نفساني - قاتل الله الوسواس ؛(

سلام عليكم ..

يا حبايبي انا من يومني صغير و انا موسوس و خواف ، أخاف على اخواني و أهلي من الموت و الأمراض و لدرجة اني وانا صغير اروح أحط يدي عند خشم كل واحد من أهلي عشان اشوف هو يتنفس ولا لا !!!

يا الله كل ما كبرت زادت الوساوس و الأمراض النفسية لدرجة اني أصبت بنوبات الهلع من توهم المرض و الاكتئاب !!

انا إنسان حساس و اي كلمة تؤثر فيني و تهز شخصيتي دائماً أبغى أعيد تشكيل شخصيتي من جديد ، اكره كوني حساس و زعول غصب عني !!

اي حركة في جسمي افسرها بأنها مرض خطير ، ماعاد اقدر أعيش حياتي مثل ما اخطط لها أشد حيلي في الجامعة و احضر و أذاكر ، يروح الوساوس يهدم كل ما بنيته من جديد !!

مرات كثيره سويت تخطيط قلب عادي ولا اقتنعت ثم سويت تخطيط ايكو للتأكد من سلامة القلب ..

لما اقرأ حالات مثلي ارتاح شوي .. أخاف من حوادث السيارات من كثر الي ماتو من أقاربي .. وفيه سالفه صارت قريب لي : انا واحد يحب البر المهم مشيت في الليل و واعدت أصدقائي في البر المهم و صلت هناك لما قربت منهم طبيت في حفرة و صار لي حادث قوي شوي و الحمدلله انا سلمت بس صقع راسي صقعه قويه في القزازه حقت السيارة لدرجة انها انكسرت !! نزلت مهلوع من السيارة الحمدلله كان حولي ناس رحت لهم قلت ودوني المستشفى أخاف فيني نزيف داخلي و الله ماقصرو و ودوني للمستشفى سويت أشعة للرأس و الحمدلله يقول الدكتور ما فيك شي !! ما تطمنت رحت للرياض ثم لمستشفى الحبيب قلت انا مسوي حادث و قلت للطبيب القصة شاف راسي بكشاف نور عادي قال الحمدلله مافيك شي مايحتاك إشاعة بس سو إشاعة ليدك .. الصراحة انا ما ارتحت واسوس الى الان ان فيني نزيف داخلي !!!!!

تكفووووووووووووووون وش أسوي