تعب و ملل ،
 

السلام عليكم و رحمة الله و بركاتة

شخباركم؟

حابه افضض و اقولكم ب شو احس ،
انا موقفه الجامعه للسنه اليايه ،
ف دايما احس بالملل ما عندي شي اسويه بس ارقد و آكل ..

وسواس الموت خف ولله الحمد ، بس لما اسمع خبر حد توفى يجيني خوف ،
لكن وسواس الوضوء و الصلاة قاعد يزيد
قمت اتوضأ وايد و ما اصلي الا و انا مشغله التسجيل
و اذا كنت اصلي في الغرفة بروحي؟ لازم اصور اتجاه السجاده لاني اخاف تكون القبله خطأ و انا اتعمد اصلي على هاي الطريقه
و اصور ويهي اشوف لابسه شيلة الصلاه صح و لا مطلعه شعري
تعبت والله تعبت ،،

دوم اقول ها وسواس بس كل شي يتغير لما ايي و اتوضأ
اتوضا وايد و كل مره احس ان خطا و لا باطل

اسمع صوت المغسله و احس ان الصوت مني
اشم ريحة غريبه و كله اقول مني
مع اني اعرف ان الشي مب مني

تعب !!

اختي السويدي اولا اود ان اهنئك انك تغلبت عن اشد الوساوس خطورة و هو وسواس الموت .. و الله يا اختي فرحت لما قريت انه خف عنك و اتمنى ان شاء الله ان يمشي عنك في المرة يا رب
بالنسبة للوساوس الاخرى الحل بيدك .. نعم الحل بيدك يا اختي السويدي يمكن ان تقضي عليه اليوم ان اردت ذلك بمجرد مشهدة هذا الفيديو .. شهديه و تمعني فيه و شاهديه اكثر من مرة و قوي عزيمتك راح تقضي على الشيطان
اختي انا احتاج من نصائحك نالنسبة لوسواس الموت لاني انا في معاناة دائمة

هاك اختي الفيديو و ارجوك ركزي عليه جيدا و اعملي به


https://www.youtube.com/watch?v=qliV5l4Ai90

http://www.youtube.com/watch?v=qliV5l4Ai90شوفي هذا الفديو وانتي ترتاحين

أهلا أخي محمد ،
شفت الفيديو وايد و صدقني اقول خلاص بحاول اطنش بس ارد

اما بخصوص وسواس الموت
ف الحمدلله خف عني

لا تفكر في الموت وايد و دايما قول هذا وسواس
لان والله في النهايه بنضحك على اعمارنا لان صدقنا الشيطان في كل شي
بقولك سالفه
الاسبوع اللي طاف اختي راحت العمره
و قبل لا تروح كانت تسولف ويانا وتقول خاطري اموت في المدينه

و سبحان الله عقبها ب يومين قررت تسافر

تميت اوسوس و اقول ليكون بتموت؟ اكيد عسب جي بتسافر
و كان خاطري ابكي و اقول للها لا تروحين
بس الحمدلله امس رجعت لنا بالسلامه

شفت كيف الشيطان؟ يبا يخوفنا بس
ما يبانا نضحك مثل غيرنا

لا تخاف و طنش و باذن الله بيخف عنك
و بتحس ان من زمان ما وسوست بالموت

الله يشفيك و يشفينا جميعاً

شكرا اختي ساره ع الفيديو
و شفته قبل :( كلام الشيخ يخليني ارتاح
بس ارد اوسوس الله المستعان.

شكرا لك اختي السويدي و الله يشفينا جميعا يا رب و الله حياتنا اصبحت مرة و الله
السويدي و الله عانيت من وسواس الجنابة يا اختي في 2010 و الله كنت اموت كنت استحم 4 5 مرات في اليوم و مرات اصل حتى 10 مرات .. انا ما كنت اتوضأ يا اختي كنت استحم قبل الوضوء و مرات استحم اخج اجلس 5 دقائق يجيني وسواس ثم ادخل استحم .. كنت اغير ملابسي كل مرة و الله كنت في عذاب لكن بعد ما شاهدت فيديوها و دخلت منتديات و شفت مواعظ توضح انا صلاتي مقبولة و وضوئي مقبول و شوية شوية عزمت و بديت اطنش شوية شية الحمد لله حتى تخلصت .. رغم انه ياتيني بعض المرات الآن لكن الحمد لله ما بقيت افعل ما يقوله الشيطان .. و بهذا تحول بي الى وسواس الموت

الله يشفيك يا اخوي ، والله كلنا الوسواس متعبنا ، لكن الحمدلله على كل حال
الله يشفينا ياوب و يقرب الفرج

آامين يا ارب يا اختي

كيف تشافيتي السويدي من وسواس الموت

ماعندي اجابه والله
فجاءه حسيت اني ما افكر مثل اول
و فجاءه حسيت ان حتى لو جيت افكر
من نفسي اطنش و اقول ها من الشيطان و ان شاء الله ما راح يصير شي
ما اقول لكم اني تشافيت 100٪ و لكن الحمدلله خف عن قبل !!

حلو ماشاءالله
طيب كملي دراسه صدقيني لو بتكملين بإذن الله راح تتشافين
ترا الوسواس يدور اي مكان اي شي عشان يطلع لك منه
والله يوفقك يارب