وسواس الغسل
 

السلام عليكم و رحمة الله و بركاتة
يمكن هذا ثالث موضوع لي بخصوص موضوع وسواس الغسل
يعني انا اكتب انه وسواس بس ماقدر اصدقه

يوم الاربعا اغتسلت و عشان اتاكد اني تغسلت صورت شعري و هو مبلل على اساس اعرف اني تغسلت
و يوم الخميس بعد تغسلت .

دايما تجيني تخيلات اني رايت دم
او شي ...
و ساعات مثلا يعني ماعرف كيف اقولها
انجرح بظهري لان تطلع لي حبوب
ف لما اشوف الدم ع ثيابي
اقعد اقول ليكون ها دم الدوره و انا ما اغتسلت اصلا


يعني ماعرف كيف افهمكم بس الموضوع متعبني وايد :(

حبيبتي لازم تقتنعين انه وسواس لاتعيدين غلسج واجبري نفسج مره اثنين ماطاوعين الوسواس لعنه الله عليه
انتي اغتسلتي خلاص لاتعيدينها قولي الله بيحسبني مو انت يا الشيطان حاولي

الله يعينك هذا هو الوسواس لما نتركه يزيد ويطلع علينا بمليون فكره
عموما هدي من روعك لاتخافي ولاتفكري طنشي واذا جاكي لاعاد تكرري الغسيل وقولي لنفسك هذي وساوس مرضيه غير صحيحه وعشنها مرضيه غير صحيحه انا ماراح افكر فيها من الان
وبعدها ع طول استخدمي قاعدة ال15 دقيقه للتوقف عن الوسواس ذكرتها انا في موضوع سابق لي وراح تتلاشى هالفكره شوي شوي ولا تستعجلي الشفاء

شكراً اخواني ع المرور ..

عليج اخذ استشارة من الطبيب النفسي لعلاج المشكلة

عليك اعتقاد صحه غسلك وانك اغتسلتى وبعدها رفع التكليف عنك لانه هذى قدرتك وهذى استطاعتك
وابليس يغصبك ويجترك على اعاده الغسل ويجعلك مثل الانسانه المجنونه تتفقدى شعرك وتتفقدى
الحمام وتتفقدى كل شى ومع ذلك يقول لم تغتسلى والحل واضح وسهل طنشى ثلاثه ايام فقط
وانظرى ماذا يحصل بعدها فقط ثلاثه ايام بدون غسل ولا تفتشى فى ملابسك نهائيا والله
يشفيك يارب

شكرا قوقل ،،

احمدي ربك اذكر دكتور يقول وحده تجلس بدورة المياه تغتسل سسسسسسست ساعات
ثاني شي بغيتك تفكرين شوي وأعتذر على الكلام الي راح اقوله لأنه ماعندي اي طريقه ثانيه بس اهم شي تستفيدين
الحين الحبوب موقعها بالظهر
وش طلع دم الدوره اكرمكم الله لموقع الظهر ؟؟!! ( فكري بهاذي النقطه )
كل شي وله موضعه
وأثره يكون بنفس الموضع ومستحيل يختلف
تحياتي

شكرا اخوي.

اختي انا كنت مثلك.. حالتك جدا خطيرة اختي انتي وصلتي ورحلة خطيرة ضروري ضروري ضروري تذهبي لطبيب نفسي... واذا حابة اعطيك ارقام مشايخ ساعدوني كثيييييير في مواضيع الغسل والوضوء والعبادات... ولا تنسي ان الموسوس حتى في الأحكام الشرعية يختلف عن الشخص الطبيعي... وانا اعمل بها ومرتاااااااحه جدا يا رب لك الحمد