل غيري!!!!!!!!!!!!!!!!!!!!

ما فيه أحد فرض عليك تعيش بالطريقة هذي

الا ياذكي فرض علي الاكتئاب هالعيشه والدليل سابقا قبل مانصاب بالزفت هذا كنت احسن من الوضع الحالي
كنت اطلع واستمتع بالطلعات والوناسه طبعا هاكلام قبل 10 سنين واكثر

على سبيل المواساة :

لست الوحيد الذي تعاني يامنتظر كثير ناس تعبانة مثلك وانا واحده من هالناس !

مافي حل لازم تستسلم لواقعك وتتعايش مع تعبك لاتنتظر الفرحة او المعجزة توقف عن الانتظار عشان ترتاح

استغفر الله العظيم من كل ذنب عظيم

استغفر الله على كلامك فالله يبتلي العبد لا يظلمه وربما ما انت فيه اخف بكثير من اناس غيرك عندهم أمراض ربما لا تقوى على تحملها أنت

استغفر ربك وقل الحمد الله على كل حال وبعدها ابحث عن علاج فلكل داء دواء بإذن الله

وأين الأمل بالله

ما تقوليه هذا يأس حاولي ان تبتعدي عنه

منتضر مو قلت انك تحسنت بالريمرون ؟؟ وش صار لك

ما اقوله هو الصواب

الامل اوقات يكون ادمان مرضي لابد ان يقلع عنه كي يرتاح

فإن جاء الفرج فمرحبا به وان لم يأتي فأنا متعاش مع مرضي

نصيحة لك حاول تتجاهل عشان ترتاح لانك اذا كنت تفكر كذا دايم ماراح ترتاح

هلا منتظر وش صار معك ما تحسنت على الدواء الاخير

تحسنت شي بسيط يعني صرت اطلع لحالي اقضي بعض الاغراض فقط

لاكن كنفسيه وكسعاده وكضحك وفله لا وانا مصيبتي لما اشوف الطبيعين يوووووووه تطلعلي قرون انقهر والله لدرجه ودي ابكي لاني اعرف الطبيعي كيف يعيش والله ازعل زعل كبير جدا واحزن كثير صراحه اعطيكم اياها من الاخر انا انسان انظلمت فالدنيا كان المفروض يكون وضعي افضل من كذا بواجد بس القدر والمكتوب له راي اخر!!

ليش يعنى وضعك لازم يكون أفضل من كدا ؟
تصلى فروضك الخمسه بالمسجد ؟
تحمدالله على نعمه عليك التى لا تحصى؟ كفايه انك تبصر وتشوف طريقك بنفسك ولا لاحد فضل عليك ولا تقدر تتحرك إلا بمساعدته من الخلق
تقرأ القرأن وتكثر منه وتدعو الله بإلحاح وفى كل وقت أن يشفيك ويرفع مافيك إنت والمسلمين
تتمنى الخير لغيرك عشان تجده لنفسك ؟
انت عارف انه تمنى زوال النعمه من الغير ما تتعس إلا الشخص نفسه
لانه ماهو راضى ولا مقتنع بما اعطاه الله
راجع نفسك ..
لك 10 سنين منتى راضى عن وضعك اتغير شئ !
انصحك لله والله والله والله لو لجأت لله بصدق ورضا ويقين بأن الله راح يشفيك ويجيب دعاك راح تجد سعادة الدنيا والاخرة بإذن الله
الله ارحم بك من والدينك لازم توقن وتؤمن بذلك ..
انظر لغيرك تهون عليك نفسك ..
ترى اعرف مكتئبين عن قرب لكن الصبر وأعمال الخير اللى بيتقربو بها لله مخففه عنهم كثير مما اسمع هنا ..
وإن كان درجات الاكتئاب الله فوق كل شئ يحى العظيم وهى رميم ..سبحانه
الدعاء الصدقه لو كل يوم اريال قيام الليل لو ركعتين الاستغفار وذكر الله كثير
لا تتقوقع فى المرض خرج نفسك منه بالمجاهدة والله مطلع ولا يخيب من لجأ إليه ..
اسأل الله ان يجعل لكلامى هذا لك قبول ويشرح به صدرك ويغير حالك إلى أفضل وأجمل وأكثر مما تتوقع اللهم آمين ..

منتظر الفرحه
استغفر ربك الله بملكه وعظمته وعدله يظلمك انت ايها العبد الضعيف ليش هو محتاج ظلمك
ابسألك جاوبني بصراحه
انت قبل مرضك كنت طائع لله والا صاحب معاصي وكبائر

حبيبي منتظر الفرحة لن اقولك اصبر وتحمل من نوع الكلام الفاضي وانما اقولك وش مشكلتك بالضبط حتى اعرف ارد واحاول ان اجد حلا لك ونحن هنا لمساندة بعض فلا تخاف نحن معك .

اخوي صدقني مشكلتك ان ليس لديك اصدقاء
اعلم ان تكوين علاقات وانت مريض بالاكتئاب صعب نوعا ما
لا اقول وجود الاصدقاء سيزيل المرض لكن سيخفف عنك الشيء الكثير