عيدية Bdadh للنساء
 

مساء الخير جميعاً....

كل عام وانتم بخير و عيد سعيد إنشاء الله...

الأخوات النساء هذه عيدية أتمنى أن تنال إعجابكن وأتمنى أن تتفضلن بهدوء وبنظام في الحصول على العيدية التي تناسب كل واحدة منكن...



البنت الي صوتها ناعم مره بس لا جت تتكلم تقول كنها في بير .... هذي دبيه وعصبيه

البنت الي صوتها خشن وكنه صوت رجال ..... هذي راعيت مشاكل

البنت الي صوتها هادي وفي شجن ...... هذي شكلها اللهم لك الحمد وتحب تزعل

البنت الي صوتها مبحوح لا اوصيك فيها ......هذي قمر ولا تحب المشاكل

البنت الي صوتها مشحوط لا جت تسولف تقول مكينه خياطه ...... هذي من زينها الطير ينزل الأرض ودايم تحب تكون ساكته

البنت الي صوتها لا هو ناعم ولا خشن ..... هذي ساكنه بشقق عزاب وتلعب بلوت

البنت الي صوتها لا سمعته تسمع معاه خنه ...... هذي لا تقربها جنيه أمها جابتها ولاده قيصريه يعني بتعذبك معها

البنت الي صوتها دلع ...... هذي شينه مرررررررررررررره وتعطيك بكس لو سبيتها

البنت الي صوتها شوي مبحوح وشوي تعطيك نغمه حزينه ..... هذي طبعها الهدؤ

البنت الي صوتها يسمعه القاصي والداني ..... هذي لا تزعلها لانها تلعب تايكوندوا

البنت الي صوتها تقول كنك ماشي على كفر منصلخ .... تحب الخير ونحيفه مره

البنت إلي صوتها نغمته عالية وغذا جت تقولك كلمة حب ولا سرّ قالوا عنها الجيران هذا تلوث الإزعاج......هذي طيبة مرة وقلبها أبيض بس لا تزعلها ولا تمزح معها ولا تحبها ولا تقول لها كلمة حب وإذا أضطريت تأسف لها وناجيها وحاكيها وهي نايمة وإذا مضطر بتعلمها سالفة ولا سرّ شرطن خشتها.


أخواني الأعضاء الرجال...
هذي أصوات البنات ومن اصواتهن تعرف أطباعهن وأتمنى كل واحد يختار الهدية التي تناسب نساء بيته ويتفضل مشكوراً بتقديمها لهن ويتوخى الحذر....


بدادة المستبدة..... :D :D :D

:mad: وين عيديتنا نحن الرياييل

صدق انـّج بدابة ومستبدة (امزح مو تزعلين)

طيب انا اتريه العيديه...

مو تخلين عمرج ناسية...

((البنت الي صوتها لا هو ناعم ولا خشن ..... هذي ساكنه بشقق عزاب وتلعب بلوت)) :eek:

يرفع أمر الموظفة المذكورة ( بدادة المستبدة )للأستاذ وكيل الوزارة عوض بن بنيه الردادي لإتخاذ اللازم حيال تلك الإسقاطة الغير متعمدة ويؤخذ عليها تعهد بعدم نقل أي موضوع من خارج المنتدى إلا بعد التأكد من صلاحية بعض عباراته :confused:

Bdadh بثوبها الجديد
 

الأخ العزيز والطالب النجيب/ تأبط شرشر...

عيديتك تلقها في موضوعك يقول لي اترك المنتدى....


الأخ الكريم وزميل العمل الاستاذ/ أبا مرون...
عوض الردادي صديق الوالد وهو الذي تكفل مشكوراً بتوظيفي ولنا معه علاقات متينة فجرب غيره وسعادة وزير المكتبات أيضاً صديق دراسة لوالدي لكن عندك ديوان المظالم رح أشتك....:D :D

عيدك سعيد يا سيدي...



بدادة المستبدة....ما أستبدت فيكم من فراغ.. :27:

طيبنجربالرفعلمعاليالدكتورعليالنملة
بسصراحةوصفهذهالبنتبتلكالكلماتعاجبتك؟؟؟
أخشى أقول يرفع أمرها للأمير عبد الله وبعدين تقولين ترى هو اللي زارنا للحي الشعبي اللي قبل أسبوع وسلمتيه ورقة لمساعدتك ولأمكانية ترسيمك !!!!! :p

Bdadh بثوبها الجديد
 

زميل العمل والأخ العزيز/أبا مروان...

الحين أقولك وزير المكتبات وتقول الدكتور النملة وش فرق ذي عن ذيك....يعني لا زم تفشلونا يا حقون وزارة العمل...

شف وأنا خالتك...
الأحياء الشعبية إلي نحن عليها في الرياض ونزن من خمس سنين ما أحد طالع فيها إلا يوم فكرو في مشاريع أحياء وسط مدينة الرياض...فلا تفرح كثير بالخربطة الإعلامية إلي تسمعها...
الله يسلمك الشميسي والفيصلية والعود أقدم أحياء الرياض ومطلوبة في مشاريع خاصة مثل إلي أنت خابر..أسواق ومراكز تجارية وخطة ترحيل ساكنيها وإعادة إيوائهم زي حي أم الحمام بالرياض يوم أنقلب من صنادق وعشش إلى قصور ..؟؟؟

يا حليلك عرفتني من يوم ما شفتني في التلفزيون على فكرة هذي للأخوان إلي ما يعرفوني أنا الحرمة إلي متغطية ببطانية وكنت منسدحه وقال عنها ولي أمرها تراها مريضة بالكبد من عشر سنوات وصور غرفتي في زوايا الجرائد اليومية الله يعز الصحافة ووسائل الاعلام...

أما عن الوصف والله أنه تكانة وأنا خالتك....ومع بدادة خذ وخل وحط وأرفع ولو عندك واسطة وأنا خالتك تخليني على بند ولا على نظام العقود ترى أدعيلك من قلبي ودي أفتك من الخدمة المدنية...

بدادة المستبدة... :p :D :p

بسم الله الرحمن الرحيم

مرحبا بدادة00
حلوة الهدية ولو انها مبكره بعض الشئ بالنسبة لي000
"البنت الي صوتها ناعم مره بس لا جت تتكلم تقول كنها في بير .... هذي دبيه وعصبيه "
يعني صوتي مو ناعم ناعم بس ناعم!!!!
:D :D :D
الي يسمع صوتي يقول هادية و....الخ, بس لما اعصب محد
يصدق ان هذا فعلا صوتي!!!!!
-----
مع تحياتي