|
شيء غرييييييب
السلام عليكم..
الاعضاء اللي متابعين حالتي يعرفون ان بدات معاي نوبات الهلع وخصوصًا التفكير والاحساس بالموت من عيد الاضحى.. ومازال مستمر.. يخف يزيد على حسب الظروف والايام.. انا خايفة من شيء واحد! خايفة ايأس خايفة جدًا اوصل لهذي المرحلة اللي خلاص مابقى شيء واوصلها مابقى حل علاج طرق ماجربتها.. تعبت حتى التجاهل وترك المرض والمنتديات النفسية سويتها.. صحيح في نسبة تحسن لكن موعلاج نهائي.. يرجعلي واقوى! انا اكثر شي اعاني منه وقت النوم اخاااف من الموت اثناء النوم ماانام الا وانا مابقى دعاء ماقلته بطولة العمر وبالصحة والعافية ادعي وازيد بوقت النوم واخاف من الاحلام المزعجة لواي حلم يجيني اخااف وافكر.. من ضمن اعراضي في شيء اعاني منه لكن اليوم وامس.. قاعد يجيني بشكل ملحوظ ومزعج حتى وانا مشغولة! مثل امس.. اتفرج على تلفزيون! فجأة.. حسيت قلبي بيوقف واسوي حركات عشان ارتاح لما يجيني هالشي وانا جالسة احس رجلي ماقدر احركها مااقدر امشي اخاف من جلطة الرجل دائما لما يجيني هالشي اللي قلته اني احس فجاة مثل الشي اللي يهجمني واحس خلاص ملك الموت بيجي ورجلي تثقل احس انها جتني جلطة ولما اوقف اخاف اطيح وقلبي بيوقف صاير يهجمني فجاة هالشعور او "واقع" لاني بجد قاعدة احس فيه وماذيني هاليومين.. هل هذي علامات موت ولا ايش؟؟ ضيق التنفس يصبحها بعد وفجاة لما اكل شي اللقمة توقف احس مااعرف ابلع اخاف ماابلع الاكل او الشراب! وامس وقت النوم فجاة حسيت اني بحلم وفاقدة وعيي واليوم جايتني ضييقة بعد فيني رغبة بالبكااء لكن خايفة مااقدر انا اسفة طولت وكتبت واجد لكن ابي ارتاح هذا كل اللي عندي كل اللي اعانيه.. يارب يطول بأعمارنا على طاعته.. |
والله انتي جالسه تتكلمي عن حالتي بالضبط انا جالسه امس اتكلم مع زوجي وكنت مبسوطه واضحك وبنص السالفه كان شي هجم علي صاااااادقه كانه الموت سكت وحلست اناظر وعيوني طااااايره خخخخخ و دايم احس بالشي هذا هجمه تحسين كانها عاصفه بس بدون رياح عاصفه داخل جسمك حراره وخوف وش رايك بالوصف هههههه
|
أختي هذا قلق نفسي صدقيني
انا قريت عن القلق النفسي كثير ومن اعراضه الخوف وعدم الشعور بالامان والتفكير السلبي والاحساس بالموت انا امس صار لي مثلك الله يفرج همك ويريح بالك ويطول عمرك في طاعته والوسواس كل ماحس انك ضعيفه يزيد عليك |
اقتباس:
أختي بارك الله فيك غالباً من يصاب بوسواس الموت ، يكون سببه الرئيسي هو فقدان غالي سواء قريب أو صديق السؤال هل حصل لك ذلك ؟ |
ام شجاع ايه ههههه اللي يقهر تكونين ناسية وانا جاني وانا مندمجة بالفلم
|
رويهب لا والحمدلله
لكن انا تشتد معاي الحالات اذا سمعت او قريت اخبار وفاة خصوصا الموت الفجأة او موت شخص من سني يعني صغير احس اني راح اموت واخاف وانت تعرف هالايام كل شي ينتشر بسرعة يعني لما يتوفى احد افتح برامجه واقرا او اذا فيه صورله وكذا اشوف وانا خايفة بس.. هنا تشتد معاي الحالة وزي ماقلت خصوصا اذا كان صغير السن مراهق |
على الله توكلت اميين وياك يارب الله يطمنك ري ماطمنتني
|
طيب ما أحد بيموت ناقص عمر وكلنا سنموت ولكن سنموت على ماذا . اللهم أحسن خاتمتنا وليس هناك أي انسان مخلد ولو كان هناك انسان مخلد لخلد أفضل الخلق أجمعين عليه الصلاة والسلام فمن نعمت الله علينا أن جعل ذلك من الغيبيات لحكمة الله عز وجل أختي الكريمة انت بشر مثلنا تنامين وتأكلين وتشربين وتمرضين وووو إلخ . جميع الناس يخافون من الموت وهذا شيء طبيعي لكن اللي مو طبيعي هو تضخيم هذا الشيء لأكبر من حجمه ليه الناس ما يضخمون الموضوع ؟ لأنهم ما يفكرون فيه إلا وقت الحدث أقصد موت قريب أو صديق مثلاً . لاحظي . وقت الحدث فقط . وقت الحدث فقط . وقت الحدث فقط . وبعد ذلك يتم نسيانه مع الوقت أما أنت مصره على استذكاره في كل وقت يأكل ويشرب معك . لذلك حاولي أختي الكريمة أن تتجاوزين هذه الافكار الخاطئة بأسرع وقت ممكن وتداركين شبابك فالانسان وحده من يصنع السعادة لنفسه . أسأل الله لك الشفاء العاجل . |
أختي بارك الله فيك تذكري دوماً بأن اليوم : هو يوم أمس الذي كنت تخافين منه !!! لو توقفنا عند هذه العبارة لاقتنعنا بأنه لا يوجد شيء يستدعي القلق والخوف . |
كلامك صحيح وخصوصا العبارة الاخيرة فعلا..
لما اتذكر حالي قبل كم شهر اقول الحمدلله عايشة مع ان مرات اقول ايه بس يعني عمري ينقص وشوي واموت واخاف وادعي.. ولما يصير موت قريب وكذا ويتاثرون اهلي اتاثر معاهم بس الفرق هم شوي وينسون انا لا ... بكل وقت اتذكره لان اذا نسيته اقول يعني انا بموت عشان كذا قاعدة انساه عشان فجاة يجيني واجبر نفسي اتذكره عشان كذا |
| الساعة الآن 12:33 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا