طلعت النتيجه
 

الحمدلله ... طلعت نتيجة الرنين وطلع عندي اللتهاب ف التيه الدهليزي اول مره اسمع فيه بس هو مسؤول عن التوازن وقال الدكتور العلاج سهل ولازم كنتي معالجه من زمان بدل المعاناه والحمدلله

ألف سلامة عليك أختي
والحمدلله ان العلاج سهل ❤
اهم شي انك تطمنتي

ام شجاع حابه اسالج الاشعه لشنو سويتيها اذا ممكن راس ؟؟

والحمدلله ع سلامتج

سلامتك ام شجاع الحمد لله ربي طمن قلبك ويطمنك كمان على البيبي وهوا في يدك ان شالله
يعني الالتهاب هوا اللي مسوي هذا كله ؟
افكر اسوي زيك احس عندي التهاب في اذني لكن مو مبين بالكشف العادي

طيب وش العلاج يام شجاع

هذا انا الاشعه سويتها على الراس والحبل الشوكي وهي اشعة رنين مغناطيسي الحمدلله الدكتور يقول الاشعه سليمه تمام والدوخه سببها اللتهاب التيه الدهليزي داخل الاذن وقالي انه اللتهاب بسيط جدا لانه لوكان شديد كان يسبب لي اغماء الحمد لله طلعت ماهي نفسيه ولا هي عضويه ﻻخطيره والله تندمت اني ماعملتها من قبل لي سنه مع المعاناه والوسواس اخوي العلاج فيتامين ب 1 والثاني دواء اسمه ريبريل دراقس ام لبنتين سويها وتخلصي من القلق والله العظيم توني ارتحت وهدا بالي وبعد ام سيوفي اعمليها لان اعراضنا وحده

ان شالله الحمد لله ربي ريح قلبك الحمد لله
دحين لا تفكري الا اللي في بطنك يبغى يطلع للدنيا ويشوف امه الحلوه وتصير هذي الايام ذكريات فيها الحلو وفيها المر

اي مستشفى سويتيها الله يعافيك

سويتها عند مستشفى حكومي ابو هيفا انت من وين ؟؟من اي بلد اذا انت بالسعوديه السالفه سهله بسرعه تسويها

هلا هلا. ام شجااع الحمدالله رب العالمين ونستيني حبيبتي . خلااص الحين الوسواس والقلق ماراح يرجع مره ثانيه باذن الله .

الحمدلله الي طمنك وريحك ودوووم يارب وانتي بخير ورضا..

ام شجاع حبيبتي الحمد لله ع سلامتك ماتشوفين شر قلبي♡♡
وزين يوم سويتيها يالله عقبالنا وكلن عرف وش فيه

الحمدالله على السلامه ؛ الله يشفيج ويعافيج ام شجاع كنتي تحسين بطنين با الاذن,

الحمدلله على سلامتك ام شجاع والله يريحنا مثل مالله ريحك وعقبال ماتقومين بالسلامة يارب..

اخوي منصور ايوه كان عندي طنين بس خفيف يعني لايكاد يذكر ولليوم حسيت بطنين بس اذا عرف السبب بطل العجب .... اللحين ابي اتخلص من نوبات الهلع عشان كذا ببقى ف المنتدى