نفساني - وعاد المرض من جديد بعد شفاء دام اربع سنين يارب رحمتك ؟؟؟

السلام عليكم ورحمة الله وبركاته

اصعب شعور ممكن تعيشه انك تموت ماتدري في اي لحظه تقف دقات قلبك تحاول السيطرة على نفسك ولكن تفقد التحكم وترى نفسك في عالم الموت وحيد لا تدري متى تعود انفاسك لتعود الى الحياه بعد معاناة سنه مع المرض مليئة بنوبات الهلع والوسواس والأفكار والكابه وصراع مع الحياه والموت عشت سنه مؤلمه طريحه الفراش لا استطيع انا أتحرك الا للصلاه فقط كانت بدايتها شعبان سنة 2008 ماكنت ادري ايش اللي جاني فجاه احساس بكتمه وخوف وسرعة في دقات القلب وكأني مغمى علي واجلس أتشهد ونطلب الاسعاف ويطلع كل شي سليم وبعدها ارجع للبيت وارتاح شوي ويرجع يعاودني الشعور ونرجع المستشفيات الى وصلت مرحلة الاستسلام طريحه على الفراش وألم من كل جهه غصه بالحلق عدم شهيه للأكل ابداااااا نقص وزني خلال شهر 15 كيلو كنت بس اكل مثلا نص موزه وقطعة جبن واشرب مويه بس ولا اروح للناس وأخاف من الطلعه بالسياره او اي طلعه برا البيت اخاف من وقت النوم رعب عندي احلام كوابيس افرح اذا صار في البيت جمعه انام في الإزعاج عادي أهم شي اسمع أصوات كنت اكثر شي خايفه اموت واترك بنتي توها صغيره ومدلعتها وأهلي ما يحبون دلعها دايم يهاوشونها ويضيقون عليها وانا اجلس ابكي وارجف من الخوف اقول يارب ما أموت ابي اربيها وتكبر وتشيل نفسها اخاف يضيع مستقبلها رحت للدكتور ماعجبني كلامه وصف لي ليبرالكس اخذتها بس اربع ايام تركتها تخليني نايمه طول الوقت وأوصل مرحلة هلوسه اتكلم وانا ما ادري وش اقول جابو لي شيخ يقرا تعبت زياده وطلب مني استخدم السدر والماء المقري فيه وكل ماقرا علي اتعب اكثر استمريت على القراءه تعبت كثير بديت اتحسن شوي قالت اختي لازم دكتور نفسي عشان تقدرين تعيشين حياتك رحت لدكتور مصري عجبني كلامه طلعت من عنده احس بتفاؤل كتب لي بروزاك قال لك اسبوع قبل ما تستخدمينها اذا قدرتي تتحكمين في أفكارك وتسيطري على الهلع أوكي واذا ماقدرتي ابداي فيها طلعت و استمريت على القراءه والحمدالله تحسنت كثير ولا استخدمت بروزاك قالي الشيخ عين ماكنت مقتنعه بعد الا لما شفت تحسن واضح مرت الايام وتغيرت نفسيتي بس في اشياء صارت تخوفني ركوب الطياره الجلوس لحالي الطلعه لحالي السفر عن طريق البر وفوبيا من الحبوب و لازلت متاثره فيها التزمت التزام شديد الحمدالله لاني اول كنت غافله وبعيده كثييييييير عن ربي ولا احرص على الصلاه ومطنشه كل شي ولا عندي خوف من ربي استغفر الله بس مادري كيف كنت عايشه الحمدالله اني مامت وانا على هالحال كان رحت فيها كنت احاول اعوض الايام بإلطاعه وصار علي صلوات وصيام لازم اقضيه وكنت ميته خوف من ذنوبي اللي قبل وأخاف اموت واتعدب بالقبر كان اكبر همي اني أتوب بعدين جاتنا بعثه خارج المملكه رحت وتغيرت هناك وتحسن وضعي ودرست وأروح واجي باص وقطار ومشي ومطاعم وصديقات وسينما وحسيت اني بديت اترك الالتزام شوي شوي للاسف وعشت حياتي اربع سنين جاني خلالها ربو بسبب التهاب شديد في الصدر وبدأت معاناتي مع الربو بس ماكنت في حاله صعبه صح كنت باموت بس الحمدالله كتب لي ربي عمر جديد لدرجة انهم كانو يشكون ان فيني سل بس الحمدالله طلعت النتائج سليمه مشت حياتي الرياضه استمريت عليها ما أنكر انه احيانا تجيني بس اسيطر عليها وكانت عندي مشكلة الخفقان عانيت منها سويت كل شي طلع سليم أخرتها عرفت انه تجيني اكثر شي قبل الدوره بأسبوعين ومجرد ماتنزل يهدأ كل شي واجلس مرتاحه اسبوعين وترجع الأعراض هذا بس الي كان مخرب علي حياتي يارب لك الحمد اللهم لا اعتراض رجعت السعوديه وانا كارهه الرجعه وللأسف زادت معاناتي مع الربو والرياضه تركتها وماعاد احب الاكل واتضايق من الحر الان لي تسعه شهور راجعه وما احس اني تأقلمت رجعت سياحه وتحسنت نفسيتي شوي وبعدين رجعت السعوديه قبل رمضان وبعد العيد صابني التهاب شديد مقارب لالتهاب اللي تسبب علي بالربو وزاد تعبي وجاتني نوبات ربو مؤلمه وكنت متوقعه باموت ورجع الهلع والوسواس والخوف والتعب صار لي اسبوعين للاسف ماتوقعت انه راح يرجع لي في يوم من الايام بالقوه هذي وانا الحين أعاني لان معاي ربو واذا جاتني الحاله مادري هي ربو ولا هلع تعبت نفسيتي ماعاد أتحرك حتى الصلاه وانا جالسه الاكل مالي شهيه ابدااااااا اشوف الموت من كل مكان والحين وانا اكتب احس بخوف وتعب مادري وش اسوي انا اكثر شي خايفه من ذنوبي مع اني تبت بس مازلت خايفه احسها كبر السما بتطيح علي في اي لحظه أتخيل القبر والعذاب والحساب مابي أموت لاني خايفه من ربي يارب ارحمني تعبت والله تعبت ابي ارتاح من هالهم امي تقول استخدمي سيروكسات قلت انا مرضي ذنوبي مهما خذيت ماراح انسى ولا من حقي استمتع بالحياه لاني مقصره فالحل ماراح يكون الحبوب يعني وضعي صعب انا الان كملت كتابه في السيارهً وجاتني كتمه ًنبضات سريعه خايفه وأختي معاي تهدي فيني وانا بس أتشهد اللهم اني اعوذ بك من عذاب القبر وعذاب النار ياااااااارب الشي الإيجابي الوحيد في هذا المرض اني رجعت لربي فقط هذا افضل شي والباقي عذاب الله يخفف عنا وعنكم امين يارب دعواتكم ارجع مثل اول وربي يتوب علي ويتجاوز عني ويرزقنا الجنه