اه بموووووووووووووووووووت ادعولي
 

تعوذي من ابليس يابنت الحلال
وهدي اعصابك
واضح انك مشدوده
لو بتموتين ما قعدتي ساعات
هذي من انواع الهلع القوية وهذي اعراضها
سبق وان جتني واستمرت معي من 11 في الليل الى 9 الصبح
تزيد وتخف وتزيد وتخف

هدي .. وارتاحي
وروحي مستشفى حكومي كبير
عشان يطمنك وترتاحين

اعوذ بالله من الشيطان الرجيم
في ناس جلسوا ايام يحتضرون
اقسم بالله ..احس روحي بتطلع
جسمي له خفقان والم ودوخه والم قلبي ورجلي
هذا حاله نفسيه...كيف حاله نفسيه تتاثر علي جسدي
والله العظيم مو مصدقه
بالقوه رحت الحين...لو اموت ماراح يوديني ياليت
اهلي يحسسسوني فيني..

أعطتني الدكتوره مسكن لالم رجلي
هدات وقامت علي....

اعوذ بالله من الشيطان الرجيم
والله ان الوسواس اللي فيك قوي
وش احتضار الله يحفظك

اللي يحتضر يكتب ويقرأ ويتكلم
هذا وقسم بالله العظيم من الوساوس

اي اي الوسواس يسبب الهلع
والهلع يبدأ يأثر في اعضاء الجسم
يحس بألم في القلب وضربات سريعه وتعرق وكتمه ورجفان في اليد
واكثر من كذا ..

انتي الحين في نوبة الهلع
سمي بالله وطمني نفسك
واقسم بالله العظيم انها هلع قوي اللي فيك
شوي احلف وانا صايم
لأني مجرب الحاله اللي فيك

اللي يحتضر بسم الله عليك
ما يقدر يتكلم ولا يتحرك ولا يرمش بعينه ابد

اطردي وساوس الشيطان .. مافيك الا الوسواس
وانتي بخير

وطمني نفسك .. وشيلي هالافكار من راسك

عادي اختي انا رجليني مثلك احس بألم غريب واحس بوهن بجسمي
من الفجر وللحين مستمره
وصابره لانه زي اي عرض من اعراض الهلع
وزي كل يوم نخاف ونبكي استهدي بالله واسترخي

ياليت واسوس والله اتمني واسوس ياااخوي
احاول اقنع نفسي انه واسوس ...بس اتذكر حالات
تحتضر اقول لا هذا الموت
موب راضيه اقتنع لاني شفت قبل شهرين حلم يطيح ضرسي
وقريت تفسيره..الموت
من شهرين وانا في عذااااااااب...
اسفه يااخوي ازعجتكم بس مااحد يحس بالالم الللي مر فيه

ماكان فيني شئ غير الم رجلي فجاه تعبت...
يارب رحمتك

الخوف مو من الم رجلي
خايفه من الم قلبي...مو قادره انام منه
احس كان شئ واقف في صدري..غير الارهاق

ارتاحي الله يرضى عليك
خذي نفس عمممميييق من انفك
واكتميه وعدي لين عشره وطلعي النفس من فمك
شهيق وزفير يعني
وكرريها 10مرات وان شاءالله ترتاحين

يا اختي الكريمة .. الله يرضى عليك
الاحتضار .. تشخص الابصار
لا يستطيع الشخص ان يتكلم ولا يرمش ولا يتحرك ولا يحرك شي في جسمه

انتي ماشاء الله عليك تتكلمين وتكتبين وتتحركين
والله العظيم اللي فيك وسواس

وبعدين الحلم علمه عند الله
الرسول عليه الصلاة السلام (من رأى منكم رؤيا يحبها فيحمد الله، ويخبر بها من يحب، ومن رأى رؤية يكرهها فهي من الشيطان، فلينفث عن يساره وليتعوذ بالله من الشيطان ومن شر ما رأى، ثم ينقلب على جنبه الآخر، فإنها لا تضره ولا يخبر بها أحداً)
قريتي اللي بالأحمر .. لا تضره
هذا كلام سيد الخلق عليه الصلاة والسلام
وهل بعد كلام الرسول شي ..؟
وبعدين مو كل حلم اذا طاح الضرس فيه ( موت )
هذا الحلم لأنك خايفه وتفكرين فيه هالشي .. فـ الشيطان جابلك هالحلم
لأن يمكن حصلك موقف او قصة عن الضرس .. وكلها ما لها علاقة في الموت والأجل
فلا يعلمها إلا الله سبحانه وتعالى

وبعدين تقولين الحلم من شهرين
والحلم اصلا بعد ينتهي من اليوم اللي بعده

كلها احاديث نفس
ومالها اي علاقة .. طمني

اعتقد مابعد كلام محمد صل الله عليه وسلم شي
وجبتلك الحديث

الحين عرفت ليه موسوسة
من الحلم واكيد حاصل لك قصة في موضوع الضرس أثرت عليك

بحاول اكلم دكتور نفسي عن طريق النت لو كتب الله عمر
اهلي رافضين فكره الدكتور النفسي
جزاك الله خيرا

ان شاء الله جزاك الله خيرا
تخف الكتمه وترجع ..ان شاء الله تروح بلاعوده