الهلع عامل عمايلو
 

السلام عليكم..
بعد فترة من الاستقرار والراحة*على فكرة ترا لحد يقول ومواضيعك السابقة مواضيعي السابقة وكللها
تتكلم عن التفكير واحساس بالموت.. وخف علي الهلع بشكل كبير حتى كنت دايم اذكره بصيغة الماضي*
الحين! رجع وبقوووة واعراض قوية ومخيفة وفريبة ياربي عذاب موعارفة شسوي :'(
اليوم فجاة وانا قاعدة بالصالة حسيت ثقل شدييييييد جدا بصدري وكانه قاعد ينزل ينزل ومعاها شوية دووخة بعدين وقف!
عاد انا مت من الخوف وبقية اليوم والله حتى وانا ملهية نفسي ومسوية لنفسي جو واشوف فلم بس مافييه حلقي جااف وصعوبة
بالبلع شديدة وضيييق بالتنفس شي موطبيعي مااقدر اتنفس نفس الناس والعالم تعبت طول اليوم هذا حالي
راسي كان فيه حرارة شوي اخذت بنادول مع اني كنت خايفة بس حمدلله صرت احسن والدوخة صديقتي الجديدة صارلنا كم يوم الله يستر:'(
مع كل شي احس راسي يتحرك ودوخة وانا واقفة وانا قاعدة.. امي تقول من قلة النوم انا انام 5 ساعات كذا كل يوم بس انا مومقتنعة ان من قلة النوم!! والشي الثاني خبركم يابنات هاليومين تتوقعون منها؟ تسوي كذا؟ والله احترت زاد خوفي واحساسي بالموت الاعراض كل مالها وتزيد وانا اتعب..
الله يطول بعمري وعمركم ويشفينا ياااارب

تذكرون المكان الي قلتلكم اوول نوبة هلع ابتدت وجتني فيه.. انا مااروحه واجد بس صرت ةل مااروحه تجيني النوبة وبقووة نفس اول مرا عشان كذا اخاف وانا بكرة ان شاءالله بروحله مجبوورة وخايفة وكل مااتذكر ابكي واخاف كل شوي تتوقعون لاني خايفة؟؟

اكيد ياقلبي انك متوتره بعدين بقولك شي انا اول مره تعبت كنت ف بيت اهلي واللحين كل مااجيهم يزبد التعب وف بيتي يكون تعبي اقل والفتره هذي انا عند امي عشان الولاده وحيل الاعراض زابده بس وش اسوي وين اروح هناك لحالي ف بيتي بس انا وزوجي

سمعت ان في نهاية الهلع تزيد الاعراض يمكن هذا قرب الشفاء تطمني ان شاء الله هاذي نهاية المرض

اكيد حبيبتي هي اذا جات تسبب دوخه تغير هرمونات تطمني حبيبتي . الله يشافيج

الله يسمع منك ياحسااااااام تنتهي المعاناه ونخلص من الهم ياااارب اليك اشكوضعفنا وقلة حيلتنا فتولانا برحمتك ياارب

ام شجاع الله يعيينك عاد انا اللي اول مرا جتني مانروحلهم واجد واذا بنروحلهم اتازم وبس افكر الله يستر الييوووم
صدق حسام!! اقشعر جلدي الله يبشرك يارب يارب يكون صح احنا صابريين وندعي
ام سيوفي الله يطمنك ياقلبي

الثقل في الصدر من قرب موعد الحلوه وهذا شيء اكيد
حتى الالم من قرب موعدها
الهلع رجع لانك بتفكري ، أنا بعد اسبوع ان شالله مسافره واحس كل شيء فيا ينفض وشايله هم جبال كاني رايحه حرب وهي كلها طياره والسلام

الله يطمنكم حبايبي
ام لبنتين نفس حالي في سفرة قريبة وبس افكر
بس اذا الطيارة فيها انترنت افتحي وونسي نفسك بتنسين صدقيني وادعي ربك واذا الطريق طويل اقري سورة البقرة مجربتها بالسيارة بتشوفين مابيجييك شي ان شاءالله ولواستصعبتي قراءتها اسمعيها بالهيدفون واستغفري

صادقه يا ورده بس أنا خايفه من الضغط والدوخه الله يعين

الدوخة ليش؟؟ مابتجيك دوخة انسيها
والضغط امضغي علك كويس مرا للضغط بالطيارة

لا اقصد ضغط الدم مو الضغط العادي اللي عند الناس اللي مافيهم ضغط