التفكير تعبني :(
 

ايييييييه ريما نفسسسسسك

نفس تفكيرك يا ريما واقول شنو كانو يحسون وتبدا مرحله القلق والخوف

انا كذا كثير افكر فيهم الله يرحمهم
والله شي يتعب الله يرحم حالنا بس

اختي نفس الشي افكر فيهم و اتخيل ة تبدأ دوامة القلق و الخوف الله يعينا

و عليكم السلام و رحمة الله و بركاته

هلا ريما حبيبتي

انا مب وايد افكر فيهم بس صح احيانا
افكر ف كل اللي ماتوا
و هالشي يخوفني و يبدأ الوسواس يلعب بي

لا تخافين كلنا نمر بنفس الحالات و الافكار
الله يشفينا

وأنااا زيكممم

وانا بعد يارب تشفينا وتفررررحنا يارب

كلنا نمر بهالأفكار

لكن حاولي تجاهلها ولا تفكرين فيها و اقطعيها لأنها تبي تبدأ معك الوساوس والمخاوف

اشغلي نفسك بأمور أخرى قراءة قرآن أو كتاب أو شوفي برنامج أو نظفي البيت أو غرفتك سوي طبخه

سولفي مع أهلك وابتسمي واضحكي لو تصنعاً

بالبداية يصعب عليك لكن أجبري نفسك على عدم التفكير وبتلقين نفسك نسيتي هالأفكار بإذن الله

الله يشفيك يشفيني والجميع يارب

اسأل الله ان يرحم امواتنا واموات المسلمين

استغفر الله مسكت نفسي باللحظه الأخيره
كنت بقول كلام يخليكم تناقزون مثل الفشار داخل القدر
بس الله يغفرلي خفت لاينتكس نصكم بسبب استغلال شياطينكم لكلامي
بس يا اخوات ما ادري كيف ابدأ والله يشفيكم ويفرج عنكم
حسب ردودكم الأخرى الي قريتها انكم تخافون الله وتتقربون له قدر المستطاع
ليه الخوف الزائد من الموت ؟؟!!
من احب لقاء الله احب الله لقائه
وأشهد الله سبحانه بأني احببت لقاءه وأسئله ان يصلح حالي وان يثبتني ويحسن خاتمتي

سبحان الله توني كتبت نفس كلامك لان جدد هذا التفكير اذا استمر معي بيرجعني مثل اول :(