|
يامسلمين وش الي يجيني هل هو هلع او ماذا
مرحبا اخوان ... اخوااات
اليوم جالسه مبسوطه بعد الفطور واسولف مع خواتي وفجأة ... جاني ذاك الدوار الي فر راسي فر وانا اتمسك بالكنبه ويمسكوني خواتي ويسدحوني ... بسم الله شي غريب جاني دوخه عجيبه المشكله ماكنت زعﻻنه وﻻ فيني اي شي ... فهموني وش هذا الي صابني هل هو هلع يجي بدون مقدمات .. او ايش الحكايه خايفه يكون براسي شي مع العلم اخذ عﻻج سيروكسات من سبع شهور والحمد لله في تحسن لكن الدوار الي فجاه وش قصته فهمووووني وطمنوني |
الله يهديك أختي ليش نطيتي للهلع ليش مايكون تعب خفيف بسبب الصيام
|
رد
السلام عليكم ..
كيف الحال أختي الكريمه الدوخه من أعراض الهلع والرجفه كذلك من أعراضه لا تخافين أختي ..مآفيك غير العافيه وهذي لأعراض راح تروح بأذن الله هدي نفسك مرره هذا الدوخه مريت فيها والبارح جاتني بقوه ..كنت وأقف وجلستني من قوتها ..حوالي نصف ساعه وراحت ولله الحمد على كل شي تحياتي لكي |
اختي نعمة النسيان انا بعد مثلك اليوم كنت مداومه نزلت راسي اخذت عينة دم من طفل ومن رفعت حسيت بدووووخه مررره قويه بغيت اطيح بس مسكت الكرسي لين راحت وانا كنت مبسووطه ومافيني شي عاااادي اختي تجي هذي الدوخه دايم الله يعافينا شعوور حيل مزعج ...بس ايش هي اعراضك المستمره ممكن تقولين لي
|
لاتخافين اكيد صابك هبوط في الضغط
لان اغلب الادويه النفسيه تيبب هبوط ،مافيكي الا العافيه |
سلامتك نعمه ماتشوفي شر
يمكن هبوط والله اعلم |
نعووومه اكتبي اعراضك كلها وايش المستمر منها
|
فنيه .... هالحاله تجيني حتى لو ماكنت صايمة
المصاب ... ربي يطمن قلبك بس هل انت تستخدم عﻻج سارة ... والله احترنا مع هاﻻدويه نبيها عون صارت فرعون ام لبنتين ... ربي يسلمك ام شجاع ... حبيبتي انتي نفس اعراضي بالتمام ...اعراضي هي ..( عدم اتزان دوار مزعج لو التفت احس بسقط على اﻻرض ..شد بمؤخرة الراس مع الرقبة .طنين ..ضغط هواء باذني اذا نزلت راسي .. وقولون عصبي دايما مولع ..زغلله ... الخ ... ماخليت شي ) على فكرة مستمرة معي .. هذي بس اﻻعراض الجسديه ماقلت النفسيه بعد ... يارب يشفينا |
ههههههه عااادي تحملي ان شاء مايضيع اجرنا عند الله
|
اليوم جالسه على اعصابي خايفه تجيني نوبة الدوار القويه. .. حتى خواتي بيطلعون للمول وانا مو رايحه كله بسبة الدوخه خايفه داهمني وسط الناس
|
انتبهييييي تستسلمين لها يااختي انا اداوم تسع ساعات بالمستشفى ومعاي الصديقه الوفيه الدوخه ايش نسوي من غير شد الاعصاب اللي صاير لي بسبب الخادمه اللي جبتها واترك عندها وولدي طول وقتي افكر واسوس واتصل عليها كل عشر دقايق احس التوتر يزيد الاعراض وخاصه الدوخه .... تعبناااا عسى ربي يشفيناا
|
مشكلتي استسلم واجلس ابكي عند امي وزوجي ... والله اتحمل اي شي اﻻ هالدوخه مرررة طفشتني بحياتي ومعها شد وضغط براسي وثقل شي عجيب ﻻ يوصف
يارب ارحم ضعفنا |
| الساعة الآن 06:55 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا