|
عراقي جاي للعمره .. هل يسمح له بزيارة الأحساء ؟
اهلييين اخواني وخواتي
إن شاء الله اموركم كلها تمام انا تعرفت على شاب عراقي وإن شاء الله أنوي الزواج منه .. والعيش بالعراق معه ... هو من بغداد وراح يجي (لأجل العمرة وزيارة النبي صلى الله عليه وآله وسلم) يعني جيته للسعوديه بتكون لزيارة مكه والمدينه وبنفس الوقت نبغى نتزوج لكن سمعت إن ممنوع على الأجانب إن يتنقلون بمناطق أخرى بالمملكه .. بس مسموح مكه والمدينه هل هذا الكلام صحيح ؟ ولا عادي يجي زيارة للمنطقه الشرقية (الأحساء) دام انه مطلع فيزا ... وإذا كان ممنوع شنو الإجراءات إلي لازم يتبعها .. أو احنا نسويها عشان ناخذ له الأ ذن .. والترخيص يزور الأحساء طبعاً فكرت أني اسوي معامله إستخراج إذن زواج سعوديه من اجنبي لكن غيرت رأيي الأسباب 1- ما اضمن الضروف لو قدمت على المعامله متى تخلص معاملتنا يمكن تستمر شهور .. واحنا مستعجلين نبغى نتزوج بأسرع وقت 2- يمكن مايصير نصيب بيني وبينه ونفترق.. ويروح التعب عالفاضي (تعب المعامله والاوراق والمراجعات) إذا صار زوجي وتزوجته سواء عقدنا بالسعوديه .. أو في العراق (بغداد) راح اقدم اوراقي لوزارة الداخليه وانا متزوجته ~~~~~~ لكن الشيء إلي ابغى اعرفه اخواني واخواتي مثل ماذكرت لكم أهووو بيجي للسعوديه للعمره .. لزيارة مكه والمدينه وانا ساكنه بالمنطقه الشرقيه (الأحساء) وخاطري نسوي عرس .. مثل كل البنات يتجمعون حولي صديقاتي وعماتي وخالاتي وقريباتي ويباركون لي ويزفوني عليه هل مسموح له يجي زيارة للأحساء ؟ .. وإذا ممنوع .. من أي جهه نطلع له ترخيص دخول للأحساء (بعيد عن معاملات الزواج) اتمنى تفيدوني .. والله يوفقكم يارب إلي يعرف اتمنى ينفعني .. والله يجزيكم ألف خير وشكراً لكم |
اهلا أخت عاشقة الزهراء كنت بدي احكيلك تدخلي على موضوع زواج السعودية من غير السعودي ... ولقيت الك مشاركات بالموضوع... يعني ما استفدتي من الإخوان ؟ لانه هم اكتر ناس يفيدونك اختي بموضوعك ربي ييسر أمورك ويوفقك وان شاءالله تحققي مرادك وتلاقي مين يفيدك بهذا الأمر تحية طيبة لكِ :) |
^^ لا مو مسموح
|
نظاميا غير مسموح ،،
ولا يوجد أي مبرر لزيارته قانونيا ،،،، |
ومن الحب ما قتل
تركظين من الحساء للعراق عشان زواج !! نتمنالكم التوفيق انا اهلي سحبوني مع رجولي سحب ونتو بكرامه يوم زواجي من جدة لحدود الرياض شايفها بعيده بصراحة احس فيها مغامرة وياسلام لو صار شي بينك وبينه مخالفة بشكل كامل للنظام اولها سفرك للعراق ممنوع الا بتصريح من وزارة الداخلية بروح ابلغ مو وطنيه او حب وأنتماء بس تخريب عليكم 13e31 بغداااد قسم تذكرت سندباد على طوول اول ما قريتها رني مكانك وشفولكم معقب يخلص اموركم بنفسه من اجراءات الزواج بس اعملي حسابك لو صار شي بينك وبينه بالمستقبل الضحية عيالكم تحياتي |
السعوديه افضل من ناحية الوضع الامني والاقتصادي من العراق العراقيين يهربون منها بطلب لجؤ سياسي وانتي تروحين لها برجليك ؟
|
اقتباس:
لكن ما أنصحك تتزوجينه بدون أذن.. سيصبح الأمر وبالا عليك وعلي أبنائك. ثم إن الجنسية العراقية تتشدد وزارة الداخلية في إعطاءها التصريح. |
| الساعة الآن 07:24 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا