انا شنو فيني بالضبط هلع ولا وسواس ولا حاله نفسيه
 

عمري الان 39 سنه كنت عايش حياه رغده خاليه من المشاكل حتى قبل 12 سنه تزوجت زوجه قاسيه القلب تحب المشاكل وطينت عيشتي وانا من النوع الحساس جدا واحب الهدوء واكره الصراخ ولمشاكل اصبحت حياتي على نار وكانت حياتي معاها كلها مشاكل وتحدي وعناد اصبحت افكر كثيرا ولمصايب قامت تنهال علي من كل صوب

اصبحت افكر كثيرا وحزين ومتشاؤم من الغد قام بطني يعورني وتجيني دوخه وكاره نفي واتحمل كل المشاكل هذي لمدة عشر سنوات الا ان مره من المرات سافرت لوحدي وكنت رايح الاردن اجلس شهر وطول هالشهر كان غداي منيف وعشاي منسف ومتنت حيل وما اتحرك وانا راجع جاني بالطريق اختناق شديد حسيت فيه بالموت ونزلت من

السياره وانا مخنوق اشاور للسيارات تساعدني بالليل ولا احد وقف لردجة اني ت من الخوف وبعدين هدين وراح الاختناق ومن ذاك اليوم وانا اذا رحت مكان بعيد تجيني نوبه هلع وخوووف شديد ولا يروح الهلع الا لما ارجع البيت

صار وانا نايم يجيني نوبة هلع ولما اروح المسجد واف مع الناس تجيني خووف شديد ونوبه هلع


وصارلي عاى هالحاله سنتين والا الحمدلله ما عاد يجيني نوبه هلع الا لما افكربالسفر بس ارجووو تفسير حالتي

طبعا طلقت زوجتي وارتحت وزالك المشاكل وتزوجت زجوه صالحه لكن لا زال اخاف من السفر وايضا لازلت افكر بألام الماضي

يني م احتاج لدواء مع العلم اني لما اسافر احسن بنوبة هلع وارجع مره ثانيه

والله حاس فيك اخوي انسب علاج لك السيروكسات تاخذه بالتدرج بالجرعه يعني 10 ملج تاخذه لمدة اسبوع وبعدها ترفع الجرعه 20 ملج لمدة لمدة شهر وشوف نفسك اذا فيه تحسن والا ارفع الجرعه 40 ملج

وش تهنيه اخوي المصاب ليه مااطلقها من بعد سنه اوسنتين هذي مجرمه سببت له حاله نفسيه ...يااخي شكلك ايام المشاكل كنت تكتم بصدرك وتراكمت عليك فظهرت ع شكل نوبات هلع وان شاء مافيك غير العافيه لا مرض نفسي ولا شي ......ومبروك الزوجه الجديده

بس يام شجاع للاسف من عقب الموقف ليلحين خايف اسافر ولما بس ابتعد 50 كيلو من البيت يصير فني نوب ذعر وهلع وماني عارف وش اسوي بالضبط

وفعلا كنت اكتم لمدة عشر سنين ومهموم

صدقت اخوي المصاب بس انا انقهرت على فعلها مع اخونا وتعرف حنا المهلوعين نخاف ع بعض هههههه ... اخوي تبي نصيحتي اذا كان عندك بس نوبات هلع وماعندك اعراض مستمره مثلنااا تجاهلهاااة مهما كانت قوتها وتغلب عليها ان شاء .. واي مساعده حنا حاضرين ونساعدك تقبل مروري

اخواني انا يجيني بس لما اروح ممكان بعيد مثلا 50 كيلو او اسافر وهذا مسببلي اكتئاب شنو الحل اخوان

انصحك اخوي بالعلاج السلوكي
افهم كثير معانتك انا سبب حالتي ايضا الضغط النفسي لي عشتو ثمان سنين و لم ينتهي لهذا الوقت و النتيجة نوبات هلع ووسواس جعلني انسانة اخرى
اخي ايضا الرياضة و تمارين الاسترخاء
و عليك باللجوء لرب العباد ان يشفيك اخي
و مبروك العروسة الجديدة

املي الجنه شلون العلاج السلوكي وعندج اختي موقع يفسرلي شلون استخدم العلاج السلوكي

اخي العلاج السلوكي يقوم بيه معالج نفسي سلوكي مو بس معالج نفسي يكون مختص في العلاج السلوكي و تكون عن طريق تصحيح المعلومات سلوكيا و يكون تمارين استرخاء و كيفية التعامل مع نوبات الهلع اخوي ما عندي موقع لكن شوف فالنت اكيد تلاقي توضيح عن العلاج السلوكي و
تكون عبارة عن جلسات يقوم بها المعالج معك و في حالتك مفيدة كثير قبل اللجوء للادوية و اكثر من الرياضة

اللي فيك شىء جدا بسيط لكبي لانك حساس تعبت وترا الاكل الدسم يسبب اختناق وشعور مشابهة للنوبة
لكن اسمع نصيحتي
انت تفكير بشكل سلبي تجاه السفرر بدلك صارت تجيك النوبة بالسفر او مجرد التفكير
كيف نشيل فكرة الخوف من السفر الى حب السفر وحب الانتقال

اولا لابدا من تمارين الاسترخاء

تنفس عن طريق الانف اخذ النفس بعدين تطلعة كانك تطفي شمعة

بعدين نفس الطريقة بس اكتم النفس وبعدين طلعه
بعدين نفس واخرجه بقوة
كرر كل نوع خمس مرات بعد كل صلاة


بعدها نجي للخوف

لية تخاف من السفر
تخاف من الحوادث
تخاف يصير لك شىء بالطريق
ام ان السفر مرتبط بالموت لديك
اذا جاوبت علمتك شلون تحاور نفسك
الله يخفف مابك