وقفت دوا الإكتئاب ولكن عندي مشكله!! 😢
 

السلام عليكم اخواني
انا صارلي سنه تقريباً أستخدم دواء الساليباكس وقبل شهر تقريباً الدكتور قالي وقفي الدوا الحمدلله ماعدتي تحتاجينه وقفته بالتدريج طبعاً ... بس صارلي جم يوم تييني دوخه موطبيعيه ماأقدر حتى أوقف على ريلي سألت دكتوري قالي طبيعي هذا لأنج قطعتي الدوا فتره ويروح 😢
هالوضع مأزمني وصايره أوسوس وايد بسبب الدوخه
طمنوني هل هالشي طبيعي صج؟! وشكثر يطول ؟! ومنو حصل معاه هالشي😢

طبيعي جدا ولا تخافين هذي الاعراض تمر على كل الناس وتستمر من اسبوعين الى شهرين كحد اقصى وبعدين تروح نهائيا...

وترا للمعلومية حتى الشاهي والقهوة لها اعراض انسحاب اذا تركتيها تصيرين تحسين دوخة احيانا وصداع وطنين بسبب انسحاب الكافيين من الدم

مشكور اخوي الله يطمنك يارب

عادي جدااا اطمئني هادي اعراض انسحابية لانك قطعتي الدواء فترة وبتروح ان شاء الله , هل تحسنت حالتك من الاكتئاب بالساليباكس ؟

تحسن كبير ولله الحمد

الحمد لله دائما وابدا , والحمد لله على سلامتك

الله يسلمج يالغاليه❤️

توني راجعه من دكتوري وقالي إنه راح يرجعلي العلاج حبتين باليوم ساليباكس 😩لان جهازي العصبي محتاج للعلاج فتره أطول 😢وانا كنت مستانسه إني وقفت الحبوب

يالله الله يعينك لاتكتئبين حبيبتي انا زيك اول استمريت على الادويه بحدود سنتين بعدين وقفت بالتدريج بعدها بشهور اكتئبت ورجعت لسبيراليكس ست شهور بعدها وقفته

الله يتمم ولايحيجني لها يااارب .. أنتي كم مدة علاجك شكثر اخذتيها ؟ وهل الدكتور زين ؟ ترا فيه دكاتره مشي حالك أي كلام ..

انا صارلي سنه آخذه 😢 ودمتوري هو عصام الانصاري

انا مثلك يوم بديت احس بتحسن اصريت على الدكتور اني اوقف العلاجات ﻷن اعراضها الجانبية مره مزعجة لكن اسبوعين تقريبا كنت كويسة بدون علاجات وبعدها انتكست نكسة الله لايوريك
وهذاني الحين ماشية على خطة علاجية من جديد، الشاهد من كلامي هذا لاتستعجلين توقيف العلاج وخلي الدكتور يعني لاتضغطين عليه عشان يوقف العلاجات
وماقدامك الا العافية ان شاء الله :)

أحس اني درعمت !!!!!!!

عموما #تجاهلي تعليقي وشكرا ..!

سنه مو شرط خلاص صرتي ماتحتاجينه .. أحس سنة تبدين تستجيبين للعلاج أكثر ويتعود ع جسمك .. عادي اذا كذا كملي بس عاد مو تطولين سنوات ..

صراحه انا دكتورتي الله يهديها لو ماقلت لها خلاص وقفي لي كان بتخليني سنوات لقدام ..

اللي خوفني دكتور ثاني قال لي ادويتك ماتأثر على المخ وان ربي حماك وهو استشاري .. بصراحه صرت احسب للادويه حساب

ولاتنسين الاستخاره مهمه .. في انو تكملين او خلاص صرتي ماتحتاجين ربي بيسرلك الاصلح

طيب كم الجرعة اللي كنتي تستخدمينها من الساليباكس ؟؟

وكيف قمتي بتقليل الجرعات من العلاج؟؟؟

وترا باقلك على شي المثل يقول اسأل مجرب ولا تسأل طبيب اكثر الاطباء النفسين اللي زرتهم للاسف ماعندهم لا ذمة ولا ضمير يصرفون علاج اي كلام بدون تشخيص الحالة وفوقها مايراعون حالة المريض النفسي عند ايقاف العلاج لان اي علاج نفسي يجب وقفه بالتدريج البطيء جدا وفي امريكا يستخدمون الادوية النفسية ثلاث سنوات وبعد سنتين من الاستخدام يبداء الطبيب في ايقاف العلاج بتدرج بطيء جدا في السنة الاخيرة حتى لا تعود اعراض المرض من جديد ...

يعني لو كنت مثلا تستخدمين الساليباكس 40مج عندك خففي الحبة خليها حبة الا ربع لمدة شهر يعني شهر 35 والشهر اللي بعده 30 واللي بعده 25 واللي بعده 20 و 15 و 10 و5 وبعدين وقفي العلاج كذا ماتحسين باي اعراض جانبية او ان المرض يرجع من جديد

استخدمت الدوا حبتين يومياً 20 وكنت آخذ حبتين وصارو حبه يوميا بعدها يوم وترك وبعدين وقفهم 😔 والآن انا خايفه ان هالدوخه تكون سببها تلف بالمخ 😭الوسواس ذابحني والحين رجعلي الدوا حبتين 20مرتين باليوم وقالي راح تتحسنين بس ماشفت تحسن صارلي 3 ايام