أنا بس ولا حتى أنتوا؟
 

السلام عليكم و رحمة الله و بركاتة
شخباركم؟.
عندي سؤال !
أنا دائما لما أروح أسوق يجئيني إحساس أو وسواس أني دفعت أو ؟ ولا خذت أعراض غيري أو
يعني مثلا أمس ررحت السوق. اتشرى للعيد
و دخلت محل خذت لاختي نعال و لي شنطه
دفعت و خلصت بس مادري ليش جايني إحساس
أن الشنطه مب لي
يعني مادري كيف. أحس أني أكذب نفسي و أقول مب لي.
عقب أقول لا ها الشيطان
عقب أقول لا أنا أكذب نفسي
يعني ماعرف
مع أني أتذكر أني خذتها
عقب يجيني إحساس أن مب لج
حتى الكلام كلام مجنونه :(

لا تزيدي على حالك اختي هو وسواس واحد كافي تجاهلي اختي و لو ما دفعتي صاحب المحل مراح يسكت و اذا اخذتي شي لحد ثاني مراح يسكت اتجاهلي احسن لك

اذا جاتك الفكره قولي لنفسك انا دفعت اصلا للرجل وانا عارفه ومتذكره هالشي وهذا وسواس قهري اللي عندي ماهو حقيقي عشان كذا ماراح ارد عليه وبعدها بترتاحين ان شاءالله لكن اهم شي تقولين لنفسك هذا مرض عندي بالمخ يكرر لي دايم الافكار اللي تزعجني وعشان هز مرض انا ماراح اعطيه وجه ولاافكر فيه اابد <<<< هذا من الاشياء اللي تعلمتها من الدكتور السلوكي المعرفي والله يشفيكي خيتو الله يعينك

طبعا اجابة لسؤالك
كلنا نعاني من الوسواس وبالحيل مثلك لكن مع اختلاف الفكره مننا الموت ومننا المرض والنظافه وهكذا
نسيت اعلمك لازم تتصدقين لو بريال يوميا يومياااااااااااا +الالحاح بالدعاء بالسجود بالصلاه

مشكور اخوي يوسف ما قصرت و الله يشفينا جميعاً
مشكوره اختي أملي الجنه ، الله يعيناا !!

بكل بساطه شغلي عقلك وسألي نفسك هذا السؤال
لو ما دفعتي اصحاب المحل بخلونك تخرجين بدون ما تحاسبين ؟؟!!
شي اكيييييييد لا
تقولين احتمال ما شافون
اقول اساساً كيف حط مشترايتك بالكيس
السلعه الي اشتريتيها ما تنحط داخل الكيس الا بعد دفع الحساب
تقولين انا حطيتها داخل الكيس بنفسي
راح اقلك ما راحت للكيس الا بعد ماعدة من قدام الكشير ودفعتي قيمتها عشان كذا سمحلك تحطينها بالكيس
الله يجزاك خير الحرام والله محد يبغاه بس الشي إذا زاد عن حده ينقلب ضده
انتهينا من هاذي النقطه
ونقفل عليها وهذا خطططط -----------------------------------------------------
النقطه الثانيه اغراضك او لا
لو مافيه زحمه ثقي ثقه تامه انها اغراضك
لو كنتي بمول او مراكز التسويق لاتحطين اغراضك الا بعد مايصير قدام الكاشير الا اغراضك وبنفسك تابعيها
وأنصحك ولو فتره مؤقته تاخذي معاك ورق لاصق صغير بلون محدد يخصك اذا اقتنعتي بالسلعه حطي اللصقه
جاك الوسواس طلعي الشي الي اشتريتيه وشوفي اللصقه
طبعاً حركة اللصقه تعتبر من الحرص الزااائد الغير محبذ بس فتره بسيطه وتتركينه عشان مايصير مثل الوسواس معاك
او تسجلين رقم الباركود الموجود بالورقه بنقس القطعه بجوالك وبعد كذا تتأكدين من الرقم
وسلامتك
اشك قد صارلك موقف بالسابق وأخذتي اغراض مو اغراضك

ع فكره
ترى هذا مو مرض يا اخوه
تقدرون تسمونه نسيان او عدم تركيز او حتى انشغال الذهن وقتها
شي طبيعي وتحصل مع الجميع
وأحتمال وسوسة الشيطان لها دور يقلك ما حاسبتي مي نفس القطعه
انا اولكم
جناني ووسواسي باب الشارع
والله اوقات اررررررررجع من اول الشارع عشان اتأكد صكيته او لا
لأني اوقات ارجع القاه مو مصكوك
نسيت اقفله وراي21e1s1q

لا الحمدلله ما صار لي مثل هالموقف قبل
بس انا دايما احس ب هالاحساس
دايما دايما. و شكرا اخوي ع المرور