ابي مساعدتكم تكفون
 

السلام عليكم انا شاب عمري 20 سنه
في البدايه ابي اقولكم قصتي وابي مساعدتكم
قبل سنه وشوي كنت جالس ف السياره عند الكليه وفجأه حسيت بدوار ثمن جاني خفقان انا قلت ان شاء الله مافيه شي ورحت
دخلت الكليه ويليتني مادخلت جاني خفقان وتعرق ودوخه المهم انتظرت الين خلصت المحاظره وسحبت على المحاظره الاخيره
المهم رجعت البيت وعلمت اهلي وخافو علي مره المهم وبعد عناء طويل قدرت انوم كل شوي مفزوع المهم يوم قمت حسيت ان النظر متغير وعدم اتزان مستمر ومن مستشفى لمستشفى ولا طلعت بحاجه من تخطيط قلب وتحليل شامل صوره للصدر وصوره تلفزيونيه للبطن والحين عند تكتور مخ واعصاب سويت تخطيط اعصاب ورنين مغناطيسي للراس والحمدلله سليم قالي اللي فيك توتر وقلق والحين حالتي حاله خمول ودوخه واحس بطنين اذن وبعض المرات احس بكتمه وعدم اتزان مستمر وبعض المرات احس باللاواقعيه المهم من ذاك اليوم وانا مارتحت ابد الحمد لله على كل حال تفكيري دايم ف الامراض واقول اكيد ان فيني كذا والا كذا بس احس اني مش مقتنع انه مرض نفسي لان الاعراض عندي مستمره خاصه عدم الاتزان

اهلا فيك
طيعا احنا هنا بالمنتدى حصل لنا مثل اللي حصلك وبالنسبه لي عدم التوازن وطنين الاذن
والدوخه ولتقكير السلبي مأثر علي حاول تتجاهل اشغل نفسك صلواتك حافظ عليها بالمسجد
وردك واذكارك





جرب كمان الرقيه لو تأثرت ممكن روحي
ولو ماتأثرت نفسي

وعليكم السلام ورحمة الله وبركاته

اللي عندك هلع و قلق نفسي
حاول انك تسترخي ابحث عن تمارين الاسترخاء وطبقها
ودام فحوصاتك الحمدلله سليمة ابعد عنك وسواس الامراض
وحاول تتجاهله عشان مايتطور عندك
وعليك بالصلاة في وقتها و بقراءة القرآن
والرقية الشرعية استمر عليها
والله يشفينا ويشفيك

بالنسبه للرقيه عادي اسمع رقيه واقرا قران ماحس بشي بس اعراضي تخوفني مره مدري وش اللي فيني نفسي والا عضوي

والخمول لين اكلت يتحسن من ولا احب المشي يتعبني كثير احس في اي لحظه ممكن اطيح

انت تقول عملت فحوصات وتحاليل كله سليمه الحمدلله
ابعد عنك التفكير في الامراض هذا وسواس يحاول يخليك حزين
ويقنعك ان فيك شي

يعني اللي فيك قلق نفسي وحاول تسيطر عليه

عليك بالإستغفار

مشكوره عالرد
انا الحين اخد دواء سبرالكس من 13 يوم وللحين ماشفت زوود بل احس اني لين اخذته يسبب جفاف في الفم وخمول يعني يزود الاعراض علي
واسف على الاطاله

ماعندي فكرة عن الادوية بس راجع طبيبك اذا ماتستفيد من العلاج او يزيد الاعراض

نفس اعراضي بالضبط ماخليت مرض ماوسوست فيه توكل ع الله وكثف الرقيه وتجاهل اعراضك انا مثلك بالتمام

الله يشفيك ويشفينا حتى وانا مغمضه عيني احس بعد اتزان
دامك بدات بالعلاج داوم عليه وان شالله تتحسن

كلنا نعاني مثلك مواقف بسيطه تسبب لنا هالخوف وهالقلق ...انا مثلك احس لو طلعت من البيت ورحت مكان راح يغمى علي وومحد حولي

احبس نفسي من الخوف وابشرك الان بالاراده والعزيمه ضغطت ع نفسي والان صرت اروح نادي انصحك تشغل نفسك وتطلع نفسك من اللي انت فيه

ولاتفكر كثير وتوسوس ترا كلها افكار من شيطان واذا اشغلت نفسك صح صدقني راح تساعد نفسك تتخلص من اللي انت فيه

صلواتك حافظ عليها بوقتها ....كل يوم اقرا جزء من القران او كم صفحه ع حسب قدرتك ..اذكار الصباح والمساء حافظ عليها ..والاستغفار ارددها لك مليون مره حافظ عليه وشوف كيف راح تنفرج عليك

بالصبر ان شاءالله وتتخلص من الافكار السلبيه

كويس إنك بديت بالعلاج واستمر عليه بالأقل شهر وبإذن الله تتحسن .. وايضا المرض احيان يكون رحمة .. ممكن نكون مقصرين بجنب الله سواء في صلاة او غيره .. علشان كذا الصلاة والمحافظة عليها مهم جدا للحالة النفسية وعلاجها وقراءة القرآن لو صفحة يوميا .. والمحافظة على الأذكار الصباح والمساء .. ولو تقرأ على نفسك الرقية أفضل .. وبإذن الله ما قدامك الا العافية .. أهم شيء لا تستلم للمرض أنت شاب وقوي ..

أخوي عزوزي

أعراضك اللي تعاني منها جميعنا مرينا ومازلنا نمر فيها ... لذلك، لا تخاف كثير ولا تحمل نفسك أكبر من طاقتها بالتفكير عشان ما تتوتر أكثر
استمر على العلاج ولا توقفه إطلاقاً ... وأهم شي يكون الدكتور النفسي ممتاز مثلاً عند مركز مطمئنة التابع للبروفيسور طارق الحبيب ... وإحذر تستسلم للمرض وتترك دراستك
حاول تجلس مع أهلك كثير وتشغل نفسك ... قبل النوم عود نفسك تلعب ألعاب تركيز بالجوال ... وأنت رايح للجامعة حاول تروح مع احد من اصحابك او انت تمره ... لا تجلس لوحدك إطلاقاً
أحياناً بعض الناس ينعزل عن الآخرين بسبب خجله الزائد من أعراض نوبات الهلع ... لذلك، من اليوم حاول تقرأ عن مرض نوبات الهلع وتثقف أصحابك المقربين وأهلك وتطمنهم أكثر ... عشان يعرفون وشلون يتعاملون معاك أثناء النوبة
بإختصار، احذر التفكير السلبي يسيطر عليك ... واحذر تجلس لوحدك وتنعزل عن الآخرين ... لأن النفس على ما اعتادت عليه

تحيآتي

مشكورين عالردود
الدكتور اللي كتب لي العلاج موب دكتور نفسي دكتور مخ واعصاب.
وتوني ماخذه والحين احس بخمول مره
ومن ناحيه الدراسه الحمد لله اني ماادرس والا كان ماقدرت اكمل خلصت دبلوم وجالس ف البيت
الله يشفينا جمييع يااارب

عزوزي استمرر على السيبرالكس يبي بعالج الحاله لكن يبي له اقل شي ثمانية اسابيع ويبدا مفعوله يعني اذا غلقت اربعة شهور ترجع طبيعي تحس بالدينا وتشم الهواء تحس انك صحيت من حلم السيبرالكس ممتاز للحاله هذي انا جربته باول العلاج يزود اعراض الحاله متعب شوي لكن تحمل انت لين تشوف العافيه