جنون الانتكاسة
 

بسم الله الرحمن الرحيم

الحمدالله رب العالمين له الحمد من قبل ومن بعد

اللهم لك الحمد حتى ترضى

يا جماعة الخير مري فيني اسبوعين قسم بالله بيني وبين الانتحار شعره او اقل

السالفة قطعة علاج اسمه سيركويل

حالتي في الانتكاسة كالتالي

اول شي احسست بشي يحترق في المخ

ثم شوي شوي فرط العقل واحترقت الفيوز ههههههههههه والموصلات العصبية جاها التماس كهرب وبدا الكمبيوتر يخربط ويخبط هههههه طبعا اقصد المخ

صرت اقوم الصبح يبدا الصبح بنوبة هل والله شعور موجع وهي ينفض قلب نفض وشعور بالبرد واهتزاز كامل الجسد واحساس بهبوط السكر وبكاء وخوف شديد واحساس بالموت انه جاك واستفراغ

تستمر معي نص ساعة

بعد اروح ادور في الحوش اجلس اكلم السماء واكلم الحمام والعصافير واشرب يمكن خمس علب دخان ويمكن عشرين كاس شاهي

اجلس ادور في الحوش بشكل دوائر حتى يكاد يغمي عليي ثم اروح انسدح على السرير شوي ثم ارجع للحوش وارجع اكلم نفسي واتهاوش مع الجدار هههههه والحمام

ثم ادخل على امك واقول انتي بتسرقين مخدتي وبطانيتي واوراق ثم اضحك ثم بكاء ثم ارجع ادو في الحوش

اروح اصلي بعد الركعة الثانية اقطع الصلاة واجلس اسولف مع اني ما اشوف احد اقول اصب لك قهوة وش اخبارك طييبة ثم ارجع اكمل الصلاة

ثم ارجع للحوش مرات اقول للحمام والعصافير اذا فيكم رجولة تعالوا وتشوف منهو الرجال ههههههههه


وعل هل الحالة والله المستعان ولا حول ولا قوة الا بالله ولله المشتكى والله يعوضني خير

انت مجنون رسمي وعلاجك ما تلقاه الا في شهاار ههههههه
عذرا اخي هذا تفسيري لحالتك

اخ محمد حياك الله والله يعينك ويصبرك على اللي انت فيه ولكن ليش ماكملت معي في الموضوع السابق؟؟؟

سبحان الله انت مثلي اذا صابتني نوبات الاكتئاب الكبرى اقعد ادور طول البيت من السطوح الى المطبخ الى الحمام الى المجلس الى غرفة الحريم الى غرفة النوم وشوي انزل واشغل السيارة واقعد ادور طول حواري مكة وابكي واستفرغ واسهال وانت بكرامة واحيانا اروح قسم الطواري في مستشفى النفسية بس انا الحمد لله ماعندي فصام هذا الفرق بيني وبينك والله يكفينا الشر

هههه سبحان الله ذكرتني بواحد عندنا في الحارة مسكين جاه فصام وعمره الحين فوق 40 سنة وهو له تقريبا على هذي الحالة 7 سنوات وهو طول وقته يمشي طول الحواري ولا يتعب من المشي واتوقع عنده لياقه احسن من رونالدو ههههههههه لدرج اني لقيته مره في محطة بنزين على خط جدة السريع واخذته معي في السيارة ورديته البيت ويدخن ويكلم في نفسه ويحرك في اياديه طول الوقت ويوم تشوفه تقول انه مدرس وجالس يشرح لطلاب ويبغي يفهمهم ههههههه

بس سبحان الله اذا جلست اتكلم معاه كلامه طبيعي جدا مافيه شي بس اذا قام يمشي خلاص ماعاد يوقف من المشي هههههههه يجلس يمشي ويكلم نفسه الين نص الليل وبعدين يرجع بيته عند اهله وينام ويصحى 10 الصبح ومشي اليييين 12 في الليل ودخان وسواليف مع نفسه وعلى هذا المنوال كل يوم من 7 سنوات هههه والله انه شي يضحك ويحزن في نفس الوقت

لازم ترجع للدكتور يا محمد عشان يشوف لك حل مع الادوية

هلا اخوي ساهر ان شاء الله ما احتاج تنويم لا شهار ولا غيره بس اصلاح الفيوز والبواجي وان شاء الله يضبط المخ

هلا اخوي الحكيم حياك ربي يا غالي والله ما قدرت اتواصل مع احد ابدا خلال الانتكاسة ولا زالت اغصب نفسي غصب للرد اسعد الله قلبك حبيبي

عندي امل الله يخليك ويسعدك انا اراجع الدكتور سليمان وهذا اول زيارة وان شاء الله تتغير الامور للاحسن

((( اقول للحمام والعصافير اذا فيكم رجولة تعالوا وتشوف منهو الرجال )))

انت تقول كذا بقلبك ولا تتكلم بلسانك عليهم ؟.. ولما تقولها وش تحس فيه يعني هل انت تعرف انك تستهبل ام تعتقد ان الطيور تفهمك !!!

عموما انت ملبوس من الجن وذا تبي الدليل اسمع رقيه وراح تظهر عليك اعراض الملبوس

-----------------------

هلا اخوي اعرف اني اكون على غلط بس ما اقدر امسك نفسي يعني عارف انها هلاوس بس تكون قهرية

اما بشان الرقية انا واصلت سنتين قبل تناول الادوية وكنت على مشارف العافية وخروج المس

زرت الكثير من الرقاة وكلهم اجمعو على انها سحر مع عين قوية وكان يغمي على ايام الرقية واعرف اني مسحور بس ترا علاج السحر صعب وحاليا اروح للشيخ كل يوم واشغل الرقية واستخدم الزيت والماء والسدر المقري فيه والله الشافي

شرفني مرورك يا غاالي

اخ محمد السحر والعين ماتخرج من البدن الا بطريقتين اما انك تعرف الشخص اللي سحرك او اللي اعطاك عين واما انك تستخدم دواء مسهل قوي مثل الحنظل او ورق السنامكي وايضا تخرج الدم من جسمك عن طريق الفصد او الحجامة ولكن الحجامة منفعتها اقل من الفصد واذا مالقيت دكتور شعبي يفصد العروق روح المستشفى وتبرع بكيس دم والله اضمنلك انك تتحسن انشاء الله

وبعدين انا اول طلبت منك تشرحلي نوع الهلوسات اللي تشعربها لان السحر والعين تأثر على جسم الانسان عن طريق التأثير على طبائع الانسان الاربعة المعروفة عند السحرة والدكاترة الروحيين فالعين والسحر لها اربعة انواع وهي:
الناري والهوائي والترابي والمائي
وكل نوع من الانواع الاربعة لها اعراض معينة نعرف بها طريقة تأثير العين والسحر ونعالجها بحسب الاعراض عشان كذا انا اول طلبت منك انك تشرحلي الاعراض عشان اقدر اساعدك

وانا اعتقد انك تعاني من سحر من النوع الناري او عين وعشان كذا طلبت منك شرب السنامكي وسحب دم من جسمك لانه يساعد في اخراج السحر والعين اذا كانت من النوع الناري

بس انتبه اذا عندك التهاب في المعدة والامعاء تراه خطير جدا استخدام المسهلات القوية مثل الحنظل والسنامكي لانها ترخي المعدة واذا اردت مسهلات من النوع الخفيف قلي وانا اساعدك

---------------------------

هلا اخوي حكيم نعم الهلاوس تعتبر سماع اصوات بعض الاحيان تسب وتهديد واذا اشتد المرض يصبح معها هلاوس بصرية وتكون جميع الهلاوس قهرية لا اقدر مقاومتها

اما بالنسبة للسحر اعرف حالي انها بشهادة كل من زرته ان حالتي تعتبر معقدة جدا لاني مصاب اصل بسحر من زمان ثم اصبت بعين قوي فاشتد السحر للضعف الجسد من السحر فكان مفعول السحر مع العين مضاعف بدرجة كبير

اما بالنسبة لنوعه اغلبهم قال لي انه سحر مشروب

اما بالنسبة المسهلات او ما نسميه نحن الحلة جربت االكثير وقد جربت حله من عند عطار قوية جدا اصبح اجلك الله اسهال شديد واستفراغ ثم استفرغت عقدة كبيرة بشكل الدونات دائريه ولما فتحت خرج منها سائل لون حليبي بشكل كبيرة حتى امتلى دورة المياه منه ولما رجعت للشيخ نطق المس وقال هذا عقدة من اصل عشرة عقد

حاليا ما اقدر استخدم الحلة لاني مصاب بقرحة المعدة وكذلك البواسير وخائف من انها تتعبني

بالنسبة للحجامة استخدمتها اربع مرات ولم استفد الا القليل ولكن مرة سويت حجامة جافة وهي دهان الجسم بزيت زيتون ثم تمرير كاس الحجامة بعد سحب الهواء وثم اصبحت بغثيان لم وصل الكاس لمنطقة الكلى

اخ محمد بما انك مصاب بقرحة ترى بعض الناس اذا اصيب بقرحة او التهاب في المعدة يصيبه اعراض شبيهة جدا باعراض الفصام يعني يسمع اصوات مزعجة خاصة وقت النوم او بعد ماينام بثلاث او اربع ساعات يصحى من بعدها بسبب سماع اصوات مزعجة او احلام وكوابيس هائلة وهو اصل البلاء كله من المعده ماهو من الفصام واسأل اي استشاري باطنية بيقلك نفس كلامي اذا عندك التهابات في القرحة والامعاء والمريء تسببلك هلوسات شديدة ومزعجة لدرجة انها تصحيك من عز نومك خاصة اذا اكلت اكل يهيج الالتهابات....

الحل لازم تمشي على حمية معينة وعلى نمط معين من الاكل وانا اضمنلك التحسن انشاء الله بعد اسبوعين بس لازم تطبق الحمية وهي انك تبتعد عن اكل كل اكل حريف او فيه توابل حارة مثل الثوم والزنجبيل والفلفل ومايجري في نفس مجراها وتبتعد عن اي طعام مقلي في الزيت وايضا الشاهي والقهوة والدخاااااااان تراه عدو للمعدة الملتهبة واي شيء فيه سكر نهائيا هذا من جهة ...

والشيء الثاني فيه فاكهة اسمها السفرجل هذي الفاكهة تساعد على الشفاء من القرحة والتهابات المعدة والامعاء بس المشكلة صعب تلقاها في هذا الوقت من السنة لانها عادة تثمر في الصيف والربيع بس بتلقاها اكيد في سوق الخضار والفواكه خذ منها مرتين في اليوم مرة بعد الغداء بثلاث ساعات ومرة بعد ما تنام باربع ساعات عشان تشيل افرازات المعدة الحمضية الزائدة وتساعدك على الشفاء من القرحة والالتهابات

وايضا اشرب قهوة الشعير واذا ماقدرت تستسيغ طعم الشعير حليه بالزبيب بس اهم شي لازم تبتعد عن شي اسمه سكر لان الشعير مفيد جدا في التهابات الامعاء والمعدة والمسالك البولية خاصة وانا مجربة وفادني كثير خاصة في المسالك البولية

ادري ان هذي الحمية صعبة بس لازم تطبقها الين ما تتحسن وانا وانا اخوك تراني ماشي عليها من فترة طويلة وتحسنت بشكل كبير حتى النوبات الكبرى صارت ماعاد تجيني مثل اول ...

وبالنسبة للاسهال فيه نبتة اسمها لسان الثور واسهالها خفيف جدا ولا يسبب اذى ولها خاصية عجيبة جدا في تقوية الروح والنفس وازالة الاكتئاب بس اخاف انها تكون تتعارض مع العلاجات اللي انت تستخدمها حاليا يعني الامر راجع لك انت اذا تبغي تستخدمها ام لا
وايضا استخدم زيت السمك اوميقا 3 لانه يساعد على الشفاء من الفصام وفيه نوع ممتاز اسمه اكوافريش اعتقد سعره حوالي 60 ريال استخدم منه كبسولة واحدة كل يوم

وايضا تبرع بالدم مثل ماقلتلك وانشاء الله يخفف عنك كثير
وعلى فكرة فيه علاجات كثيرة افضل من اللي ذكرتها لك لكن المشكلة ليست موجودة بعضها ولكن حاولت اجيبلك افضل الموجود واشوف رايك بس اذا انك بتمشي على هذا النظام ام لا

ولا تيأس اخ محمد انا قرأت في كتب لجالينوس وكتب لابن سينا والانطاكي انه فيه ناس كثير تعالجوا من الفصام بالمسهلات والفصد والحميات الغذائية عشان كذا قلتلك تبرع بالدم
والعشبة اللي كانو يعالجون بها هي الخربق الاسود والحنظل كانوا يشفون بها اناس من الجنون بس مشكلتك انت التهاب الامعاء

الله يشفيك يا محمد ركز اكثر على الرقية وما تقطع الادوية الا بالتدريج عشان ما تتعب مرة تانية

الحجامة أفضل شي وحتى تصير قوية على المس وتخرجه .. تكون بعد برنامج الطب النبوي للرقية وفي وقت الحجامة يتم تشغيل الرقية .. بعدها شوف وش بيطلع وكيف بتتحسن ! الحمدلله والله يشفيك شفاء عاجل يارب

اخوي الحكيم الغالي الحمية باذن اقدر عليها لكن الشاهي والقهوة والدخان ما قدر ياما حاولت لكن ما فيه فايدة

اقدر جهدك كثير والله يجزاك خير

اختي عندي امل واختي بكره احلى ان شاء الله استمر على الرقية مع الادوية والحجامة ناوي اسويها مرة ثانية والله الشافي