إن شاء الله يفيدك وخاصة إني جربته بطريقة الإستنشاق ( إستنشاق غباره ) وهذي الطريقة اللي إستخدمتها :
إشتريت من العطار أعواد قسط هندي
في البيت قمت بتكسيرها ووضعها في طحانة القهوة وطحنتها لين صارت ناعمه جداً
وضعتها في برطمان زجاج زي هذا
تقريباً مسحوق القسط الهندي المطحون طحن ناعم يوصل في البرطمان فوق ربع الزجاجة
قبل الإستنشاق كنت أرج ( أخض ) الزجاجة بالقوة لين يطلع غبار القسط الهندي
إذا طلع الغبار أفتح الغطاء وأقربها من الأنف وأستنشق غبار القسط الهندي بالقوة لين أحسه صك في راسي من الداخل
بعدها أحس بالحالة اللي تسبق العطاس ( مالها وصف )
الحالة هذي مريحة جداً وبعدها يحصل العطاس لعدة مرات متتالية
بعد ماينتهي العطاس أحس راسي فكفك والثقل اللي في راسي زال وراحه عجيبه ( حتى الأنف ينظف من الداخل بعد العطاس تطلع بلاوي ، والعيون ترتاح لان العطاس يخلي العيون تدمع والدموع تغسل العيون )
على فكرة كثير من شيوخ الرقية يمدحوه وخاصة أنه طارد للجن المستقر في الرأس المسبب الرئيسي للدوخه وتعب الرأس وماتلحقه من أعراض متعبه
بعد هذي التجربة اللي إستفدت منها صرت اشوف من الضروري يكون موجود عندي في البيت وما استخدمه الا اذا حسيت راسي ناشف ويابس أو فيه ثقل بإختصار يفكفك الرأس ويريحه
ملاحظة :
ريحة القسط الهندي الأصلي شبيهه بريحة التيس ( ريحته ممكن ماتعجب الجميع لكن معروف دائماً الأدوية المفيده إما طعمها مُر لا يستساغ أو ريحتها لا تحتمل )
ريحة القسط الهندي مقارنة بريحة الحلتيت أهوٓن بكثير
ريحة الحلتيت تعمي
إن شاء الله يزول تعبكم بعد المواظبه على إستخدامه وقدامكم العافية