تعبت
 

تعبت من كل شي والله !!
تعبت من الغسل
اتغسل يوميا و دائما احس اني مب طاهره
و خصوصا في رمضان الحين
الوسواس زاد ...................
اوهام كثيره و تخيلات
احس يوم اقول اني بريئه منها
يجيني صوت يقول انتي تكذبين !!

ماعرف كيف اشرح لكم بس والله تعب !!

اختي السويدي انت طاهرة طاهرة طاهرة ... و غسلك و وضوءك مقبول 100 في 100 ... اختي السويدي و الله ما لكي الا ان تقفي ندا لهذا الوسواس .. و الله لو تفعلي عكس ما يقوله لك و الله في غضون اسبوعين راح ترتاحي
اختي السويدي جربي انك لا تغتسلين و قولي انا على طهارة و صلي و ان قال لك ان صلاتك غير مقبولة لا تخافي فهي مقبولة و اتركيه لحاله يا اختي جربي و قوي عزيمتك اختي
لا يكلف الله نفسا الا وسعها ... هل الله خلقنا من اجل هذا العذاب لا و الف لا جربي اختي السويدي
الله يشفيك و يعافيك يا رب

والله يا اخوي اني تعبت ،
كل مره اقول وسواس بطنش و الله ما يكلف نفسا
بس دوم انهزم جدام هالوسواس !

حبيبتي لازم تقاومين نفسك اكثر واكثر ومع كلام اخي محمد لاتعيدين وضوئك ابدا وقولي انا على طهاره لازم تحاربين هذا الوسواس اللعين

اختي السويدي صديقيني حالتك سهلة شوفي كنت اليوم عند اخصائية العلاج السلوكي المعرفي و قالتلي اول خطوة العلاج انك تعاكسين الفكرة يعني اذا جاتك الفكرة لازم تغسيلي ايدك ثاني اتركيها و متغسلي و مع الوقت انتقلي للوضوء و هكذا
اسال الله العلي العظيم ان يشفيك و يشفينا اجمعين يا رب

السويدي انت تخلصتي من اشد الوساوس لي هو وسواس الموت و ما تقدرين على وسواس الطهارة ؟ و الله لك القدرة للتخلص منه .. انا اصبت به كذلك في 2010 و الله كانت حياتي جحيم .. لكن مع الوقت و مع المنتديات و الله بديت اعاكسه و تعذبت في البداية لكن نجحت في الاخير
يا الله يا اختي و الله لك القدرة للتخلص ابداي من اليوم و لا تغتسلي و تاكدي انك طاهرة جدا و عبادتك مقبولة خذيها مني اختي

والله يا اخوي وسواس الطهاره اشد من الموت
تخيل بس اتم خايف طول الوقت
و خاصه في رمضان
اتوهم اني اشوف اشيا تخليني اقول يجب عليه الاغتسال
مع اني ما شفت
بس ليش احس عمري اكذب
ليش هالوهم
والله تعب
كفايه تأنيب الضمير اللي يجيني.

الكلام سهل يا اختي املي
بس والله الفعل صعب
و انا ضعيفه جداا قدام هالوسواس
انهزم بسهوله :(