تجمع للدوخه وعدم توازن
 

السلام عليكم ورحمه الله وبركاته
طبعا ابا افتح الموضوع مره ثانيه عشان لاقي حل للدوخه والعدم توازن وشوف الي كانو يعانون من الدوخه والعدم توازن شو صار عليهم
ياليت الكل يشارك وبالذات ابو تركي ال صار اسمه محمد

انا الاعراض مستمرة اذا تركت الدواء يوم ....فكسرت الحبة ( 12.5) الى نصفين ...كل يوم نصف وتانشوف النتايج

انا ملازمتني طول الوقت
ان شاءالله نتخلص منها و اتمنى من الاعضاء الي تخلصو منها يساعدونا

انا ملازمتني ولا تروح ما اقدر اوقف كلش 😭😭😭

وانا بعد. عدم التوازن ذبحني اذا وقفت مااقدراثبت نهائي حس بطيح او يغمى علي يااارب ساعدنا.

زين ممكن نعرف الدوا الي تستخدمونه

بالنسبه. لي مااستخدم اي شي غير الرقيه وماء زمزم. لاني. حامل. ولاحظت الاعراض زادت علي بعد الحمل خاصه التنميل ماكان فيني اول وزااادت الاعراض اكثر بعد قراءتي عن الامراض فيً قوقل

انا نفس الشي دووخه وعدم اتزان بسس لمن اخذ الدواء تخف حححيل لانه هالشي نقص فينا لازم نعوضه بالدواء طبعا القران والصلاه لاحد يتخلى عنها بس نتعالج بالاثنين احسن احنا بنعيش مره وحده ليهه متعبين انفسنا خلونا نستخدم الدواء ونعيش يومنا خلو بكره بيووومه الاهم اننا نعيش وقتنا اتمنى من كل واحد يعاني منها يستخدم دواء ويتخلص منها والصلاه والقران الله الله فيها الله يشفيني ويشفيكم جميعاً

انا اخذ سيروكسات وخفت الدوخه بس مو النتيجه المرجوة بس خففها شويه
ام شجاع بالحمل مرررة يزيد الدوران الله يبعده ويسهل عليك

وعليكم السلام ورحمة الله وبركاته

الدوخة وعدم التوازن غالبًا تكون بسبب نقص معدلات الفيتامين بالجسم

انا لي 6 شهور مع الدوخة وجربت كل شيء من ادوية وغيره وغيره ولا فاد .. الين اشارت لي صديقتي بان سبب هالدوخة كلها من نقص فيتامين د .. وحللت وفعلاً وجدته ناقص نقص مرعب .. معدلي 12 من 70 ! وهذا ضعيف جدًا

تعالجت منه ولله الحمد اختفت كل الاعراض وصرت لا اعرف ماهو الهلع اصلاً .. نصيحتي جربوا حللوا فيتامين د
حتى دكتوري يقول اغلب الهلوعين والموسوسين يكون ناقص عندهم نقص شديد ويتوجهون للمستشفيات النفسية والعله اللي فيهم ماهي نفسية ..

انا لا أنصح بالأدوية ابدًا خصوصا للهلوعين لان الهلع شيء جدًا تافه ولا يحتاج ان حتى يلقى له بال
لا تجلسون طول حياتكم متمسكين بالأدوية ..

أي سؤال انا متواجده هنا .. وكل الشكر لكم ^*

هﻻ اختي رهايف ..ماشاء الله تبارك الله الله يتمم عليك بالعافيه .. وعقبالنا

سؤالي لك وش كان نوع عﻻج فيتامين د الي استخدمتيه ولمدة كم ؟؟؟

امين يارب انتم توكلوا على الله وأخذوا بالأسباب وبتلاقون العافية ان شاء الله :)


روحي حللي الفيتامين هو يطلب منك تحللي الفيتامين كأي تحليل عادي وبيشوفون نقصه وبيوصفون لك اللي انا استخدمه السائل اسمه "فيدروب" لونه علبته برتقالي سعره بالصيداليات 8 ريال .. يصب بعصير ثم يشرب معه
طبعًا هذا وصفه لي الدكتور وفيه شخص نزل موضوع يقول انا تشافيت من الهلع ولله الحمد من الله ثم التعويض بفيتامين د لان فعلا كان ناقص معه .. وانا ما اوصف لك كيف ان نقصه ساهم في متاعبي نفسيًا وجسديًا كنت مهملة دراستي بسبب الدوخة اللي ماقدر اقوم الا اصلي وارجع لسريري واستمريت فترة طويلة الين اكتشفت انه من الفيتامين نفسه


اتمنى ماتتساهلون بأمر هالفيتامين وتحللونه وتشوفونه لان نقصه منتشر بكثرة

كلامك درر سليم انا بعد مثلك وكنت اعاني ورحت لدكتور نفسي هلع واكتئاب وقلق وكتب لي علاج ومااستخدمته

لكن طلع نفص فيتامين دال 3 وبعد 6 شهور صار 35 ولحد الان اعاني من التعب بس الحمدلله النفسيه تحسنت عن قبل بكثير

فيتامين دال & القولون العصبي هم يسببون الاكتئاب والقلق اتمنى الكل يكشف ويقرا عنهم

اختي مريم الحمدلله عسى يارب يختفي تعبك للأبد.
للعلم ترا 35 ماهي كافية للتعويض عن الفيتامين او بالاصح عشان تختفي الاعراض كلها والتعب


بالأعتبار انه لازم يكون في ال 50 وفوق عشان يكون طبيعي

أهتمي فيه اكثر عشان يرتفع اكثر ان شاء الله ^

أتمنى يكشفون الكل ويحللون لان بعضهم فيهم نقص وحتى مايحسون فيه

للرفع
 

للرفع للرفع للرفع