صرنا ناخذ حبوب لكي يتعدل مزاجنا اه يالقهر
 

تخيل انسان ماياخذ ادويه ومزاجه عالي العال

وواحد ياخذ ادويه ومزاجه تحت التحت هنا مين السبب يعني واقسم بالله شي يقهر

انا امس خلص دوائي انفرانيل وماخذته اليوم حاس مشاعر الحزن والكابه رجعت ولا كاني خذت دواء يعني هل نصير زي الالات مانتحرك الا بالادويه

شي مولم جدا ويمكن ماحد يحس بالي اعانيه لان النار ماتحرق الا واطيها

الناس تزوجو وتوضفوا وكملو دراسه وانت للحين تبي شي يعدل مزاجك شي مبكي شي يقهر

من المتسبب الجواب عندكم؟؟؟؟!

نسوي اللي نقدر عليه ونتوكل على الله

تقدر تتخيل انك تعيش من غير ادويه

لنفرض انقطع مصدر الادويه

او لو تكلم الدكتور عن حالتك اكثر

تضغط على نفسك

تسوي كل الامور

تقرأ القرآن ( حتى لو تردد الفاتحه )

سفر ( تغيير جو بالكامل ) مناطق استرخاء وطبيعه

رياضه ( لو تكون مع الغير او جماعيه )

تغير من ستايلك وتهتم في عمرك

تثقف عمرك، تبحث في النت عن مواضيع معينه

او تقرأ كتب .

ماجربت لو عندكم مكان فيه ركوب الخيل

حتى لو ماكنت من هواة التصوير ، كثير من

الناس تعلموا التصوير ..

افعل شي غير عن المعتاد

غير نوعية الاكل

السبانخ ، الموز ، السلمون ، الكاكاو الداكن ...

كل الكلام اللي فوق ماراح يعجبك ، لأنه تقول محد راح يحس فيك

انا حاسه وحاسه بعد ،

وقبل ما اكتب الرد كنت ابكي من الضيق والاكتئاب

طيب ليش انا ما اطبق هالكلام قبل ما انصح غيري فيه ؟!!!

انا احاول افعل لو شي بسيط، وبعض الامور لأني بنت ماقدر اسويها

فياليت يا اخويه تغير جو

ربي يسعدك

ما بالك اذا كان انسان فقير يدفع مبالغ كبيرة للحصول على حبوب الكبتاجون يحصل عليها من شخص يعرف انه يستغله وتصله ناقصة بدل 8 حبات 4 حبات

بنت الظبي الشخص المكتئب اكتئاب شديد ماينفع معاه الي تقولين هو وده يسوي هالاشياء ويتمنى لاكن مزاجه معكر بطريقه غريبه

قلق وتوتر الاشياء الي تقولينها يبيلها ذهن صافي ونفسيه عاليه

انا احاول اطلع وووو ولاكن ليست هنا المشكله المشكله ان فيه مصيبه فالمزاج سلك السعاده مفصول من المخ ويبغاله شبك

يمكن عشان ما عندك اصدقاء , طيب تزوج يا عمي هدا هو الحل

يامنتضر قلق وتوتر يبغالك مساجات للجسم

باستمرار ، وفي stone massage

لأنه انت تقول ماينفع ابد شي معاك

طيب اذا الادويه مانفعت معاك

جرب اللي اخف عن الادويه، لعل وعسى

تتحسن !

وكل شي عند مالك الملك

صدقني مش الكل مرتاح، ولاتنتضر المزاج العالي عشان تسوي هالامور

انت اجبر نفسك

انا فاهمه شعورك

لأني انا لما اطلع من البيت واشوف الناس اظل ابكي لاشعوريا والغصه تكون في حلقي

بس انت اتغير بالكامل

يعني مش تطلع من البيت ساعه وترد وتقول مازلت مكتئب

حاول تتغير بشكل كلي

اشترك في نادي، اطلع مع ربعك حتى لو شخص واحد، لاتخلي فراغ ابد في يومك

انت اخلق لنفسك جو

يمكن الكلام سهل والفعل صعب ، لكن قول بسوي

لأنه الشيطان يقولك شو الفايده، لا تحاول

مهما فعلت بتظل مكتئب

قوله مب علي هالكلام ، حتى لو حسيت مازلت تعاني

استمر ، وربي يسعدك