هل هذا هلع ولا ايش بالضبط ؟
 

السلام عليكم ورحمة الله وبركاته

ياخوان عندي مشكلة ولا اعرف ايش بالضبط نوعها

دائما لما انام ياتيني تسارع بضربات القلب ورحت مستشفيات كثير واشاعات وتحاليل وكلهم يقولون سليم الحمدلله مافيك شي

طيب انا حاس فيه مشكلة بقلبي واتعب بسرعة من اقل مجهود

تعبت مدري وش اسوي خصوصا انه في شي مرعب يحصل لي وهو ان بعض المرات يصل معدل ضربات القلب فوق 150 واكون خايف وارتجف وحاله ما يعلم بها الا الله

مرات اتصل على الاسعاف يجي ويكشف علي ومرات يودوني الاهل الطورى

لا حول ولا قوة الا بالله مدري وش فيني صار في راسي شعر ابيض من كثر ما اخاف

مع العلم اني ملتزم الحمدلله

دائما احس بكتمة وقلق وخوف من شي مجهول كذا سبحان الله بدون شي

الشي الثاني انا ملاحظ ان حالتي كل مالها تزداد سواء برغم اني اقاوم وابتعد قدر الامكان عن اثارت الخوف بس مافيه فايدة

افكر اروح دكتور نفسي بس لما اشوف تجارب الاعضاء مع الادوية وانها بلا فائدة اتراجع صراحة واخاف من اعراضها

بسالكم احد يصير معه زيي

الله يشفييك يا اخي , عملت تحليل فقر الدم والغدة الدرقية ؟؟ وفيتامين دال ؟

تحصل عندك مشاكل اثناء الحديث امام مجموعه م ن الناس

نعم هذا هلع

نعم سويت تحليل دم وغدة الدرقية وطبيعي الحمدلله

الغدة سويتها مرتين خلال سنة حتى الدكتور سالني ليه سويتها مرتين مستغرب

الحين ابي رايكم اتوكل على الله واخذ علاج للمصيبة هذي ولا اخليها على البركة

بس صعبة في بعض المواقف ما اقدر اسيطر على نفسي فاحترت مدري وش اسوي

مع العلم هذا الشي كان معي من 8 سنوات بس كان خفيف ورحت المستشفى الحكومي وصرف لي الدكتور اندرال

تحسنت عليه وجلست لمدة اكثر من سنة عليه بعدين وقفته بعد سنتين انتكست وصارت الحالة اقوى من قبل بكثير

عشان كذا هذا الي خايف منه ان بعد العلاج تزيد الحالة قوة لانه شعور صعب لا يوصف

حتى اني عرفت بعد فترة ان الدكتور الاهبل صرف لي اندرال وهذا الدواء لضغط وتخفيض ضربات القلب ماله علاقة بالهلع والخوف والرهاب والامراض النفسية

فهو اساسا ما يعالج اصلا المشكلة لا بس يهدي الاعراض هذه وظيفته

توكل على الله وروح لطبيب نفسي يصرفلك مضاد وساوس وهلع متل سيبرالكس