حاله غريبه
 

والله صرت احس نفسي مجنونه

احس بخموول دوخه شي ضاغط ع صدري اتعشي ونفسيتي مسدوده احس اني مررهقه مررره مدري وش السالفه

احس بشي ماسك علي رقبتي وكتوفي متعبني مادري براد ولا اوسوس بفراشي جالسه ان قمت دخت واحس ماني قادره اشيل نفسي كل الي حولي يقولولي تغيررتي… سويت تحاليل فقر دم كويس
معدتي تالمني واحس بغثيان يارب وش السالفه تعبت ابي ارجع زي اول ابي احس بطعم الحياة وانسي ااه بس يارب صبررك

كان الله بعونك يا اختي

هل جربتي العلاج النفسي؟

أم حنين أنا لاحظت عليك شي انك تتابعين جميع الحالات إلى بالمنتدى وترى أكبر خطأ لأن فيه بعض الحالات تشوفينها وتستغربين انها ماتجيك وتبدين توسوسين

تبين العلاج اتركي كثره القراءه عن حالتك علشان ما تترسخ الفكره براسك

لتوسوسين اختي لاتعطيه مجال يلعب فيكي
اتعوذي من ابليس واعرفي هذه كلها من مخططات الشيطان عشان تعيشي بهم وحزن
حاولي تغير جو او تراجعين طبيب نفسي او علاج معرفي سلوكي
شفاك الله

روحي اغتسلي بماء بااااااااااااااررررد. راح يتغير مزاجك الاحلى اسألي مجرب والله كلها توهم الي عندك الأعراض الي تحسين فيها أوهام نفسيه فقط
ولا انتي طبيعيه نفسك عادي حياتك حلووووو ه بس انتي الله يهديك
تتوترين بسرعه انتي حالتك اليوم نفس أمس وقبله وقبله........الخ
وماصار لك شي احمدي ربك وتفائلي بالخير والله الوساوس مالها فايده
قومي خذي كاسه عصير وروقي مزاجك ياعسل الدنيا حلوووووه

اسعدني تواجدكم حبايبي

لاماجربته بس بجربه مشكور اخووي

اتابع عادي لاني اري نفس الاعراض فيني وان شا الله يزينها ربي

امين حبيبتي مشكوره

اخبارك ام حنين وكيف صحتك
المره هاذي سويت اقتباس لأحد ردودي
المره الجاية راح يكون الكلام موجه لك مباشره
عارفه ليه
لأنك بالوقت الحالي عندك حاجتين وهي بالأساس كانت وحده
نفس طريقة البذره بعدها يبدأ الساق بعدين الأغصان وتتفرع وبعدين الأوراق والثمار
المرض مسوي فيك نفس الشي
بالبداية كان عندك قلق
من شدته تطور لوسواس
الوسواس بدأ ياخذ مفعوله وبدأت حالات الخوف والفزع وما استبعد الأكتآب بدأ يطرق ابوابه مثل السيييل شق طريقه فيك بكل سهوله
خذيها نصيحه من مجرب وبأذن الله اضمنها لك
حسيتي فيك مرض محدد وحسيتي بخوف ابصمي بالعشر وقتها وأرتاحي ان العكس صحيح وأنا اتحمل نتيجت هذا الكلام امام الجميع
توقفي عن قراءة الأمراض والأعراض ترى كل الأمراض قريبة من بعض
اولها الأنفلونزا من اعراضها سخونه شديدة
السخونه الشديده تدخل الواحد بعالم اوهام وأشبه بالهلاوس وهاذي موجوده بالفصام والذهان ؟؟!!
انفلونزا تهد حيلك وتخليك بالبيت مالك نفس بشي
هاذي بالأكتآب
يعني شربكة مالها اول ولا لها آخر
والله يا بداية دماري ودماري كانت بأسباب القراءة بالنت حتى هلوست وشبه انجنيت عشان كذا جالس احذركم
الأمراض النفسية مستحيل تطلع بالتحاليل
صحييح تعانين من اشياء بجسمك وبعد التحليل كل شي سليم
والسبب ان الأمراض النفسية تأثر
تقولين تبغين ترجعين مثل اول
انا اقلك وش الفرق بين اول والحين
اتحدى لو ماكانت نص الأفكار الموجودة براسك الحين مامرت عليك بالسابق وأنتي بخير وعافيه
اتحدى
بس الفرق ان الفكره بالسابق تمر عليك وما تعيرينها اي اهتمام طننننش وعادي ماتهز شعره براسك
الحين لا اختلف الوضع
اصبحت الفكره مثل المسمار تندق وتقف براسك وتجلسين تحللين وتاخذينها من جميع الأتجاهات
وبالأخير ترجع على راسك وتنقلب عليك وماتالاقين من وراها الا وجع الراس والقلب
عارف والله العظيم صعب عليك تستوعبين كلامي وتطبقينه لأني مريت بهاذي التجربه وغيرها وأحمد الله سبحانه على كل حال اخرجني برحمته منها
بس بالتدرج شوي شوي
لو تعرفين تصلحين كركديه باارد شي رائع يخفف توترك ويريح اعصابك
الوضوووووء يطفى نار القهر والخوف الي دمرتك الموجوده بداخلك
الموقع هنا متنفس رائع جداً لك
وملاحظه عليك
شوفي قسم المرأه اسسسسسسسستقعديلهم بالمشعاب
لو طبختي شكشوكه على طووووول موضوع وذكريلهم طماطم كشنه اسطوانة غاز شفاط كاسة مكسورة بيضه طاحة ونفقعت صرصور ماسح طبلونه من فوق المجلى عااااااااادي
اهم شي اطلعي من جوك الحالي الي مايطمن لو استمر
اضافة لحتمال اصابتك بوسواس المرض توسوسين من الأمراض
شوفو حالتي
استغفر الله لو كشفت او سويت فحص الظاهر طلعت معاهم بقعى بوسط جهاز الفحص
مطننننننش وقضائي وقدري وحياتي ومماتي بيد الله سبحانه وتعالى وأسئله رحمته وحسن الخاتمه
اكتفي بهذا القدر لأني مسافر بعد وحطيت قهر السفر بهذا الرد
سلام

على فكره
انتي عارفه ان الي فيك ابتلاء
بس المشكله عارفه وش المقصود من الأبتلاء
المقصود من الأبتلاء الفرار من الله الى الله
اتمنى تقرين وش المقصود

اخوي محمد كلامك يثلج الصدر صح كنت اوسوس اول بس،مالقي بال وانسي هالمره احسه تغلب مني لدرجه ان الدمتور يقولي راحعي طبيب نفسي
تحاليلي كويسه انا ماخفت من المرض انا وسواس الموت هو الي ارعبني والله احاول جاهده اتغلب عليه ساعات اقدر وساعات الاقيه يغلبني احاول اجامل الي حولي ارجع اضعف مدري وش اللي خلاه يتنمن مني حتي ساعه بالنوم مانامها زين افز مرعوبه صرت اربط كل سي بالوسوسه ياعات اقول هذا مووسواس اميد فيني شي قبل كم سنه اختي جتها نفس الحاله وكتنت تقرري ولاتهتم لحالها لدرجة كنا نضحك عليها ونقول موسوسه ولو ايمانك بالله قوي ماصرتي ميذا وا وا وا الحبن توني احس بمعاناتها وان شاالله بتغلب عليه

لاهنت اخوي محمدويسعدني تفاعلك معي واهتمامك تحيتي لروحك

طيب اختي انظري الى حالك كل يوم قاعدة توسوسين بالموت هل حصل لك شي ؟فقط تلاعب الوسواس بك والشيطان يجري فينا مجرى الدم و يدخل لك الوسواس من عدة مداخل فقط عشان تعيشي يومك حزينة قلقة متضايفة
اجعلي يقين في داخلك بأن الله سيطيل عمرك في طاعته وستعيشين سعيدة بإذن الله تعالى حتى لو الوسواس مازال فيك ضعي هذا اليقين بداخلك وإن شاءالله ترتاحي
حتى لو دخلت المنتدى بداعي التخفيف على نفسك لا تبثي شكواك لان بكذا راح تثبتين ان الوسواس لايمكن ان ينفك عنك نهائيا بل شاركي انت في التخفيف من هذه الوسواس او اقرأي اكثر في المواضيع الايجابية
على فكرة انا اكتب لك وتعتريني في بعض الاحيان وساوس بل وبالاعراض حتى وانا اتناقش لكن اثبت انني قوية امامها وتجاهلها وان لن يحصل لي شيء بإذن الله تعالى

جمعة مباركة ويومك سعيد ووكلي امرك لله حتى لا تتركي للوساوس عليك سبيلا

اللهم صل وسلم على الحبيب

اطمئني ,هذه حالتك ليست حالة غريبة مرت علي وعلى اغلب الموسوسين ويمر على الموسوسين حالات اصعب من هذه كما قلت لك الوساوس في كل مرة تدخل لك بعدة مداخل ,الى ان تصل لمرحلة تقتنعين ان هذا فعلا تلاعب من الشيطان
اسأل الله ان يثبت رجائك ويقينك وحسن الظن وايانا يارب

الله يطمن قلبك اللهم امين حبيبتي