نفساني - عرض مشاركة واحدة - زواج السعوديه من غير السعودي ( الأجنبي ).

27-09-2014, 07:40 AM

اقتباس:

المشاركة الأصلية كتبت بواسطة لحظه تفائل

مين اللي قالك هالكلام؟
ترا لاتخاف الشرطه مو معناه رفض لان كل الاستثناءات يقولوا تروح للشرطه
لان الداخليه ترسلها للشرطه وتطلب منها البحث والتحرى عن المعلومات اللي قدمتها لهم
انا زيك كتبو لي شرطه منطقه مكه بس اعتقد خطيبي راح لشرطه جده الرئيسيه
اعتقد انهن يحولوها لشرطه جده
بسال خطيبي بشوف وين راح مع اني متاكده قال لي في جده عند مبني التلفزيون
وزي ماقلت لك خذ حذرك لاتروح لحالك او دور واسطه وادخل
او خلي اهل الخطيبه هم اللي يستفسرو لان الشرطه تعتبر الاجنبي لما يستفسر انه ملقوف
وانه هذا شي مايخصه ترا هذا تفكيرهم

ايوه قالو تروح للشرطه في حالتين
إما موافقه وتنسحب الأوراق الي عندهم ( وان شاء الله يكون كذا ) أو الله لا يقدر تحفظ عندهم
أنا كنت أبي أتأكد بس عارف الشرطه الي عند مبنى التلفزيون وهناك أراجع المعاملة حقي
وآخر مره رحت لهم لمى شيكت على المعاملة وقالي الموظف أنها حفظت ب سبب العمر
بس الله يقول الحق معاملتهم معاي كانت جدا كويسه حتى لمى دخلت عليهم المكتب ومعاي
الورقة الي اخذتها من عندهم تحت كان فيه كذا واحد زي يستفسر وعطيته ورقتي وقالي استريح
لمى اخلص الي قبلك وفعلا خلصهم ولمى جا يبحث على حقي قالي انو المعاملة حفظت عشان العمر

بس برضو الله يسعدك على النصيحة و الاحتياط واجب بشوف لي واسطه اي أحد وأكلمهم

الله يعطيكي العافيه على تجاوبك وبأذن واحد أحد تتيسر معاملات كل الأعضاء يااااااارب