نفساني - عرض مشاركة واحدة - ابشرو بلخير تخلصت من الهلع وانتو تخلصو منه

04-10-2013, 05:24 PM

اقتباس:

المشاركة الأصلية كتبت بواسطة تاليا

<احس اني امشي علا اسفنج >
نعم نعم نفس الاحساس وماعرف اوصفه واحس ان الناس ماتحس بي
وان الي انا فيه مامر علي احد
ياليت تشرح حالتك قبل كيف كانت البدايات
وايضا مشكله تشتت النظر واذا ركزت في الشئ الثابت احيان اشوفه يهتز
معليش سامحني علي اسيلتي الكثيره
بس ابي احد يفهمني ويعرف معاناتي
واشكرك بارك الله فيك

والله فاهمك والله انا كنت زيك اقول ماحد فاهمني ولافيه احد مثلي وانا بقول لك كل الي كان فيني ( هلع ، قلق توجسي مجرد اي صوت خفيف جنبي انط من نومي ، اكتآب شديد ، بروده اطراف واحيانا تعرق ، اختلال آنيه ، دوخه وعدم اتزان واحساس كني امشي على اسفنج او مويه ، زغللة في العيون وتشتت في النظر ، حتى وأنا اقرأ قرآن احس الحروف متداخله ووقت قيادة السياره احس ان السيارات الثانيه تدخل في خطي ، آلام في الظهر ، الم قي المعده ، غثيان وفقدان الشهيه ، حساسيه في الجلد ، حساسيه انف ، طنين في الاذن ، صداع مستمر ، اللتهاب قولون ، احلام وكوابيس عن الموت والسحر والعين ، أرق ، خمول ، مزاج سيئ ، الجلوس منعزل لوحدي ، قلت النظافه والاهتمام بمظهري الخارجي ، حموضه ، دقات قلب سريعه او بطيئه ، احساس بلجنون ، وساويس لانعد ولاتحصى ) وهذي الي انا متذكره وتدرين وش الي مسبب الاعراض كلها اقسم بلله ( القلق القلق القلق ) يعني بمجرد انه يخف القلق والخوف ورب الكعبه تروح كلها تدريجيا . تاليا اقسم بلله الاعراض كلها الي فيك مريت بها وعارف كل شي عنها انتي توكلي على الله وسوي الي قلت لك صح بتتعبين بدايه العلاج والتطنيش وبتزيد عليك الاعراض لاكن صدقيني بتخف تدريجيا مع الايام وبتصير ماضي .