لخبطة الجرعات
 

السلام عليكم ورحمة الله وبركاته

عندي مشكلة متعبتني ،انا لي مستخدمه السيبرالكس اربعه سنوات وكان ماشي معايا تمام، بس اخر سنة مع الحمل والوحم ما كنت اخذ الدواء الا في الاسبوع مره عشره ملج
وما كنت اتعب كثير الا تعب الحمل
لكن اخر شهر قللت الجرعه للنص وبعد الولاده بشهر بدات تظهر اعراض وكانها اعراض انسحابية منها الدوخه الشديده والقلق والخوف
حاولت ابداء العلاج من جديد عشره ملج ماقدرت لانها تزيد الدوخه والكتمه والتعب الشديد
فرجعت لنص حبه وانا دحين مستمره عليها لكن الدوخه ذابحتني
سؤالي ممكن يكون اللي عندي اثار الانسحاب من الدواء ?
وليش ما ظهرت وانا حامل ؟
او ممكن لاني قللت الجرعه ؟
الله يعافيكم اللي يعرف يجاوبني

و عليكم السلام و رحمة الله تعالى و بركاته

اولا الحمد لله على سلامتك ،،

في حالة اخذ علاج دوائي و حصل حمل يجب دائما الرجوع الى الطبيب المعالج قفد لا يلائم الدواء الحمل و قد يضر الجنين ،،

هذا من جهة ،، و من جهة اخرى انقاص الجرعة من تلقاء نفسك قد يضرك و يسبب لك انتكاسة ،،

انصحك ترجعين الى طبيبك احسن و تاخذين رايه ،،

بالنسبة لحالتك النفسية الان اظن انها عادية بعد الولادة ،، منذ متى وضعت حملك اختي ؟؟

اهلين امل
الله يسلمك يارب
أنا رحت لدكتور ثاني وقالي ابدا من اول وجديد لكن مو قادره ابداء والسبب الاعراض الجانبيه وهي الدوخه والقلق الزايد وعدم الاتزان والخوف والكتمه
واذا ما اخذته نفس الاعراض تجيني
ليا اربعه شهور والده

اهلا بيك اختي ،، مبارك عليك ،،

بالنسبة للاعراض المفروض تزول عنك ما ان تلتزمي بالدواء ،،

لكن اذا كنتي مرضعة عليك ان تنتبهي و تخبري طبيبك المعالج حتى يعطيك الدواء المناسب ،،

لا امل ما ارضع
وفي ولادتي الاولى كانت في امريكا قالولي خذيه حتى في الحمل وكنت اخذه والحمد لله ماصار شيء

ياليت اللي عنده اي معلومه يفيدني بيها
والله يعطيكم العافيه

الي تسوينه غلط لان الجرعه ماتبقى بالدم اكثر من يوم او يومين وهذا سبب اعراضك اختي وبالنسبه لي انصحك تراجعين دكتور العلاجات
ومع الحمل تسبب لخبطه هرمونات وطريقتك للعلاج خطا ميه بالميه

قصدك دكتور العلاجات دكتوري النفسي؟
ادري انه غلط بس ايش اسوي ابغى ارجع للعلاج لكن مو قادره على الاعراض الجانبية
مدري ايش الحل تعبت من الوضعين الانسخابيه والاعراض الجانبيه

اختي والله فاهم عليك بس روحي لطبيب نفسي وممكن يغير لك العلاج ويساعدك بالطريقه الصحيحه لان غلط جرعتك السابقه يوم تاخذين بالاسبوع حبه وبالنسبه للاعراض ممكن يعطيك مهدئ بشكل موقت لكن انتبهي تلعبين بوقت الجرعات افضل شي بشكل يومي مو كل اسبوع

ان شالله باروح له ثاني رغم انه غالي ب 300 ريال وعشره دقايق
اخوي ابو الهلع المهديات مامنها خطر او اعراض جانبيه اخاف تجيب لي خمول ونوم وانا عندي بنات لازم اهتم فيهم

لا اختي المعمول فيه يجلس معاك الطبيب نص ساعه الى 45 دقيقه حقك هذا والمهم اختيار الدكتور الشاطر بالنسبه للنوم اكيد المهدئ يسبب خمول بس لا تكبرين الموضوع تراه بسيط ان شاء الله المهم الحين زوري دكتور والله يعينك على 300 ريال بس بالمقابل الصحه مهمه مقارنه بالمبلغ

صادق والله ادفع كل اللي عندي بس الله يمدني بالصحه
ان شالله بحاول اخذ المهدى والله كريم