ام شجوعي
 

كيفك ام شجوعي
وكيف شجوعي ان شالله بدا يريح في النوم

بما انه موضوعك انحذف والسبب خلل في المنتدى. كنت بسالك الازدواجيه في الرؤيه كمان تشوفيها في الاشياء الجامده ؟
أنا لاحظة في الانوار الخافته اشوفها اوضح الازدواجيه وكمان لما احرك عيني كانه في زي الهزهزه في اطراف الرؤيه مدري كيف اشرحها

سوري ع المداخلة ام لبنتين
بس بسألك انتي تجيك اعراض قبل العادة الشهريه ممكن تقولين ايش هي
انا اتدهور قبلها بوقت

اهلين رينال لا عادي خذي راحتك
ايوا تجيني حالات
اول شيء الدوخه وثقل الراس والضغط عليه. من دون صداع
ثاني شيء العصبيه والبكى على اتفه الاشياء
ثالث شيء ضعف الاطراف والجسم

انا زيك بالي حددتهم وزياده عليهم لسعات زي الكهرب ونغزات برجليني
وبرودة اطرافي واحيانا تكون حاره وغثيان

وبالنسبه لموضوعك انا اخيانا تكون عندي ضابيبه بالرؤيا
واحيانا ع الاطراف والزاويا احس اشوف بقع سودا

رينال انتي تستخدمي علاج ؟
أنا استخدم سيبرالكس ومعاه خفت النغزات والحراره
كيف بقع سودا بالاطراف قصدك زي الذبان الطاير ؟
أنا عندي زي الازدواجيه للاطراف بس لما احرك عيني او يكون الشي متحرك

استخدمت دوجماتيل بس وتركته
ايوه زي الذبان

لا ام لبنتين عندي الازدواجيه بس في الاشياء الثابته والبعيده اما الاشياء القريبه والمتحركه لا هزهزه ماعندي وكيف هزهزه ماني فاهمه شجوعي الحمد لله تمام اجمل رمضان بوجوده يجننننننننن

ايوه رينال هذي قرات عنها اسمها مرض الذباب الطائر حتى أنا يجيني بس مو كثير فين وفين

ام شجوعي ربي يحفظلك شجوعي وتشوفي عريس
ااجل أنا وانتي نختلف في الرؤيه لانه الاشياء الثابته ما اشوف لها ظل ولا زايه متكرره
اما اقصد اهتزاز اقصد عيني لما احركها كانه الرؤيه مو ثابته بس ثانيه زي الهزه فيها ، المشكله ما اعرف اشرح
تعبت من الرؤيه المزدوجه تجيني بس في الليل والمشكله الافطار عندنا على تسعه ونص ما اقدر اكل منها ولا عارفه اكلم زوجي يقولي مافيكي شيء فصابره والله يعين

المفروض نبرمج عقلنا انو هذا شي نفسي ومانخاف بس كيف نقنع عقولنا المريضه

أنا بدات افكر انه مو نفسي لانه زمان ماكان عندي بس هذي الفتره
واخاف يكون عندي مشكله في القرنية او الدماغ
الله يعيننا على انفسنا حتى قران ماصرت اقراه مزبوط مع الدوخه والتعب

ام لبنتين هل عندك ضعف في النظر من قبل

لا ورحت للدكتور بعد الولاده بس طلع التهاب بسيط في القرنيه حتى اعطاني بس مطهر

ما اعرف ليش بس في الليل يجيني