نفساني - اصحاب خــوارج الإنقبــاض تعالوا

السلام عليكم ورحمة الله وبركاته

طابت اوقاتكم بكل خير بإذن الله تعالى .

من اكثر الاعراض الماً على مريض الهلع هو خوارج الانقباض او الضربة الهاجره او الزائدة على حسب ماتسمى .. واكيد مايشعر بقوة تاثيرها على المزاج والنفسيه الا الي جربها او تتعايش معاه ومهما كانت قوته الا انه يضعف معها خصوصاً المتكرره او المتتابعه.

لكن وتقدرون تقولون اني لقيت حل شبه معقول لهالحاله بس احتاج كم استفسار من الي يمرون بهالخوارج حتى اقدر اعطيكم نتيجه تقلل منها بإذن الله او تخفيها:

طبعاً الاسئله موجهه للي يعانون منها:

كم مره تجيك باليوم ؟

تجي متتابعه ولا متفرقه ؟

اكثر شعور لعرضها كيف يكون وصفه؟

هل تشعر برجفه احياناً بالقلب؟

كم ساعه ممكن تستمر معك؟

أكثر عدد مر عليك بالدقيقه كم خارجه ؟

طريقة نومك على جمبك او ظهرك او بطنك ؟

كم وجبه تاكل باليوم .. فيه وجبات خفيفه تاكلها بين الوجبات الرئيسيه ؟

كم ساعه تنام باليوم؟

كم تعطي نسبة القلق بمزاجك من ميه؟

تعتقد ان الخوارج سببة ذعر او الذعر هو الي سبب الخوارج؟

كم مره سويت فحص هولتر وايش الفرق بين الفحوصات؟

أتمنى منكم الإجابه .. ويارب اشفي الجميع فأنت اعلم بحالهم.