علاج الدوار وعدم التوازن
 

اليوم الدوار عامل عمايلووو معايا كل شوي احس بطيح ابغى اعرف من كان عنده دوار وقدر بتخلص منه ؟؟ لاني تعبت منه حييل والمشكله من يزيد علي الدوار تجيني نوبة هلع ياااارب رحمتك يااااارب ارحم ضعفنا يالله

مع العلم ان نومي صاير مقطع يعني مااخذ كفايتي من النوم
والسبب الشيخ شجاع ......

ما عليه يستاهل الشيخ شجاع ههههه ، انتي تعانين من صوت في الاذن ( طنين )

لا ماعندي طنين بس احس بثقل باذني اليمنى كأنها محتقنه واذا سجدت احس فيها ضغط بس الطنين كان يجيني خفيف واللحين اختفى ... اخوي منصور احس كان راسي يدوووووور

زين ام شجاع انتي فحصتي الاذن ، من رنين مغناطيسي وغيره،،

ايوه فحصت رنين على الدماغ وقال الدكتور الدماغ سليم ... وقال بالحرف مابقى غير الاذن احتمال عندك اللتهاب بالتيه الدهليزي يعني شف قال احتمال عطاني علاج ولا كاني اخذته سوى لي موعد بس صار ت ولاده شجاع وماقدرت ارجع بسوي موعد جديد عنده وبروح

صح لازم تفحصين الاذن ، الدوار وعدم التوازن في كثير من الاحيان له علاقه في الاذن، لازم تراجعين الدكتور طبعا ما يمنع انج تروحين الدكتور ونتي في النفاس بعض الناس يضنون ممنوع تطلع الحرمه في النفاس هذا غلط ، خبرينا بعد فحص الاذن شو قال الدكتور وبعد الفحص اذا كانت المشكله مالها علاج وان شاءالله لها علاج خبريني ونا بشور عليج بشور وان شاءالله خير .

لا عادي اطلع بس كنت تعبانه ... ان شاء الله خير .. بس والله ياخوي منصور الدكتور كان يناظر الاشعه ومستغرب من الشكوى يقول مافي شي من اعراضك باين بالاشعه ههههه احس شوي ويقولي ياكذابه خخخخخ

ههههههههه ماعليه اهم شي صحتج ، مش لازم يكون هو الدكتور اذا منحرجه منه، اهم شي فحصي الاذن .

ام شجاع حبيبتي اشربي عصير طازج او اخذي بنادول انا تو نفسك جتني دوخة قوية
وحاولي تشغلين نفسك باي شي وشوفي موضوعك الي قبل هذا سالتك اسالة اتمنى تجاوبين علي :(
واستمري كل يوم على قراءة سورة البقرة وسماع الرقية وشوفي كيف راح تحسين بتحسن كبير

طيب عندي الم بالاذن مثل النبض بس ماهو قوي هل اللتهاب بالاذن ومسبب لي الدوار؟

انا يجيني دوا اذا كنت جالسه وقفت دايم بستمرار ...وحاولت اعرف شنو سببه وماعرفت اهتمي بنظام غذائك واذا جاتك الدوره لاتحسبين لها حساب والله والله بتختفي اذا سحبتي عليها
اذا جتني صرت مااخاف عادي تعودي عليها لين تختفي ان شاءالله سليمه يارب

طيب مريوم كنتي تحسي بدوار بشكل مستمر يعني انا الاشياء ثابته احس راسي يدور

والله انا اعاني من الدوار صالي فتره طويله ومثل مقلتي من اسجد احس بثقل وضغط وطنين يجي ويروح
اعطاني الطبيب دواء للدوار بس مستعملته

انا الدوار عندي يا ام شجاع بسب هبوط الضغط وزغلله في العين وضغطي ينزل كثير