عزوووووزي تعال هنا وانا اختك
 

ابي اسألك وش الفحوصات اللي سويتها قولي بالتفصيل ؟؟ ومن متى اخذت العلاج النفسي ؟؟ وهل جربت الرقيه ارجو انك ترد لانك والله نفس حالتي بالضبط حرف حرف

سويت تحليل دم شامل
اشعه تلفزيونيه للبطن
اشعه صدر
تخطيط قلب
تحليل جرثومه
تحليل براز
فحص اذن
تخطيط اعصاب
رنين للراس

العلاج النفسي الحين لي شهر ويومين على سبرالكس 10
استخدمت الرقيه بس مااستمر عليها وبعض المرات ارقي نفسي والا اشغل الرقيه في الجوال بعض الاحيان اذا جيت بنام

طيب انتظر شوي العلاج النفسي يبي له وقت والفحوصات اللي عملتها كافيه ماشاء الله ماخليت شي .. لكن لا انا ولا انت سوينا تحليل فتامين د او ب 12يقولون انه ظروري ويسبب الاعراض اللي تجينا

فيتامين دال من ظمن التحليل الشامل

بس فيتامين ب12 ماادري عنه

طيب انت كل شي طلع عندك سليم؟؟ والدكتور النفسي شخص حالتك بأيش يعني هل هي هلع ؟؟؟

اذكر طلع عندي نقص في فيتامين دال بس بسيط يقول مايسوي هذا كلله
وطلع عندي دودة اميبيا وبرضه مو هذي اعراضها
بس هذا اللي فيني
بالنسبه للعلاج النفسي مارحت لدكتور نفسي هذا العلاج صرفه لي دكتور المخ والاعصاب يقول انت عندي قلق وتوتر على مااعتقد

والله انا مثلك احيانا اقول قلق واحيانا اقول ليش جاني القلق فجأه يعني مافي سبب الناس تتعرض لموقف اوصدمه انا بالعكس كانا ليلة زواجي وكنت مبسوطه وشي كان تمام فجأه صار الي صار الحمد لله انو ماعندنا مرض عضوي الحمد لله هذا ابتلاء وسيزول قريبا

طيب بسالك انتي وش سويتي من الفحوصات وكم لك وانتي تعانين من هذا التعب

وابي اسالك هل عندك طنين ف الاذن انا ابلشني ذا الطنين خاصه وقت النوم

صار لي تقريبا سنه ... اعراضي عدم توازن مستمر يعني طول الوقت دوخه الم بالجهه اليمنى من راسي مع الرقبه وعيني اليمنى ازدواجية الرؤيا وهذي قبل شهر طلعت لي ثقل بالراس واليد خمووول احس فجأه بالموت وتزيد نبضات قلبي وتجيني نوبة هلع الفحوصات سويت تحاليل شامله لجميع وظائف الجسم وكلها تمام بس ماسويت د ولا ب 12
سويت تخطيط للقلب اكثر من ثلاث مرات ... فحص للاذن ... رنين مغناطيسي للراس وكله الحمد لله سليم عندي طنين بالاذن بس مش بشكل مستمر احيانا وعندي الم مثل النبض احيانا بأذني ودائما متوتره وشاده جسمي ماارتاح بجلستي ابدا

الله يكون بعونا ان شاء الله انا اول ماجتني اول نوبه تقريبا بعدها بيوم
صار يجيني شعور كنه يغمى علي ثانيه وحده ثمن اصحى
وفيه شعور ثاني جاني قبل اروح طبيب الاعصاب زي الكهربا بجسي اي حركه اسويها وانا منسدح احس جسمي يتكهرب وهذا اللي خلاني اروح طبيب الاعصاب قلت ممكن عندي كهربا بجسمي طبعا ذالشعورين الحين كلها الحمد لله اختفت بس باقي الاعراض الموجوده.
الله يصبرنا ويلطف بحالنا يااارب

شده وتزوووووول بأذن الله...

الله يسمع منك

طيب عندي حركات لااراديه دايم تجيني خصوصا في باطن القدم هل هذي من اعراض القلق

اي يجيك كانه عرق ينبض او احد اصابع يدك اور جلك يتحرك تجيني داااااايم لان القلق تأثيره ع الاعصاب ف اكيد بتطلع ذي الانقباضات العصبيه .... ترا عندي معلومات طبيه بسيطه لا ن تخصصي تمريض