هل يسبب الافكسور شرود الذهن ؟
 

السلام

اخواني لاحظت اني ماقدر اركز والوقت يمر ولااحس فيه ووايد افكر باشياء مالها داعي

شرود ذهني غرييييب

هل الافكسور هو السبب ؟ انا استعمله من ثلاث اسابيع

ياريت الي عنده خبره يقولي

معقوله محد جرب الافكسور ؟؟

شي طبيعي اول اربعة اسابيع .

انا اول اسبوع كنت انام واايد وثاني اسبوع حسيت بطاقه ومزاج حلو وثالث اسبوع بدا معاي عدم التركيز

شكرا رعد على الرد

انا بستعمل الافكسر بقالي شهر تقريبا و صار معي نفس اللي صاير معك تماما بس هلا خف عني الشرود الذهني شوي و الحمد لله و كمان الخوف و الالم النفسي بس لسه الخمول الكسل موجودين و عدم الرغبة في قيان باي شيء بس بجاهد نفسي و بحاول اعمل اللي بقدر عليه و الله يشفينا اجمعين يااا رب

سلامات اختي ياسمينا

انا بعد اليوم وامس احس خفت عندي هالحاله الحمدلله

أنا صارت لي مع السيروكسات والأنافرانيل أحس كل الأدوية النفسية تسبب أعراض بالبداية ثم تزول إن شاء الله ..
السيروكسات قوي جدا مالي شهر وبدله الدكتور بأنافرانيل وجت لي أعراض انسحابية ورجع لي سيروكسات الدكتور ..
الأنافرانيل مزعج جدا لكن ماله أعراض انسحاب على ماأظن لكن يخليك 23 ساعة نايم والساعة الباقية متنح وشارد ههههههه
المهم واظبي عالعلاج أختي الله يشفينا جميعا

الله يسلمك اختي الغالية سبيجة
ان شاء الله يكتبلنا الشفاء في اقرب وقت لاني حاسة انه الحياة ما لها طعم هيك ابدا ..الله المستعان

اختي كلي امل السيروكسات ماجربته ولا الأنافرانيل انا يديده بمجال الامراض النفسيه

تدرين احلى شي سالفه النوم حبيتها اول اسبوع كنت انام 12 ساعه نووم عميق وااايد ارتحت لاني كنت اعاني من قله النوم يعني ساعتين انام بس وارق واذا نمت بوقت متاخر لازم اقوم مع شروق الشمس ولا اقدر ارجع انام
واايد ارتحت بالنوم ههههه الحمدلله والله النوم نعمه واذا انتي 24 ساعه نايمه شي حلوووووو عايشه بعالم ثاني
انشالله تمر هالفتره بسرعه ونشوف مفعول الدوا قريبا يارب

اختي ياسمينا يارب نشوفك مبتسمه وتظحكين وتقوليلنا عن حياتك الجديده كيف تغيرت امين يارب

منورين حبيباتي

اللهم اميييين و نشوفك انتي كمان و كل الاخوة و الاخوات ان شاء الله بصحة نفسية عالية

أنا معاناتي معي من نص عمري يعني من حول 10 سنين ولسه بدية بالدواء من 5 أسابيع يمكن الحمدلله على كل حال ..
بديت بالسيروكسات ثم أنافرانيل والحين رجعت السيروكسات إلى إشعار آخر يمكن نحول على سيبراليكس بعد ..
المشكلة أنا مابي النوم ذا كله وراي جامعة ومرحلة حساسة مافيه مجال أحمل مواد عرفتي؟ يعني سبحان الله أحد يرتاح مع كثرة النوم وأحد ظروفه تحتم عليه ماينام واجد .. فتشوفيني فطور غداء عشاء قهوة ههههه
آمين يارب الله يفرج لنا ونرجع نعيش زي العالم والناس ..

استعملته لمدة شهر بجرعة 300 وماناسبني وتركته من شهرين ومن يومها وانا عصبي ومزاج غبببببببببببي وسيييييء تمشكلت مع اخواني في البيت وفي الشارع غير في طريقة تفكيري واسلوبي واشياء ثانية

اختي الشرود الذهني وضعف التركيز من اعراض الاكتئاب
لا ادري ان كان لديك ضعف تركيز قبل تناولك للدواء
ام انه حصل بعد تناوا الدواء

امين يارب

الشي المحزن انو نعيش سنوات طويله ولا نعرف ان هذا مرض

انتي مر عليج 10 سنين وتوج اخذتي العلاج

انا مادري من متى يمكن من ايام الثنويه او بدايه الوظيفه فعلا لا ادري على بالي هذي طبيعتي بس زادت علي الحاله من اخر فتره حسيت اني فعلا موطبيعيه

الحمدلله على كل حال

وشي جميل يكون عندج هدف انا عجبتني حاله السكر والدوخه لانها تخليني بعالم الاحلام ولا احس بشي
الله يسهل عليج وكثري من لسويت والككاو لانها تحتوي على الكافيين

موفقه حبيبتي

انت غلطااااان

انا الدكتور قالي نتيجه الدوا تظهر من اسبوعين او شهرين

شلون تتركه بس شهر ؟ انت اذيت نفسك كان المفروض تستشير دكتووور قبل ان تتصرف بهذي الطريقه

اتمنى ترد وتاخذه بالتدريج

حاليا انا مر علي شهر واسبوع ... وحالتي ؟ سبحان الله انا اظحك !! اظحك من قلبي مومجامله للناس .. صحيح مزاج متقلب بس الحمدلله فيه تغير بالمزاج يعني موطول الوقت حزينه

انشالله تعيد النظر وتفكر بشكل سليم وتاخذه مره ثانيه مع استشاره دكتور

وشكرا لمرورك اخي عجيب



اي قبل الدوا كان عندي ظعف تركيز ووايد انسى لكن بالفتره الي كتبت هذا الموضوع كان الوضع اوووفر ولا احس بنفسي
مثلا كنت بغرفتي اطالع الدريشه التفت يمين يسار شوي انتبه على مبايلي واشوف الساعه ؟ ... مرت 4 ساعات انا بمكاني وكنت افكر باشياء مالها دخل ببعض والوقت يمر وانا مااااحس !!

بس قالولي هذي اعراض الافكسور بالبدايه والحين انا تحسنت الحمدلله

شكرا لمرورك اخي عبدلله




وسامحوني اخواني تاخرت بالرد لاني ........ نسيت اني كتبت الموضوع !!